ਨਵੀਂ ਦਿੱਲੀ- ਦੇਸ਼ ਦੀ ਦਿੱਗਜ਼ ਕੰਪਨੀ ਟਾਟਾ ਮੋਟਰਸ ਹਵਾ ਨਾਲ ਚੱਲਣ ਵਾਲੀ ਕਾਰ 'ਤੇ ਕੰਮ ਕਰ ਰਹੀ ਹੈ ਅਤੇ ਰਿਪੋਰਟਸ ਦੀ ਮੰਨਿਏ ਤਾਂ ਇਹ ਕਾਰ ਇਸ ਸਾਲ ਦੇ ਅੰਤ ਤਕ ਲਾਂਚ ਹੋ ਸਕਦੀ ਹੈ। 7 ਸਾਲ ਪਹਿਲਾਂ ਟਾਟਾ ਮੋਟਰਸ ਨੇ ਇਸ ਪ੍ਰਾਜੈਕਟ ਦੇ ਲਈ ਲਕਜ਼ਮਬਗਰ ਸਥਿਤ ਮੋਟਰ ਡਿਵੈਲਪਮੈਂਟ ਇੰਟਰਨੈਸ਼ਨਲ ਦੇ ਨਾਲ ਕਰਾਰ ਕੀਤਾ ਸੀ।
2012 'ਚ ਕੰਪਨੀ ਨੇ ਕਿਹਾ ਸੀ ਕਿ ਉਸ ਨੇ ਆਪਣੀਆਂ ਦੋ ਗੱਡੀਆਂ 'ਤੇ ਇਸ ਟੈਕਨਾਲੋਜੀ ਦਾ ਟੈਸਟ ਕੀਤਾ ਹੈ ਪਰ ਇਸ ਦੇ ਬਾਅਦ ਇਸ ਦੇ ਬਾਰੇ 'ਚ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਹੁਣ ਕੰਪਨੀ ਨੇ ਇਸ ਦੇ ਬਾਰੇ 'ਚ ਆਪਣੀ ਚੁੱਪੀ ਤੋੜੀ ਹੈ। ਇਕ ਰਿਪੋਰਟ ਅਨੁਸਾਰ ਟਾਟਾ ਆਪਣੇ ਇਸ ਪ੍ਰਾਜੈਕਟ 'ਤੇ ਕੰਮ ਕਰ ਰਿਹਾ ਹੈ ਅਤੇ ਇਸ ਦੀ ਹਵਾ ਨਾਲ ਚੱਲਣ ਵਾਲੀ ਕਾਰ ਦੇ ਇਸ ਸਾਲ ਦੇ ਅੰਤ 'ਚ ਲਾਂਚ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਕੰਪ੍ਰੈਸਡ ਹਵਾ ਨਾਲ ਕਾਰ ਦਾ ਵਿਚਾਰ ਨਵਾਂ ਨਹੀਂ ਹੈ ਪਰ ਇਸ 'ਚ ਸ਼ਾਮਲ ਜਟਿਲਤਾਵਾਂ ਦੇ ਕਾਰਨ ਇਸ ਨੂੰ ਅਵਿਵਹਾਰਕ ਮੰਨਿਆ ਜਾਂਦਾ ਰਿਹਾ ਹੈ। ਇਨ੍ਹਾਂ ਜਟਿਲਤਾਵਾਂ 'ਚ ਇੰਜਣ ਦਾ ਘੱਟ ਤਾਪਮਾਨ ਵਰਗੀਆਂ ਗੱਲਾਂ ਸ਼ਾਮਲ ਹਨ ਪਰ ਟਾਟਾ ਮੋਟਰਸ ਨੇ ਆਪਣੇ ਬਲਿਊ ਪ੍ਰਾਜੈਕਟ ਤਹਿਤ ਉਸ ਇੰਜਣ ਦੇ ਨਿਰਮਾਣ 'ਤੇ ਕੰਮ ਕਰ ਰਹੀ ਹੈ ਜੋ ਕੰਪ੍ਰੈਸਡ ਹਵਾ ਨਾਲ ਚੱਲੇਗਾ ਅਤੇ ਜਿਸ 'ਚ ਹਵਾ ਤੋਂ ਬਾਹਰ ਨਿਕਲਣ ਦੇ ਲਈ ਨਿਕਾਸੀ ਪਾਈਪ ਦੀ ਵਰਤੋਂ ਹੋਵੇਗੀ। ਇਸ ਪ੍ਰਾਜੈਕਟ ਦੇ ਦੋ ਭਾਗਾਂ ਨੂੰ ਪੂਰਾ ਕੀਤਾ ਜਾ ਚੁੱਕਾ ਹੈ। ਪਹਿਲੇ ਭਾਗ 'ਚ ਟੈਕਨਾਲੋਜੀ ਟਰਾਂਸਫਰ ਅਤੇ ਟੈਕਨਾਲੋਜੀ ਕਾਨਸੈਪਟ ਦਾ ਪਰੂਫ ਦੇਣਾ ਜਦਕਿ ਦੂਜੇ ਭਾਗ 'ਚ ਇਕ ਵਿਸ਼ੇਸ਼ ਵ੍ਹੀਕਲ'ਚ ਕੰਪ੍ਰੈਸਡ ਏਅਰ ਇੰਜਣ ਨੂੰ ਡਿਵੈਲਪ ਕਰਨਾ ਅਤੇ ਸਥਾਈ ਐਪਲੀਕੇਸ਼ਨ ਦਾ ਡਿਵੈਲਪਮੈਂਟ ਸ਼ਾਮਲ ਹੈ।
ਰਿਪੋਰਟਸ ਅਨੁਸਾਰ ਇਸ ਕਾਰ ਨੂੰ 2015 ਦੇ ਦੂਜੇ ਹਾਫ 'ਚ ਹਵਾਈ 'ਚ ਅਮਰੀਕੀ ਫ੍ਰੈਂਚਾਈਜ਼ੀ ਜ਼ੀਰੋ ਪਾਲਿਊਸ਼ਨ ਵਲੋਂ ਲਾਂਚ ਕੀਤੇ ਜਾਣ ਦੀ ਸੰਭਵਾਨਾ ਹੈ। ਹਾਲਾਂਕਿ ਭਾਰਤ 'ਚ ਇਸ ਕਾਰ ਨੂੰ ਲਾਂਚ ਕੀਤੇ ਜਾਣ ਦੀ ਸਮਾਂ ਸੀਮਾ ਅਜੇ ਤਕ ਨਹੀਂ ਦੱਸੀ ਗਈ। ਇਸ ਕਾਰ 'ਚ ਸਟੀਅਰਿੰਗ ਵ੍ਹੀਲ ਦੀ ਥਾਂ joystick ਹੋਵੇਗੀ, ਇਸ 'ਚ ਤਿੰਨ ਵੱਡੇ ਲੋਕਾਂ ਦੇ ਨਾਲ ਇਕ ਬੱਚੇ ਦੇ ਬੈਠਣ ਦੀ ਜਗ੍ਹਾ ਹੋਵੇਗੀ। ਇਸ ਦੇ ਟੈਂਕ 'ਚ ਕੰਪ੍ਰੈਸਡ ਏਅਰ ਸਟੇਸ਼ਨ ਨਾਲ ਕੰਪ੍ਰੈਸਡ ਏਅਰ ਭਰੀ ਜਾ ਸਕੇਗੀ। ਇਸ ਕਾਰ ਦੀ ਰੇਂਜ 200 ਕਿਲੋਮੀਟਰ ਹੋਣ ਦੀ ਸੰਭਾਵਨਾ ਹੈ ਅਤੇ ਇਸ ਦੀ ਵੱਧ ਸਪੀਡ 80 ਕਿਲੋਮੀਟਰ ਘੰਟੇ ਦੀ ਹੋਵੇਗੀ।
ਹਵਾਈ ਜਹਾਜ਼ ਨਹੀਂ ਇਹ ਹੈ ਗੁਜਰਾਤ ਦੀ ਹਾਈ ਟੈਕ ਬੱਸ (ਦੇਖੋ ਤਸਵੀਰਾਂ)
NEXT STORY 
