ਨਵੀਂ ਦਿੱਲੀ- ਘਰੇਲੂ ਗੈਸ ਸਿਲੰਡਰ ਦੀ ਸਬਸਿਡੀ ਨੂੰ ਲੈ ਕੇ ਜਿਨ੍ਹਾਂ ਉਪਭੋਗਤਾਵਾਂ ਨੇ ਅਜੇ ਤੱਕ ਆਧਾਰ ਕਾਰਡ ਜਮ੍ਹਾ ਨਹੀਂ ਕਰਾਇਆ ਉਨ੍ਹਾਂ ਦੇ ਲਈ ਬੇਹੱਦ ਖਾਸ ਖਬਰ ਹੈ। ਜਿਨ੍ਹਾਂ ਗੈਸ ਉਪਭੋਗਤਾਵਾਂ ਨੇ ਏਜੰਸੀਆਂ 'ਤੇ 'ਪਹਿਲ' ਫਾਰਮ ਭਰ ਦਿੱਤਾ ਹੈ ਪਰ ਅਜੇ ਤੱਕ ਆਧਾਰ ਕਾਰਡ ਜਮ੍ਹਾ ਨਹੀਂ ਕੀਤਾ ਹੈ ਉਨ੍ਹਾਂ ਨੂੰ 20 ਦਿਨ ਦੇ ਅੰਦਰ ਆਧਾਰ ਕਾਰਡ ਜਮ੍ਹਾ ਕਰਨਾ ਹੋਵੇਗਾ ਨਹੀਂ ਤਾਂ ਗੈਸ ਸਿਲੰਡਰ 'ਤੇ ਮਿਲਣ ਵਾਲੀ ਸਬਸਿਡੀ ਦਾ ਲਾਭ ਨਹੀਂ ਮਿਲੇਗਾ। ਦੱਸ ਦਈਏ ਕਿ ਇਹ ਫੈਸਲਾ ਸੋਮਵਾਰ ਨੂੰ ਜ਼ਿਲਾ ਪ੍ਰਸ਼ਾਸਨ, ਗੈਸ ਏਜੰਸੀ ਸੰਚਾਲਕਾਂ ਅਤੇ ਪੈਟਰੋਲੀਅਮ ਅਤੇ ਗੈਸ ਕੰਪਨੀ ਤੋਂ ਆਏ ਅਧਿਕਾਰੀਆਂ ਦੀ ਹੋਈ ਮੀਟਿੰਗ 'ਚ ਲਿਆ ਗਿਆ ਹੈ।
ਇਸ ਫੈਸਲੇ ਨੇ ਉਨ੍ਹਾਂ ਉਪਭੋਗਤਾਵਾਂ ਦੇ ਸਾਹਮਣੇ ਸਮੱਸਿਆ ਪੈਦਾ ਕਰ ਦਿੱਤੀ ਹੈ ਜਿਨ੍ਹਾਂ ਕੋਲ ਆਧਾਰ ਕਾਰਡ ਨਹੀਂ ਹਨ। ਨਵੇਂ ਫਰਮਾਨ ਦੇ ਮੁਤਾਬਕ ਉਪਭੋਗਤਾ ਨੂੰ ਸਿਲੰਡਰ ਲੈਣ ਤੋਂ ਬਾਅਦ ਇਕ ਮੌਕਾ ਦਿੱਤਾ ਜਾਵੇਗਾ। ਜਿਵੇਂ ਕਿ ਕੋਈ ਉਪਭੋਗਤਾ ਗੈਸ ਏਜੰਸੀ ਤੋਂ 11 ਫਰਵਰੀ ਨੂੰ ਸਿਲੰਡਰ ਲੈਂਦਾ ਹੈ ਅਤੇ ਅਗਲੇ ਸਿਲੰਡਰ ਦੇ ਲਈ 20 ਦਿਨ ਬਾਅਦ ਬੁਕਿੰਗ ਕਰਵਾਉਂਦਾ ਹੈ ਤਾਂ ਉਸ ਤੋਂ ਪਹਿਲੇ ਉਸ ਨੂੰ ਆਧਾਰ ਕਾਰਡ ਦੇਣਾ ਹੋਵੇਗਾ ਨਹੀਂ ਤਾਂ ਉਪਭੋਗਤਾ ਦਾ ਨਾਂ ਬਿਨਾ ਸਬਸਿਡੀ ਵਾਲੇ ਨਾਵਾਂ 'ਚ ਸ਼ਾਮਲ ਹੋ ਜਾਵੇਗਾ ਅਤੇ ਉਸ ਨੂੰ ਬਿਨਾ ਸਬਸਿਡੀ ਦਾ ਹੀ ਸਿਲੰਡਰ ਮਿਲੇਗਾ। ਪਹਿਲੇ ਆਧਾਰ ਕਾਰਡ ਜਮ੍ਹਾ ਕਰਵਾਉਣ ਦੇ ਲਈ ਮਾਰਚ ਤੱਕ ਦਾ ਸਮਾਂ ਦਿੱਤਾ ਗਿਆ ਸੀ ਪਰ ਨਵਾਂ ਫਰਮਾਨ ਜਾਰੀ ਹੋਣ ਤੋਂ ਬਾਅਦ ਹੁਣ 20 ਦਿਨ 'ਚ ਉਪਭੋਗਤਾ ਨੂੰ ਆਪਣੇ ਖਾਤੇ ਤੋਂ ਆਧਾਰ ਕਾਰਡ ਨੂੰ ਲਿੰਗ ਕਰਵਾਉਣਾ ਹੋਵੇਗਾ।
ਜਦੋਂਕਿ ਜ਼ਿਲਾ ਖਾਧ ਸਪਲਾਈ ਕੰਟਰੋਲਰ ਦਿਲਬਾਗ ਸਿੰਘ ਦੂਨ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਸੰਚਾਲਤ ਐੱਮ.ਡੀ.ਬੀ.ਟੀ.ਐੱਲ. ਸਕੀਮ ਦੇ ਤਹਿਤ ਹੁਣ ਜਦੋਂ ਵੀ ਗੈਸ ਏਜੰਸੀ ਤੋਂ ਐੱਲ.ਪੀ.ਜੀ. ਉਪਭੋਗਤਾ ਘਰੇਲੂ ਗੈਸ ਸਿਲੰਡਰ ਲੈਣ ਤਾਂ ਆਧਾਰ ਕਾਰਡ ਅਤੇ ਬੈਂਕ ਖਾਤਾ ਨੰਬਰ ਜਮ੍ਹਾ ਕਰਵਾਉਣ ਨਹੀਂ ਤਾਂ ਅਗਲਾ ਸਿਲੰਡਰ ਲੈਣ ਤੋਂ ਪਹਿਲੇ-ਪਹਿਲੇ ਇਹ ਦਸਤਾਵੇਜ਼ ਜਮ੍ਹਾ ਕਰਵਾ ਦੇਣ ਤਾਂ ਜੋ ਸਕੀਮ ਦਾ ਲਾਭ ਪ੍ਰਾਪਤ ਹੋ ਸਕੇ। ਉਨ੍ਹਾਂ ਨੇ ਦੱਸਿਆ ਕਿ ਜੋ ਉਪਭੋਗਤਾ ਅਜਿਹਾ ਨਹੀਂ ਕਰਦੇ ਉਨ੍ਹਾਂ ਨੂੰ ਸਬਸਿਡੀ ਦਾ ਲਾਭ ਨਹੀਂ ਮਿਲੇਗਾ ਅਤੇ ਉਨ੍ਹਾਂ ਦੇ ਨਾਂ ਬਿਨਾ ਸਬਸਿਡੀ ਦੀ ਸੂਚੀ 'ਚ ਟਰਾਂਸਫਰ ਹੋ ਜਾਣਗੇ। ਜਿਸ ਦੇ ਲਈ ਉਪਭੋਗਤਾ ਖੁਦ ਜ਼ਿੰਮੇਵਾਰ ਹੋਣਗੇ।
90% ਕਿਸਾਨ ਉਜਾੜ ਰਹੇ ਨੇ ਧਰਤੀ ਮਾਂ ਦੀ ਕੁੱਖ:ਉਮਿੰਦਰ ਦੱਤ
NEXT STORY 
