ਮੁੰਬਈ- ਬਾਜ਼ਾਰ ਨੇ ਭਾਰਤ-ਅਮਰੀਕੀ ਕਰਾਰ ਨੂੰ ਜ਼ਬਰਦਸਤ ਸਲਾਮੀ ਦਿੱਤੀ ਹੈ। ਐੱਕਸਪਾਇਰੀ ਵਾਲੇ ਹਫਤੇ ਦੇ ਪਹਿਲੇ ਦਿਨ ਬਾਜ਼ਾਰ ਨਾ ਸਿਰਫ ਲਗਾਤਾਰ 8ਵੇਂ ਦਿਨ ਬੜ੍ਹਤ ਦੇ ਨਾਲ ਬੰਦ ਹੋਇਆ, ਸਗੋਂ ਲਗਾਤਾਰ 5ਵੇਂ ਕਾਰੋਬਾਰੀ ਸੈਸ਼ਨ 'ਚ ਰਿਕਾਰਡ ਉੱਚਾਈ ਬਣਾਉਣ 'ਚ ਕਾਮਯਾਬ ਰਿਹਾ।
ਉਂਝ ਤਾਂ ਬਾਜ਼ਾਰ ਨੇ ਸ਼ੁਰੂਆਤ ਚੰਗੀ ਕੀਤੀ ਪਰ ਬਾਅਦ ਵਿਚ ਥੋੜ੍ਹੀ ਸੁਸਤੀ ਨਜ਼ਰ ਆਈ। ਫਿਰ ਕਾਰੋਬਾਰੀ ਸੈਸ਼ਨ ਦੇ ਆਖਰੀ ਘੰਟੇ 'ਚ ਬਾਜ਼ਾਰ ਨੇ ਦਮਦਾਰ ਵਾਪਸੀ ਕੀਤੀ ਅਤੇ ਰਿਕਾਰਡ ਪੱਧਰਾਂ 'ਤੇ ਦਸਤਕ ਦਿੱਤੀ। ਆਖਰਕਾਰ ਪਹਿਲੀ ਵਾਰ ਨਿਫਟੀ 8900 ਦੇ ਉੱਪਰ ਜਦੋਂਕਿ ਸੈਂਸੈਕਸ 29500 ਦੇ ਉੱਪਰ ਬੰਦ ਹੋਣ 'ਚ ਕਾਮਯਾਬ ਹੋਇਆ ਹੈ।
ਸੈਂਸੈਕਸ ਨੇ ਮੰਗਲਵਾਰ ਨੂੰ 29618.59 ਦੇ ਰਿਕਾਰਡ ਪੱਧਰ ਨੂੰ ਛੋਹਿਆ ਤਾਂ ਨਿਫਟੀ ਵੀ 8925.05 ਦੇ ਰਿਕਾਰਡ ਉਪਰਲੇ ਪੱਧਰ ਤੱਕ ਪਹੁੰਚਣ ਵਿਚ ਕਾਮਯਾਬ ਹੋਇਆ। 8 ਦਿਨਾਂ 'ਚ ਸੈਂਸੈਕਸ ਲਗਭਗ 2224 ਅੰਕ ਉਛਲਿਆ ਹੈ ਤਾਂ ਨਿਫਟੀ ਨੇ 633 ਅੰਕ ਦੀ ਛਲਾਂਗ ਲਗਾਈ ਹੈ। ਇਨ੍ਹਾਂ 8 ਕਾਰੋਬਾਰੀ ਸੈਸ਼ਨ 'ਚ ਬੈਂਕ ਨਿਫਟੀ ਵੀ 1332 ਅੰਕਾਂ ਤੱਕ ਦੌੜਿਆ ਹੈ।
ਦਰਅਸਲ ਓਬਾਮਾ ਦੇ ਭਾਰਤ ਦੌਰੇ ਨਾਲ ਬਾਜ਼ਾਰ ਦੇ ਸੈਂਟੀਮੈਂਟ 'ਚ ਸੁਧਾਰ ਆਇਆ ਹੈ। ਜਦੋਂਕਿ ਐੱਫ.ਆਈ.ਆਈ. ਨਿਵੇਸ਼ਕਾਂ ਦੀ ਲਗਾਤਾਰ ਖਰੀਦਾਰੀ ਨਾਲ ਵੀ ਬਾਜ਼ਾਰ 'ਚ ਤੇਜ਼ੀ ਦਿਖ ਰਹੀ ਹੈ। ਈ.ਸੀ.ਬੀ. ਦੇ ਰਾਹਤ ਪੈਕੇਜ ਨੇ ਵੀ ਬਾਜ਼ਾਰ ਨੂੰ ਬੂਸਟਰ ਡੋਜ਼ ਦੇਣ ਦਾ ਕੰਮ ਕੀਤਾ ਹੈ।
ਬੈਂਕਿੰਗ, ਕੈਪੀਟਲ ਗੁਡਸ, ਆਟੋ, ਐੱਫ.ਐੱਮ.ਸੀ.ਜੀ. ਅਤੇ ਰੀਅਲਟੀ ਸ਼ੇਅਰਾਂ 'ਚ ਖਰੀਦਾਰੀ ਦੇ ਦਮ 'ਤੇ ਬਾਜ਼ਾਰ 'ਚ ਮਜ਼ਬੂਤੀ ਦੇਖਣ ਨੂੰ ਮਿਲੀ ਹੈ। ਹਾਲਾਂਕਿ ਆਈ.ਟੀ., ਟੈਕਨਾਲੋਜੀ ਅਤੇ ਮੈਟਲ ਸ਼ੇਅਰਾਂ 'ਚ ਬਿਕਵਾਲੀ ਹਾਵੀ ਰਹੀ। ਪਰ ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ 'ਚ ਰੌਣਕ ਰਹੀ।
