ਨਵੀਂ ਦਿੱਲੀ— ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਸੀ. ਬੀ. ਆਈ. ਨੂੰ ਦੱਸਿਆ ਕਿ ਤਾਲਾਬੀਰਾ ਦੂਜੇ ਕੋਲਾ ਬਲਾਕ ਦੀ ਵੰਡ ਵਿਚ ਉਨ੍ਹਾਂ ਨੇ ਕਿਸੇ ਵੀ ਤਰ੍ਹਾਂ ਨਾਲ ਹਿੰਡਾਲਕੋ ਦਾ ਪੱਖ ਨਹੀਂ ਲਿਆ ਅਤੇ ਇਸ ਨੂੰ ਤੈਅ ਮਾਪਦੰਡਾਂ ਦੇ ਅਨੁਸਾਰ ਕੀਤਾ ਹੈ। ਸਮਝਿਆ ਜਾਂਦਾ ਹੈ ਕਿ ਉਨ੍ਹਾਂ ਨੇ ਇਹ ਗੱਲ ਉਦੋਂ ਆਖੀ ਜਦੋਂ ਸੀ. ਬੀ. ਆਈ. ਦੇ ਅਧਿਕਾਰੀਆਂ ਨੇ ਦਸ ਦਿਨ ਪਹਿਲਾਂ ਇਕ ਵਿਸ਼ੇਸ਼ ਅਦਾਲਤ ਦੇ ਆਦੇਸ਼ ਅਨੁਸਾਰ ਉਨ੍ਹਾਂ ਕੋਲੋਂ ਘਪਲੇ ਦੇ ਸਿਲਸਿਲੇ ਵਿਚ ਪੁੱਛਗਿੱਛ ਕੀਤੀ। ਸੂਤਰਾਂ ਅਨੁਸਾਰ ਸਿੰਘ ਨੇ ਪੁੱਛਗਿੱਛ ਦੌਰਾਨ ਉਨ੍ਹਾਂ ਕੋਲੋਂ ਪ੍ਰਧਾਨ ਮੰਤਰੀ ਦਫਤਰ ਅਤੇ ਕੋਲਾ ਮੰਤਰਾਲਾ ਵਿਚ ਵਾਪਰੇ ਘਟਨਾ ਚੱਕਰ ਸਬੰਧੀ ਪੁੱਛਿਆ ਜਦੋਂ ਉਦਯੋਗਪਤੀ ਕੁਮਾਰ ਮੰਗਲਮ ਬਿਰਲਾ ਨੇ 7 ਮਈ 2005 ਅਤੇ 17 ਜੂਨ 2005 ਨੂੰ ਉਨ੍ਹਾਂ ਨੂੰ ਦੋ ਚਿੱਠੀਆਂ ਲਿਖ ਕੇ ਹਿੰਡਾਲਕੋ ਨੂੰ ਤਾਲਾਬੀਰਾ ਦਾ ਦੂਜਾ ਕੋਲਾ ਬਲਾਕ ਅਲਾਟ ਕਰਨ ਦੀ ਅਪੀਲ ਕੀਤੀ ਸੀ।
ਹਾਫਿਜ ਸਈਦ ਬਣਿਆ ਇਸਲਾਮਿਕ ਸਟੇਟ ਦਾ ਪਾਕਿ-ਅਫਗਾਨ ਕਮਾਂਡਰ
NEXT STORY 
