ਨਵੀਂ ਦਿੱਲੀ(ਭਾਸ਼ਾ)¸ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਵਲੋਂ ਉਨ੍ਹਾਂ ਦੇ ਸਨਮਾਨ ਵਿਚ ਦਿਤੇ ਗਏ ਰਾਤਰੀ ਭੋਜ ਵਿਚ ਕਿਹਾ ਕਿ ਉਹ 'ਮੋਦੀ ਕੁੜਤਾ' ਪਾਉਣਾ ਚਾਹੁੰਦੇ ਸਨ। ਓਬਾਮਾ ਨੇ ਭਾਸ਼ਣ ਸ਼ੁਰੂ ਕਰਦੇ ਹੋਏ ਅਮਰੀਕਾ ਵਿਚ ਆਈ ਇਕ ਖਬਰ ਨੂੰ ਯਾਦ ਕੀਤਾ, ਜਿਸ ਵਿਚ ਸਵਾਲ ਕੀਤਾ ਗਿਆ ਸੀ ਕਿ ਮਿਸ਼ੇਲ ਓਬਾਮਾ ਦੇ ਇਲਾਵਾ ਹੋਰ ਕੌਣ ਫੈਸ਼ਨ ਆਈਕਾਨ ਹੈ ਅਤੇ ਕਿਹਾ, ''ਮੈਂ ਖੁਦ ਮੋਦੀ ਕੁੜਤਾ ਪਾਉਣ ਦੀ ਸੋਚ ਰਿਹਾ ਸੀ।'' ਓਬਾਮਾ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਉਹ ਮਜ਼ਬੂਤ ਹਨ ਅਤੇ ਉਨ੍ਹਾਂ ਦਾ ਇਕ ਸਟਾਈਲ ਹੈ। ਉਨ੍ਹਾਂ ਕਿਹਾ, ''ਮੇਰੀ ਕਹਾਣੀ ਅਮਰੀਕਾ ਵਿਚ ਹੀ ਹੋ ਸਕਦੀ ਹੈ ਅਤੇ ਨਿਸ਼ਚਿਤ ਤੌਰ 'ਤੇ ਮਿਸਟਰ ਪ੍ਰਾਈਮ ਮਨਿਸਟਰ, ਤੁਹਾਡੀ ਕਹਾਣੀ ਸਿਰਫ ਭਾਰਤ ਵਿਚ ਹੋ ਸਕਦੀ ਹੈ।'' ਓਬਾਮਾ ਨੇ ਮੋਦੀ ਦੇ ਬਚਪਨ ਨੂੰ ਯਾਦ ਕਰਦੇ ਹੋਏ, ਜਦੋਂ ਉਨ੍ਹਾਂ ਦੇ ਪਿਤਾ ਚਾਹ ਵੇਚਦੇ ਸਨ ਅਤੇ ਉਨ੍ਹਾਂ ਦੀ ਮਾਂ ਦੂਜਿਆਂ ਦੇ ਘਰਾਂ ਵਿਚ ਕੰਮ ਕਰਦੀ ਸੀ, ਕਿਹਾ, ''ਅੱਜ ਰਾਤ ਉਨ੍ਹਾਂ ਦਾ ਪੁੱਤਰ ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਦੇ ਪ੍ਰਧਾਨ ਮੰਤਰੀ ਦੇ ਰੂਪ ਵਿਚ ਸਾਡਾ ਸਵਾਗਤ ਕਰ ਰਿਹਾ ਹੈ।''
ਕਾਲਾ ਧਨ ਵਾਪਸ ਲਿਆਉਣਾ ਹੈ ਤਾਂ ਜੇਤਲੀ ਨੂੰ ਬਰਖਾਸਤ ਕਰਨ ਮੋਦੀ : ਜੇਠਮਲਾਨੀ
NEXT STORY 
