ਵਾਸ਼ਿੰਗਟਨ - ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਕਿਹਾ ਹੈ ਕਿ ਅਮਰੀਕਾ ਮੰਦੀ ਤੋਂ ਉੱਭਰ ਗਿਆ ਹੈ ਅਤੇ ਇੱਥੇ ਭਾਰਤ, ਚੀਨ ਜਾਂ ਜਰਮਨੀ ਸਮੇਤ ਹੋਰ ਦੇਸ਼ਾਂ ਤੋਂ ਕਿਤੇ ਵਧੇਰੇ ਆਰਥਿਕ ਵਾਧੇ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ, 'ਅਮਰੀਕੀ ਲੋਕਾਂ ਦੀ ਸਹਿਣਸ਼ਕਤੀ, ਧੀਰਜ, ਸਖਤ ਮਿਹਨਤ ਅਤੇ ਵਿਲੱਖਣ ਪ੍ਰਯੋਗ ਕਰਨ ਦੀ ਸਾਡੀ ਇੱਛਾ ਅਤੇ ਜ਼ੋਖਮ ਝੱਲਣ ਦੇ ਇਰਾਦੇ ਨਾਲ ਅਸੀਂ ਏਨੀ ਚੰਗੀ ਸਥਿਤੀ ਵਿਚ ਹਾਂ।' ਉਨ੍ਹਾਂ ਕਿਹਾ ,'ਮੈਂ ਪੂਰੀ ਦੁਨੀਆ ਘੁੰਮਦਾ ਹਾਂ। ਮੈਨੂੰ ਹਰ ਦੇਸ਼ ਦੀ ਅਰਥਵਿਵਸਥਾ ਸੰਬੰਧੀ ਪਤਾ ਹੈ। ਮੈਂ ਉਨ੍ਹਾਂ ਦੀਆਂ ਸਮੱਸਿਆਵਾਂ ਜਾਣਦਾ ਹਾਂ। ਮੈਨੂੰ ਉਨ੍ਹਾਂ ਦੀ ਤਾਕਤ ਪਤਾ ਹੈ। ਲੋਕ ਚੀਨ, ਜਰਮਨੀ ਅਤੇ ਭਾਰਤ ਸੰਬੰਧੀ ਗੱਲਾਂ ਕਰਦੇ ਹਨ। ਜੇਕਰ ਅਸੀਂ ਮਿਲ ਕੇ ਚੰਗੇ ਫੈਸਲੇ ਕਰੀਏ ਤਾਂ ਇਸ ਤੋਂ ਚੰਗਾ ਕੁਝ ਨਹੀਂ ਹੋਵੇਗਾ।' ਓਬਾਮਾ ਨੇ ਕਿਹਾ ਕਿ ਕਿਸੇ ਨੇ ਅਮਰੀਕਾ ਬਾਰੇ ਕਿਹਾ ਹੈ ਕਿ ਅਸੀਂ ਸਭ ਕੁਝ ਪਰਖਣ ਤੋਂ ਬਾਅਦ ਹਮੇਸ਼ਾ ਸਹੀ ਚੀਜ਼ ਕਰ ਲੈਂਦੇ ਹਾਂ। ਮੈਨੂੰ ਉਮੀਦ ਹੈ ਕਿ ਸਾਨੂੰ ਸਹੀ ਚੀਜ਼ ਕਰਨ ਤੋਂ ਪਹਿਲਾਂ ਸਾਰੀਆਂ ਚੀਜ਼ਾਂ ਪਰਖਣ ਦੀ ਲੋੜ ਨਹੀਂ ਹੈ ਜਿਸ ਨਾਲ ਮੱਧ ਵਰਗੀ ਪਰਿਵਾਰਾਂ ਨੂੰ ਅੱਗੇ ਲਿਆਂਦਾ ਜਾ ਸਕੇ। ਉਨ੍ਹਾਂ ਕਿਹਾ, 'ਜੇਕਰ ਅਸੀਂ ਅਜਿਹਾ ਕਰਦੇ ਹਾਂ ਤਾਂ ਅਰਥਵਿਵਸਥਾ ਹੋਰ ਮਜ਼ਬੂਤ ਹੋਵੇਗੀ, ਕਾਰੋਬਾਰ ਬਿਹਤਰ ਹੋਣਗੇ, ਖਪਤਕਾਰਾਂ ਵਿਚ ਹੋਰ ਜ਼ਿਆਦਾ ਵਿਸ਼ਵਾਸ ਦਾ ਸੰਚਾਰ ਹੋਵੇਗਾ, ਅਸੀਂ ਵਧੇਰੇ ਸਾਮਾਨ ਵੇਚਾਂਗੇ ਅਤੇ ਅਸੀਂ ਆਪਣੇ ਬੱਚਿਆਂ ਲਈ ਜਿਸ ਤਰ੍ਹਾਂ ਦਾ ਭਵਿੱਖ ਚਾਹੁੰਦੇ ਹਾਂ, ਉਹੋ ਜਿਹਾ ਭਵਿੱਖ ਉਨ੍ਹਾਂ ਨੂੰ ਦੇ ਸਕਾਂਗੇ।''
