ਗਿੱਦੜਬਾਹਾ (ਸੰਧਿਆ)-ਗਿੱਦੜਬਾਹਾ ਦੇ ਵਾਰਡ ਨੰਬਰ-17 ਦੇ ਕਾਂਗਰਸ ਪਾਰਟੀ ਨਾਲ ਸੰਬੰਧਤ ਜੇਤੂ ਉਮੀਦਵਾਰ ਨਰਿੰਦਰ ਕੁਮਾਰ ਮੁੰਜਾਲ ਉਰਫ਼ ਬਿੰਟਾ ਅਰੋੜਾ ਨੂੰ ਕੁਝ ਲੋਕ ਐਤਵਾਰ ਦੀ ਸ਼ਾਮ ਨੂੰ ਸ਼ਰੇਆਮ ਚੁੱਕ ਕੇ ਲੈ ਗਏ ਪਰ ਕੁਝ ਦੇਰ ਬਾਅਦ ਹੀ ਉਕਤ ਵਿਅਕਤੀ ਬਿੰਟਾ ਅਰੋੜਾ ਨੂੰ ਘਰ ਛੱਡ ਗਏ। ਫਿਲਹਾਲ ਇਸ ਘਟਨਾ ਕਾਰਨ ਪੂਰੇ ਸ਼ਹਿਰ 'ਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।
ਇਸ ਸੰਬੰਦੀ ਬੋਲਦਿਆਂ ਆਲ ਇੰਡੀਆ ਯੂਥ ਕਾਂਗਰਸ ਦੇ ਪ੍ਰਧਾਨ ਅਤੇ ਵਿਧਾਨ ਸਭਾ ਖੇਤਰ ਗਿਦੜਬਾਹਾ ਦੇ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸੱਟਾ ਬਾਜ਼ਾਰ ਵਿਚ ਕਰੀਬ 500 ਤੋਂ ਜ਼ਿਆਦਾ ਕਾਂਗਰਸੀ ਸਮਰਥਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਵਾਰਡ ਨੰਬਰ-7 ਦੀ ਉਮੀਦਵਾਰ ਚਾਂਦਨੀ ਗਾਂਧੀ ਦੇ ਨਾਲ ਮਾਰਕੁੱਟ ਕਰਨਾ, ਵਾਰਡ ਨੰਬਰ-17 ਦੇ ਉਮੀਦਵਾਰ ਬਿੰਟਾ ਅਰੋੜਾ ਨੂੰ ਚੁੱਕ ਕੇ ਲੈ ਜਾਣਾ ਅਤੇ ਉਨ੍ਹਾਂ ਦੀ ਪਤਨੀ ਦੇ ਨਾਲ ਬਦਸਲੂਕੀ ਕਰਨਾ ਅਤੇ ਇਸੇ ਤਰ੍ਹਾਂ ਵਾਰਡ ਨੰਬਰ-19 ਦੀ ਉਮੀਦਵਾਰ ਸ਼ਿਖਾ ਗਰਗ ਦੇ ਸਨਮਾਨ ਨੂੰ ਠੇਸ ਪਹੁੰਚਾਉਣ ਵਰਗੀਆਂ ਘਟਨਾਵਾਂ ਗੁੰਡਾਗਰਦੀ ਨੂੰ ਉਤਸ਼ਾਹਿਤ ਕਰਦੀਆਂ ਹਨ।
ਉਨ੍ਹਾਂ ਅਜਿਹੀਆਂ ਘਟਨਾਵਾਂ ਦੀ ਪੁਰਜ਼ੋਰ ਨਿੰਦਾ ਕਰਦੇ ਕਿਹਾ ਕਿ ਗਿੱਦੜਬਾਹਾ ਵਿਚ ਬੇਟੀਆਂ ਅਤੇ ਭੈਣਾਂ ਦੀ ਇੱਜ਼ਤ ਸ਼ਰੇਆਮ ਉਛਾਲੀ ਜਾ ਰਹੀ ਹੈ। ਇਸ ਦਾ ਹਿਸਾਬ ਗਿੱਦੜਬਾਹਾ ਦੀ ਜਨਤਾ ਸਾਲ 2017 ਦੇ ਚੋਣਾਂ ਦੌਰਾਨ ਲਵੇਗੀ। ਉਨ੍ਹਾਂ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਫੋਨ ਕਰਕੇ ਗਿੱਦੜਬਾਹਾ ਦੇ ਅੰਦਰ ਘਟਿਤ ਹੋਣ ਵਾਲੀਆਂ ਸਾਰੀਆਂ ਘਟਨਾਵਾਂ ਤੋਂ ਜਾਣੂ ਕਰਵਾਇਆ। ਉਨ੍ਹਾਂ ਸ਼ਹਿਰ ਦੇ ਅੰਦਰ ਫੈਲਾਈ ਜਾਣ ਵਾਲੀ ਦਹਿਸ਼ਤ ਨੂੰ ਬੰਦ ਕਰਵਾਉਣ ਦੀ ਮੰਗ ਕੀਤੀ।
ਦੁਬਈ ਤੋਂ ਆਇਆ ਸੀ ਵਿਆਹ ਦੇਖਣ, ਪਤਾ ਨਹੀਂ ਸੀ ਇੰਝ ਹੋ ਜਾਊਗਾ (ਵੀਡੀਓ)
NEXT STORY 