ਅੰਤ ਵਿਚ ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਪ੍ਰਮੁਖ ਇੰਡੈਕਸ ਸੈਂਸੈਕਸ 292.2 ਅੰਕ ਯਾਨੀ ਕਿ 1 ਫੀਸਦੀ ਦੀ ਮਜ਼ਬੂਤੀ ਦੇ ਨਾਲ 29571 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਜਦੋਂਕਿ ਐੱਨ.ਐੱਸ.ਈ. ਦਾ 50 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ ਨਿਫਟੀ 74.9 ਅੰਕ ਯਾਨੀ ਕਿ 0.85 ਫੀਸਦੀ ਦੀ ਬੜ੍ਹਤ ਦੇ ਨਾਲ 8910.5 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।
ਮੰਗਲਵਾਰ ਦੇ ਕਾਰੋਬਾਰੀ ਸੈਸ਼ਨ ਵਿਚ ਐਕਸਿਸ ਬੈਂਕ, ਸਿਪਲਾ, ਆਈ.ਸੀ.ਆਈ.ਸੀ.ਆਈ. ਬੈਂਕ, ਏਸ਼ੀਅਨ ਪੇਂਟਸ, ਆਈ.ਟੀ.ਸੀ. ਅਤੇ ਟਾਟਾ ਮੋਟਰਸ ਜਿਹੇ ਦਿੱਗਜ ਸ਼ੇਅਰ 4.8-3 ਫੀਸਦੀ ਤੱਕ ਮਜ਼ਬੂਤ ਹੋਏ ਹਨ ਹਾਲਾਂਕਿ ਡਾ. ਰੈਡੀਜ਼, ਕੇਅਰਨ ਇੰਡੀਆ, ਇਨਫੋਸਿਸ, ਕੋਲ ਇੰਡੀਆ, ਐੱਮ. ਐਂਡ ਐੱਮ. ਅਤੇ ਐੱਚ.ਯੂ.ਐੱਲ. ਜਿਹੇ ਦਿੱਗਜ ਸ਼ੇਅਰ 4.1-2.5 ਫੀਸਦੀ ਤੱਕ ਡਿਗ ਕੇ ਬੰਦ ਹੋਏ ਹਨ।
ਮਿਡਕੈਪ ਸ਼ੇਅਰਾਂ 'ਚ ਜੈੱਟ ਏਅਰਵੇਜ਼, ਸੁੰਦਰਮ ਕਲੇਟਨ, ਐਡੇਲਵਾਈਸ, ਸਨ ਫਾਰਮਾ ਅਡਵਾਂਸ ਅਤੇ ਮੈਕਸ ਇੰਡੀਆ ਸਭ ਤੋਂ ਜ਼ਿਆਦਾ 14.75-9.3 ਫੀਸਦੀ ਤੱਕ ਉਛਲੇ। ਸਮਾਲਕੈਪ ਸ਼ੇਅਰਾਂ ਵਿਚ ਐੱਸ.ਆਰ.ਐੱਸ ਰੀਅਲ ਇਨਫਰਾ, ਜੀਓਜਿਤ ਬੀ.ਐੱਨ.ਪੀ., ਪੀ.ਐੱਫ.ਐੱਲ. ਇਨਫੋਟੇਕ, ਇੰਡੋ ਆਉਂਟ ਅਤੇ ਟੈੱਕ ਸਾਲਿਊਸ਼ਨ ਸਭ ਤੋਂ ਜ਼ਿਆਦਾ 20-9.6 ਫੀਸਦੀ ਤੱਕ ਚੜ੍ਹੇ ਹਨ।
ਸੈਮਸੰਗ ਬਣਾਏਗੀ ਨਵੇਂ ਆਈਫੋਨ ਦਾ ਇਹ ਖਾਸ ਹਿੱਸਾ, ਸਾਹਮਣੇ ਆਈ ਰਿਪੋਰਟ
NEXT STORY 
