ਟ੍ਰੈਂਡੀ ਪਾਰਟੀ ਡਰੈਸਿਜ਼

Updated: 06 Feb, 2015 12:13 AM

ਜਦੋਂ ਗੱਲ ਪਾਰਟੀ ਦੀ ਆਉਂਦੀ ਹੈ ਤਾਂ ਇਸਦੇ ਲਈ ਤੁਹਾਡੀ ਡਰੈੱਸ ਦਾ ਸਭ ਤੋਂ ਵੱਖਰਾ ਅਤੇ ਆਕਰਸ਼ਕ ਹੋਣਾ ਜ਼ਰੂਰੀ ਹੈ। ਪਾਰਟੀ ਦੀ ਉਲਟੀ ਗਿਣਤੀ ਸ਼ੁਰੂ ਹੁੰਦੇ ਹੀ ਜ਼ਿਆਦਾ ਔਰਤਾਂ ਇਸ ਗੱਲ ਨੂੰ ਲੈ ਕੇ ਦੁਚਿੱਤੀ ਵਿਚ ਰਹਿੰਦੀਆਂ ਹਨ ਕਿ ਉਹ ਪਾਰਟੀ ਵਿਚ ਅਜਿਹਾ ਕੀ ਪਾਉਣ ਜਿਸ ਨਾਲ ਪਾਰਟੀ ਵਿਚ ਉਸਦੀ ਡਰੈੱਸ ਨਾਲ ਉਸਦਾ ਸਟਾਈਲ ਸਟੇਟਮੈਂਟ ਨਜ਼ਰ ਆਏ।
ਸਕਿਨੀ ਜੀਨਸ ਅਤੇ ਪਾਰਟੀ ਟਾਪ
ਪਾਉਣ ਵਿਚ ਕੰਫਰਟੇਬਲ ਅਤੇ ਦੇਖਣ ਵਿਚ ਕੂਲ ਹੋਣ ਕਾਰਨ ਜੀਨਸ ਹਰ ਕੁੜੀ ਦੀ ਪਹਿਲੀ ਪਸੰਦ ਹੁੰਦੀ ਹੈ। ਜੀਨਸ ਨਾਲ ਤੁਸੀਂ ਕਿਸੇ ਵੀ ਤਰ੍ਹਾਂ ਦਾ ਫਲਾਵਰ ਪ੍ਰਿੰਟ, ਟੈਕਸਚੁਅਲ, ਸਿਕਿੰਵਸ, ਲੇਸ ਅਤੇ ਰਾਈਨ ਸਟੋਨ ਨਾਲ ਸਜਾ ਕੇ ਪਾਰਟੀ ਟਾਪ ਟ੍ਰਾਈ ਕਰ ਸਕਦੇ ਹੋ। ਫਾਰਮਲ ਲਾਈਟ ਕਲਰ ਦੀ ਥਾਂ ਡਾਰਕ ਕਲਰ ਦੀ ਜੀਨਸ ਪਾਰਟੀ ਵੀਅਰ ਵਿਚ ਹਮੇਸ਼ਾ ਇਨ ਰਹਿੰਦੀ ਹੈ। ਆਪਣੀ ਪਾਰਟੀ ਦੀ ਡਰੈੱਸ ਨੂੰ ਪਰਫੈਕਟ ਬਣਾਉਣ ਲਈ ਤੁਸੀਂ ਉਸਦੇ ਨਾਲ ਪਰਸ, ਬ੍ਰੈਸਲੇਟ ਅਤੇ ਸਟਿਲੇਟੋਜ ਪਹਿਨੋ।
ਲੇਡੀਜ਼ ਟਕਸਿਡੋ
ਰੈੱਡ ਕਾਰਪੇਟ 'ਤੇ ਤਾਂ ਟਕਸਿਡੋ ਦਾ ਜਲਵਾ ਹਮੇਸ਼ਾ ਹੀ ਬਰਕਰਾਰ ਰਹਿੰਦਾ ਹੈ ਪਰ ਜਦੋਂ ਟਕਸਿਡੋ ਦਾ ਦਖਲ ਪਾਰਟੀ ਵੀਅਰ ਵਿਚ ਹੁੰਦਾ ਹੈ ਤਾਂ ਇਹ ਤੁਹਾਡੀ ਲੁਕ ਨੂੰ ਬੇਹਤਰੀਨ ਬਣਾ ਦਿੰਦਾ ਹੈ। ਮੁੰਡਿਆਂ ਨਾਲ ਹੀ ਟਕਸਿਡੋ ਕੁੜੀਆਂ ਵੀ ਖੂਬ ਫਬਦੇ ਹਨ। ਲੇਡੀਜ਼ ਟਕਸਿਡੋ ਸਲਿਮ ਫਿੱਟ ਹੋਣ ਦੇ ਨਾਲ ਹੀ ਹੇਠਾਂ ਤੋਂ ਨੈਰੋ ਹੁੰਦੇ ਹਨ। ਇਸ ਦੇ ਨਾਲ ਤੁਸੀਂ ਫਲੇਅਰ ਵਾਲੀ ਪੈਂਟ ਜਾਂ ਪਾਰਟੀ ਵੀਅਰ ਜੀਨਸ ਵੀ ਪਹਿਨ ਸਕਦੇ ਹੋ। ਟਕਸਿਡੋ ਨਾਲ ਅਸੈੱਸਰੀਜ਼ ਵਿਚ ਬਲੈਕ ਪਰਸ ਦਾ ਕੰਬੀਨੇਸ਼ਨ ਲਾਜਵਾਬ ਰਹਿੰਦਾ ਹੈ।
ਯਾਦ ਰੱਖੋ
* ਜੇਕਰ ਤੁਸੀਂ ਸ਼ਾਈਨਿੰਗ ਵਾਲੀ ਕੋਈ ਡਰੈੱਸ ਪਹਿਨਦੇ ਹੋ ਤਾਂ ਉਸ ਨਾਲ ਅਸੈੱਸਰੀਜ਼ ਸਿੰਪਲ ਰੱਖੋ।
* ਵਾਲ ਤੁਹਾਡੀ ਲੁਕ ਵਿਚ ਬਹੁਤ ਅਹਿਮ ਹੁੰਦੇ ਹਨ ਇਸ ਲਈ ਬੇਹਤਰ ਹੋਵੇਗਾ ਕਿ ਪਾਰਟੀ ਵਿਚ ਤੁਸੀਂ ਕੋਈ ਨਵਾਂ ਹੇਅਰਸਟਾਈਲ ਜਾਂ ਹੇਅਰ ਕੱਟ ਟਰਾਈ ਕਰੋ।
* ਜੇਕਰ ਤੁਸੀਂ ਆਊਟਡੋਰ ਪਾਰਟੀ ਵਿਚ ਜਾ ਰਹੇ ਹੋ ਤਾਂ ਆਪਣੇ ਸਰੀਰ ਨੂੰ ਢੱਕ ਕਰਕੇ ਜਾਓ। ਟਰੈਂਡੀ ਆਊਟਫਿਟ ਦੇ ਚੱਕਰ ਵਿਚ ਠੰਡ ਨਾਲ ਜੂਝਣਾ ਸਮਝਦਾਰੀ ਨਹੀਂ ਹੈ।
* ਪਾਰਟੀ ਥੀਮ ਲਈ ਤੁਸੀਂ ਬਲੈਕ, ਬੀਜ, ਡਾਰਕ ਬ੍ਰਾਊਨ, ਡਾਰਕ ਬਲੂ ਆਦਿ ਰੰਗਾਂ ਦੇ ਜੈਕੇਟ ਟਰਾਈ ਕਰ ਸਕਦੇ ਹੋ। ਪਰਪਲ, ਮੈਰੂਨ ਜਾਂ ਲਾਈਟ ਬਲੂ ਕਲਰ ਦੇ ਸ਼ਿਮਰ ਲੁਕ ਵਾਲੀ ਸ਼ਰਟ ਨੂੰ ਵੀ ਪਾਰਟੀ ਵੀਅਰ ਡਰੈੱਸ ਦੇ ਤੌਰ 'ਤੇ ਪਹਿਨਿਆ ਜਾ ਸਕਦਾ ਹੈ। ਪਾਰਟੀ ਵੀਅਰ ਡਰੈੱਸ ਵਿਚ ਬੇਹਤਰੀਨ ਬਦਲ ਦੇ ਤੌਰ 'ਤੇ ਤੁਸੀਂ ਕਲਾਸੀ ਲੁੱਕ ਵਾਲੇ ਸ਼ੀਪ ਸਕਿਨ ਜੈਕੇਟ ਨੂੰ ਵੀ ਟਰਾਈ ਕਰ ਸਕਦੇ ਹੋ।