ਤੁਸੀਂ ਕਈ ਤਰ੍ਹਾਂ ਦੇ ਛੋਲੇ ਬਣਾ ਕੇ ਖਾਧੇ ਹੋਣਗੇ। ਕੀ ਤੁਸੀਂ ਕਦੇ ਪਾਲਕ ਦੇ ਨਾਲ ਮਿਲਾ ਕੇ ਛੋਲੇ ਖਾਧੇ ਹਨ। ਇਸ 'ਚ ਕੋਈ ਹੈਰਾਨ ਵਾਲੀ ਗੱਲ ਨਹੀਂ ਹੈ, ਤੁਸੀਂ ਛੋਲਿਆਂ ਨੂੰ ਪਾਲਕ ਦੇ ਨਾਲ ਮਿਲਾ ਕੇ ਬਣਾਓ ਅਤੇ ਦੇਖੋ ਕਿ ਇਹ ਕਿੰਨਾ ਜ਼ਿਆਦਾ ਹੈਲਦੀ ਹੁੰਦੇ ਹਨ।
ਸਮਗੱਰੀ:-
ਛੋਲੇ- 250 ਗ੍ਰਾਮ
ਪਾਲਕ- 1 ਗੁੱਛਾ
ਪਿਆਜ- 2
ਅਦਰਕ- 2 ਚਮਚ
ਲਸਣ- 4
ਹਰੀ ਮਿਰਚ - 2 ਚਮਚ
ਦਾਲਚੀਨੀ- 1
ਧਨੀਆ ਪਾਊਡਰ- 1 ਚਮਚ
ਜੀਰਾ- 1 ਚਮਚ
ਇਲਾਇਚੀ ਪਾਊਡਰ-1 ਚਮਚ
ਲਾਲ ਮਿਰਚ ਪਾਊਡਰ- 1/2 ਚਮਚ
ਹਲਦੀ ਪਾਊਡਰ- 1 ਚਮਚ
ਨਮਕ ਸੁਆਦ ਅਨੁਸਾਰ
ਤੇਲ-
ਪਾਣੀ- 4 ਕੱਪ
ਵਿਧੀ:-
ਸਭ ਤੋਂ ਪਹਿਲਾਂ ਛੋਲਿਆਂ ਨੂੰ ਬਣਾਉਣ ਤੋਂ 5 ਘੰਟੇ ਪਹਿਲਾਂ ਪਾਣੀ 'ਚ ਭਿਓ ਕੇ ਰੱਖ ਦਿਓ। ਉਸ ਤੋਂ ਬਾਅਦ ਕੁੱਕਰ 'ਚ ਦੋ ਕੱਪ ਪਾਣੀ ਅਤੇ ਥੋੜ੍ਹਾ ਜਿਹਾ ਨਮਕ ਪਾ ਕੇ ਉਬਾਲੋ। ਜਦੋਂ ਇਹ ਉਬਲ ਜਾਣ ਤਾਂ ਇਸ ਨੂੰ ਠੰਡਾ ਹੋਣ ਲਈ ਰੱਖ ਦਿਓ। ਪਾਲਕ ਨੂੰ ਧੋ ਕੇ ਛੋਟੇ ਟੁੱਕੜਿਆਂ 'ਚ ਕੱਟ ਲਓ। ਅਦਰਕ, ਲਸਣ ਅਤੇ ਹਰੀ ਮਿਰਚ ਨੂੰ ਪੀਸ ਕੇ ਰੱਖ ਲਓ। ਹੁਣ ਪੈਨ 'ਚ ਤੇਲ ਗਰਮ ਕਰੋ, ਉਸ 'ਚ ਦਾਲਚੀਨੀ, ਜੀਰਾ ਪਾਓ ਅਤੇ ਫਰਾਈ ਕਰੋ। ਫਿਰ ਉਸ 'ਚ ਪਿਆਜ ਪਾ ਕੇ ਭੁੰਨ ਲਓ, ਜਦੋਂ ਪਿਆਜ ਭੁੱਜ ਜਾਣ ਤਾਂ ਇਸ 'ਚ ਟਮਾਟਰ, ਧਨੀਆ ਪਾਊਡਰ, ਜੀਰਾ ਪਾਊਡਰ, ਹਲਦੀ ਅਤੇ ਲਾਲ ਮਿਰਚ ਪਾ ਕੇ 5 ਮਿੰਟ ਲਈ ਭੁੰਨੋ। ਉਸ ਤੋਂ ਬਾਅਦ ਪਾਲਕ ਦਾ ਪੇਸਟ ਪਾ ਕੇ 5 ਮਿੰਟ ਪਕਾਓ। ਛੋਲਿਆਂ 'ਚੋਂ ਪਾਣੀ ਛਾਨ ਕੇ ਅਤੇ ਉਸ ਨੂੰ ਪਾਲਕ ਦੇ ਨਾਲ ਰਵਾ ਲਓ। ਨਮਕ ਅਤੇ ਇਲਾਇਚੀ ਪਾਊਡਰ ਮਿਲਾਓ ਅਤੇ ਕੁਝ ਦੇਰ ਪਕਾਓ। ਉਸ ਤੋਂ ਬਾਅਦ ਗੈਸ ਬੰਦ ਕਰੋ ਅਤੇ ਇਸ ਨੂੰ ਗਰਮ-ਗਰਮ ਰੋਟੀ ਜਾਂ ਚਾਵਲ ਨਾਲ ਖਾਓ।
ਮੂੰਗਫਲੀ ਦੀ ਬਰਫੀ
NEXT STORY 
