ਮੁੰਬਈ- ਜਨਤਕ ਖੇਤਰ ਦੇ ਯੂਨੀਅਨ ਬੈਂਕ ਦਾ ਸ਼ੁੱਧ ਮੁਨਾਫਾ ਚਾਲੂ ਮਾਲੀ ਸਾਲ ਦੀ 31 ਦਸੰਬਰ ਨੂੰ ਖਤਮ ਤਿਮਾਹੀ 'ਚ 13.33 ਫੀਸਦੀ ਡਿਗ ਕੇ 302.42 ਕਰੋੜ ਰੁਪਏ ਰਹਿ ਗਿਆ ਹੈ। ਪਿਛਲੇ ਮਾਲੀ ਸਾਲ ਦੀ ਇਸੇ ਤਿਮਾਹੀ ਵਿਚ ਕੰਪਨੀ ਨੂੰ 348.94 ਕਰੋੜ ਰੁਪਏ ਦਾ ਸ਼ੁੱਧ ਲਾਭ ਹੋਇਆ ਸੀ।
ਬੈਂਕ ਨੇ ਮੰਗਲਵਾਰ ਨੂੰ ਨਿਰਦੇਸ਼ਕ ਮੰਡਲ ਦੀ ਬੈਠਕ ਤੋਂ ਬਾਅਦ ਜਾਰੀ ਨਤੀਜਿਆਂ 'ਚ ਦੱਸਿਆ ਕਿ ਉਸ ਦੀ ਆਮਦਨ 2013-14 ਦੀ ਤੀਜੀ ਤਿਮਾਹੀ ਦੇ 8230.12 ਕਰੋੜ ਰੁਪਏ ਦੇ ਮੁਕਾਬਲੇ 8.39 ਫੀਸਦੀ ਵੱਧ ਕੇ 8921 ਕਰੋੜ ਰੁਪਏ 'ਤੇ ਪਹੁੰਚ ਗਈ।
ਇਸੇ ਤਿਮਾਹੀ 'ਚ ਉਸ ਦੀ ਗੈਰ ਕਾਰਗੁਜ਼ਾਰੀ ਯੋਗ ਸੰਪਤੀ (ਐੱਨ.ਪੀ.ਏ.) 'ਚ ਜ਼ਬਰਦਸਤ ਵਾਧਾ ਹੋਇਆ ਹੈ। ਬੈਂਕ ਦਾ ਕੁਲ ਐੱਨ.ਪੀ.ਏ. 3.85 ਫੀਸਦੀ ਵੱਧ ਕੇ 5.06 ਫੀਸਦੀ ਅਤੇ ਸ਼ੁੱਧ ਐੱਨ.ਪੀ.ਏ. 2.26 ਫੀਸਦੀ ਤੋਂ ਵੱਧ ਕੇ 2.95 ਫੀਸਦੀ 'ਤੇ ਪਹੁੰਚ ਗਿਆ।
ਬੈਂਕ ਨੇ ਦੱਸਿਆ ਕਿ ਇਸੇ ਤਿਮਾਹੀ ਦੇ ਦੌਰਾਨ ਸਾਲ ਦਰ ਸਾਲ ਆਧਾਰ 'ਤੇ ਕੌਮਾਂਤਰੀ ਕਾਰੋਬਾਰ 9.41 ਫੀਸਦੀ ਵੱਧ ਕੇ 561011 ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ਬੇਸਲ-3 ਮਾਪਦੰਡਾਂ ਦੇ ਮੁਤਾਬਕ ਕੈਪੀਟਲ ਐਡੀਕਵੇਸੀ ਰੇਸ਼ੀਆ 10.30 ਫੀਸਦੀ 'ਤੇ ਰਿਹਾ।
ਸ਼ੁਰੂਆਤੀ ਕਾਰੋਬਾਰ 'ਚ ਰੁਪਿਆ 9 ਪੈਸੇ ਕਮਜ਼ੋਰ
NEXT STORY 
