5 ਪੈਸੇ ਪ੍ਰਤੀ ਯੂਨਿਟ 1 ਜਨਵਰੀ ਤੋਂ ਹੋਇਆ ਲਾਗੂ
ਚੰਡੀਗੜ੍ਹ, (ਸ਼ਰਮਾ)- ਪੰਜਾਬ ਪਾਵਰ ਕਾਰਪੋਰੇਸ਼ਨ (ਪਾਵਰਕਾਮ) ਨੇ ਸੂਬੇ ਵਿਚ ਬਿਜਲੀ ਦੀਆਂ ਦਰਾਂ ਵਿਚ ਵਾਧਾ ਕਰ ਕੇ ਲੋਕਾਂ ਨੂੰ ਨਵੇਂ ਸਾਲ ਦਾ ਅਨੋਖਾ ਤੋਹਫ਼ਾ ਦਿੱਤਾ ਹੈ। ਪਾਵਰਕਾਮ ਨੇ ਚਾਲੂ ਵਿੱਤੀ ਸਾਲ ਦੀ ਦੂਜੀ ਤਿਮਾਹੀ (ਜੁਲਾਈ-ਸਤੰਬਰ) ਲਈ ਫਿਊਲ ਕਾਸਟ ਐਡਜਸਟਮੈਂਟ (ਐੱਫ. ਸੀ. ਏ.) ਸਰਚਾਰਜ ਦੇ ਰੂਪ ਵਿਚ 5 ਪੈਸੇ ਪ੍ਰਤੀ ਯੂਨਿਟ ਵਾਧਾ 1 ਜਨਵਰੀ 2015 ਤੋਂ ਲਾਗੂ ਕਰ ਦਿੱਤਾ ਹੈ। ਇਹ ਵਾਧਾ 31 ਤੱਕ ਲਾਗੂ ਰਹੇਗਾ। ਇਸ ਮਗਰੋਂ ਐੱਫ. ਸੀ. ਏ. ਦੀ ਗਣਨਾ ਚਾਲੂ ਵਿੱਤੀ ਸਾਲ ਦੀ ਚੌਥੀ ਤੀਸਰੀ ਤਿਮਾਹੀ (ਅਕਤੂਬਰ-ਦਸੰਬਰ) ਦੀ ਫਿਊਲ ਕਾਸਟ ਦੇ ਆਧਾਰ 'ਤੇ ਨਿਰਧਾਰਿਤ ਕੀਤੀ ਜਾਵੇਗੀ ਪਰ ਇਸ ਦੌਰਾਨ ਪੰਜਾਬ ਸਟੇਟ ਇਲੈਕਟ੍ਰੀਸਿਟੀ ਰੈਗੂਲੇਟਰੀ ਕਮਿਸ਼ਨ ਵਲੋਂ ਸਾਲ 2015-16 ਦੀਆਂ ਬਿਜਲੀ ਦੀਆਂ ਦਰਾਂ ਨਿਰਧਾਰਿਤ ਕੀਤੀਆਂ ਜਾਣਗੀਆਂ, ਜਿਸ ਕਾਰਨ ਅਕਤੂਬਰ-ਦਸੰਬਰ ਤਿਮਾਹੀ ਦੀ ਫਿਊਲ ਕਾਸਟ ਐਡਜਸਟਮੈਂਟ ਨਵੀਆਂ ਟੈਰਿਫ਼ ਦੀਆਂ ਦਰਾਂ ਵਿਚ ਕੀਤੀ ਜਾਵੇਗੀ। ਪੰਜਾਬ ਪਾਵਰਕਾਮ ਵਲੋਂ ਕੀਤੇ ਗਏ ਇਸ ਵਾਧੇ ਤੋਂ ਮੀਟਰਡ ਸ਼੍ਰੇਣੀ ਦੇ ਖਪਤਕਾਰਾਂ ਤੋਂ 47.08 ਕਰੋੜ ਤੇ ਗੈਰ-ਮੀਟਰਡ ਸ਼੍ਰੇਣੀ ਦੇ ਖਪਤਕਾਰਾਂ ਤੋਂ 29.33 ਕਰੋੜ ਰੁਪਏ ਦਾ ਮਾਲ ਜੁਟਾਇਆ ਜਾਵੇਗਾ।
ਸੋਨਾ 135 ਰੁਪਏ ਚਮਕਿਆ, ਚਾਂਦੀ 365 ਰੁਪਏ ਹੇਠਾਂ
NEXT STORY 
