ਮੁੰਬਈ - ਭਾਰਤੀ ਰਿਜ਼ਰਵ ਬੈਂਕ ਨੇ ਈ-ਵੈਲੇਟ, ਸਮਾਰਟ ਕਾਰਡ ਅਤੇ ਹਵਾਈਟ ਲੈਵਲ ਏ. ਟੀ. ਐੱਮ. ਵਰਗੀਆਂ ਵਿੱਤੀ ਸੇਵਾ ਦੇਣ ਵਾਲੀਆਂ ਕੰਪਨੀਆਂ ਲਈ ਬਰਾਂਡ ਨਾਂ ਦੇ ਨਾਲ ਕੰਪਨੀ ਦਾ ਨਾਂ ਵੀ ਆਮ ਜਨਤਾ ਨੂੰ ਦੱਸਣਾ ਜ਼ਰੂਰੀ ਕਰ ਦਿੱਤਾ ਹੈ । ਰਿਜ਼ਰਵ ਬੈਂਕ ਨੇ ਜਾਰੀ ਆਰਡੀਨੈਂਸ 'ਚ ਕਿਹਾ ਕਿ ਉਸਦੇ ਸਾਹਮਣੇ ਅਜਿਹੇ ਮਾਮਲੇ ਆਏ ਹਨ ਜਿਨ੍ਹਾਂ ਵਿਚ ਉਸਦੇ ਕੋਲ ਰਜਿਸਟ੍ਰੇਸ਼ਨ ਅਤੇ ਲਾਇਸੰਸ ਲੈਣ ਲਈ ਕੰਪਨੀਆਂ ਆਪਣੇ ਨਾਂ ਦੀ ਵਰਤੋਂ ਕਰਦੀਆਂ ਹਨ, ਜਦੋਂਕਿ ਆਮ ਜਨਤਾ ਵਿਚ ਕਾਰੋਬਾਰ ਲਈ ਉਹ ਬਰਾਂਡ ਨਾਂ ਦੀ ਹੀ ਵਰਤੋਂ ਕਰਦੀਆਂ ਹਨ । ਇਸ ਨਾਲ ਲੋਕਾਂ ਲਈ ਇਹ ਜਾਨਣਾ ਮੁਸ਼ਕਿਲ ਹੁੰਦਾ ਹੈ ਕਿ ਕੋਈ ਸੇਵਾ ਦਾਤਾ ਕੰਪਨੀ ਜਾਂ ਵਾਕਈ ਰਜਿਸਟਰਡ ਹੈ ਜਾਂ ਨਹੀਂ । ਰਿਜ਼ਰਵ ਬੈਂਕ ਨੇ ਇਨ੍ਹਾਂ ਕੰਪਨੀਆਂ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਉਨ੍ਹਾਂ ਨੂੰ ਆਪਣੇ ਇਸ਼ਤਿਹਾਰਾਂ ਅਤੇ ਆਮ ਜਨਤਾ ਨਾਲ ਕੀਤੇ ਜਾਣ ਵਾਲੇ ਕਿਸੇ ਵਾਅਦੇ ਅਤੇ ਬਿਨੈ-ਪੱਤਰਾਂ 'ਤੇ ਬਰਾਂਡ ਨਾਂ ਦੇ ਨਾਲ ਕੰਪਨੀ ਦਾ ਨਾਂ ਵੀ ਦਰਸਾਉਣਾ ਹੋਵੇਗਾ, ਨਾਲ ਹੀ ਇਹ ਵੀ ਦੱਸਣਾ ਹੋਵੇਗਾ ਕਿ ਉਹ ਕਿਸ ਬਰਾਂਡ ਨਾਂ ਨਾਲ ਬਾਜ਼ਾਰ ਵਿਚ ਕਾਰੋਬਾਰ ਕਰ ਰਹੀ ਹੈ ।
ਮਹਿੰਦਰਾ ਨੇ ਵੇਚੇ 13,445 ਦੋਪਹੀਆ ਵਾਹਨ
NEXT STORY 
