ਇਸਲਾਮਾਬਾਦ— ਪਾਕਿਸਤਾਨ ਵਿਚ ਕ੍ਰਿਕਟ ਵਿਚ ਬਤੌਰ ਕਪਤਾਨ ਸਫਲ ਪਾਰੀ ਖੇਡਣ ਤੋਂ ਬਾਅਦ ਸਿਆਸਤ ਵਿਚ ਉੱਤਰੇ ਇਮਰਾਨ ਖਾਨ ਨੇ ਅਫਵਾਹਾਂ ਤੋਂ ਬਾਅਦ ਆਖਰਾਕਾਰ ਕੱਲ੍ਹ ਇਕ ਟੀ. ਵੀ. ਐਂਕਰ ਰੇਹਮ ਖਾਨ ਦੇ ਨਾਲ ਇਕ ਸਾਦੇ ਸਮਾਗਮ ਵਿਚ ਵਿਆਹ ਕਰ ਲਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਦੋਹਾਂ ਦੇ ਰਿਸ਼ਤਿਆਂ ਦੀਆਂ ਸਾਰੀਆਂ ਅਟਕਲਾਂ ਸਮਾਪਤ ਹੋ ਗਈਆਂ। ਰਾਜਧਾਨੀ ਦੇ ਬਾਹਰ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ ਪਾਰਟੀ ਦੇ ਮੁਖੀ 62 ਸਾਲਾ ਇਮਰਾਨ ਖਾਨ ਤੇ 42 ਸਾਲਾ ਰੇਹਮ ਖਾਨ ਦਾ ਨਿਕਾਹ ਇਮਰਾਨ ਦੇ ਫਾਰਮ ਹਾਊਸ 'ਬਾਨੀ ਗਾਲਾ' 'ਤੇ ਮੁਫਤੀ ਸਈਦ ਨੇ ਕਰਵਾਇਆ।
ਇਮਰਾਨ ਖਾਨ ਦੀ ਪਾਰਟੀ 'ਪੀ. ਟੀ. ਆਈ.' ਦੀ ਬੁਲਾਰਣ ਸ਼ਰੀਨ ਮਜਾਰੀ ਨੇ ਟਵੀਟ ਕੀਤਾ, 'ਬਾਨੀ ਗਾਲਾ' ਵਿਚ ਸਾਦੇ ਸਮਾਗਮ ਵਿਚ ਇਮਰਾਨ ਤੇ ਰੇਹਮ ਖਾਨ ਨੇ ਵਿਆਹ ਕੀਤਾ।
ਉਨ੍ਹਾਂ ਨੇ ਕਿਹਾ ਕਿ 'ਨਿਕਾਹ ਜਾਂ ਵਲੀਮਾ ਦੀ ਕੋਈ ਦਾਵਤ ਨਹੀਂ ਹੈ। ਕੱਲ੍ਹ ਗਰੀਬ ਬੱਚਿਆਂ ਵਿਚ ਭੋਜਨ ਵੰਡਿਆ ਜਾਵੇਗਾ।' ਇਮਰਾਨ ਅਤੇ ਰੇਹਮ ਖਾਨ ਦਾ ਨਿਕਾਹ ਪੜ੍ਹਵਾਉਣ ਵਾਲੇ ਮੁਫਤੀ ਸਈਦ ਨੇ ਕਿਹਾ ਕਿ ਇਮਰਾਨ ਨੇ ਉਨ੍ਹਾਂ ਨੂੰ ਮੀਡੀਆ ਨਾਲ ਗੱਲ ਕਰਨ ਨੂੰ ਕਿਹਾ ਹੈ। ਨਿਕਾਹ ਵਿਚ ਕੁਝ ਗਰੀਬੀ ਦੋਸਤਾਂ ਅਤੇ ਪਰਿਵਾਰ ਦੇ ਮੈਂਬਰਾਂ ਨੂੰ ਸੱਦਾ ਦਿੱਤਾ ਗਿਆ ਸੀ। ਨਿਕਾਹ ਵਿਚ 'ਹਕ ਮੇਹਰ' ਦੀ ਰਕਮ 1,00,000 ਰੁਪਏ ਤੈਅ ਕੀਤੀ ਗਈ।
ਭਾਰਤ 'ਚ ਓਬਾਮਾ ਦਾ ਸੁਰੱਖਿਆ ਘੇਰਾ
NEXT STORY 