'ਭਾਰਤ ਦੇ ਆਰਥਿਕ ਸੁਧਾਰ ਮਹੱਤਵਪੂਰਨ ਤੇ ਸਾਰਥਿਕ'
ਅਮਰੀਕਾ ਦੀ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਸੁਸੈਨ ਰਾਈਸ ਨੇ ਕਿਹਾ, 'ਇਸ ਸੰਪੂਰਨ ਮਹੱਤਵਪੂਰਨ ਖੇਤਰ ਵਿਚ ਸਾਡੇ ਸੰਬੰਧਾਂ ਨੂੰ ਅੱਗੇ ਵਧਾਉਂਦੇ ਹੋਏ ਮੈਨੂੰ ਅੱਜ ਇਹ ਐਲਾਨ ਕਰਨ ਵਿਚ ਬਹੁਤ ਖੁਸ਼ੀ ਹੋ ਰਹੀ ਹੈ ਕਿ ਅਸੀਂ ਜਾਪਾਨ ਦੇ ਪ੍ਰਧਾਨ ਮੰਤਰੀ ਸ਼ਿੰਜੋ ਅਬੇ ਅਤੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੂੰ ਦੇਸ਼ ਦੇ ਦੌਰੇ ਲਈ ਸੱਦਾ ਭੇਜਿਆ ਹੈ।' ਇਸ ਸਾਲ ਓਬਾਮਾ ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਪਾਰਕ ਗਿਊਨ-ਹੁਵੇ ਅਤੇ ਇੰਡੋਨੇਸ਼ੀਆਈ ਰਾਸ਼ਟਰਪਤੀ ਜੋਗੋ ਵਿਦੋਦੋ ਦਾ ਵੀ ਵ੍ਹਾਈਟ ਹਾਊਸ ਵਿਚ ਸਵਾਗਤ ਕਰਨਗੇ। ਓਬਾਮਾ ਵਲੋਂ ਉਨ੍ਹਾਂ ਦੀ ਰਾਸ਼ਟਰੀ ਸੁਰੱਖਿਆ ਰਣਨੀਤੀ ਜਾਰੀ ਕੀਤੇ ਜਾਣ ਦੇ ਕੁਝ ਦੇਰ ਬਾਅਦ ਹੀ ਰਾਈਸ ਨੇ ਕਿਹਾ, 'ਇਸ ਸਾਲ ਅਸੀਂ ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਪਾਰਕ ਅਤੇ ਇੰਡੋਨੇਸ਼ੀਆ ਦੇ ਰਾਸ਼ਟਰਪਤੀ ਵਿਦੋਦੋ ਸਮੇਤ ਏਸ਼ੀਆ ਦੇ ਹੋਰ ਆਗੂਆਂ ਦਾ ਵ੍ਹਾਈਟ ਹਾਊਸ ਵਿਚ ਸਵਾਗਤ ਕਰਨ ਦਾ ਇੰਤਜ਼ਾਰ ਕਰ ਰਹੇ ਹਾਂ।'
ਜਾਪਾਨੀ ਅਤੇ ਚੀਨੀ ਮੁਖੀਆਂ ਨੂੰ ਭੇਜਿਆ ਅਮਰੀਕਾ ਯਾਤਰਾ ਦਾ ਸੱਦਾ
ਏਸ਼ੀਆ ਪ੍ਰਸ਼ਾਂਤ ਖੇਤਰ ਦੇ ਨਾਲ ਆਪਣੇ ਆਰਥਿਕ, ਕੂਟਨੀਤਕ ਅਤੇ ਸੁਰੱਖਿਆ ਨਾਲ ਸੰਬੰਧਤ ਸੰਬੰਧਾਂ ਨੂੰ ਮਜ਼ਬੂਤੀ ਦੇਣ ਲਈ ਵਾਸ਼ਿੰਗਟਨ ਦੇ ਯਤਨਾਂ ਤਹਿਤ ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਜਾਪਾਨ ਅਤੇ ਚੀਨ ਦੇ ਆਗੂਆਂ ਨੂੰ ਇਸ ਸਾਲ ਅਮਰੀਕਾ ਦੀ ਯਾਤਰਾ 'ਤੇ ਆਉਣ ਦਾ ਸੱਦਾ ਭੇਜਿਆ ਹੈ।
ਸਟੇਨਲੈੱਸ ਸਟੀਲ ਨਿਰਮਾਤਾਵਾਂ ਨੇ ਘਟਾਈਆਂ ਕੀਮਤਾਂ
NEXT STORY 
