ਸਿਡਨੀ- ਅਮਰੀਕਾ ਦੇ ਕੇਂਦਰੀ ਬੈਂਕ ਫੈਡਰਲ ਰਿਜ਼ਰਵ ਬੈਂਕ ਵੱਲੋਂ ਵਿਆਜ ਦਰਾਂ ਨੂੰ ਵਧਾਉਣ ਦੀ ਸੰਭਾਵਨਾ ਨੇ ਸਾਰੀ ਦੁਨੀਆ ਦੀ ਮਾਰਕਿਟ 'ਚ ਉਥਲ-ਪੁਥਲ ਮਚਾ ਦਿੱਤੀ ਹੈ। ਇਸ ਦੇ ਵੱਡੇ ਗੰਭੀਰ ਨਤੀਜੇ ਦੇਖਣ ਨੂੰ ਮਿਲ ਰਹੇ ਹਨ। ਦੁਨੀਆ ਦੀ ਉਭਰਦੀ ਮਾਰਕਿਟ 'ਚ ਅਮਰੀਕਾ 'ਚ ਇੰਟਰੈੱਸਟ ਰੇਟ ਵਧਣ ਦਾ ਡਰ ਸਾਫ ਦਿਖ ਰਿਹਾ ਹੈ। ਯੂਰੋ ਅਤੇ ਯੇਨ ਦੇ ਮੁਕਾਬਲੇ 12 ਸਾਲਾਂ ਦੀ ਰਿਕਾਰਡ ਉੱਚਾਈ 'ਤੇ ਪਹੁੰਚੇ ਡਾਲਰ ਨੇ ਉਭਰਦੀ ਇਕਨਾਮੀ ਦੀ ਕਰੰਸੀਜ਼ ਦੀ ਹਾਲਤ ਪਤਲੀ ਕਰ ਦਿੱਤੀ ਹੈ। ਇਸ ਨਾਲ ਉਭਰਦੀ ਮਾਰਕਿਟ 'ਚ ਇਹ ਡਰ ਪੈਦਾ ਹੋ ਗਿਆ ਹੈ ਕਿ ਅਮਰੀਕੀ ਡਾਲਰ 'ਚ ਆਈ ਮਜ਼ਬੂਤੀ ਅਤੇ ਵਿਆਜ ਦਰਾਂ 'ਚ ਵਾਧਾ ਹੋਣ ਨਾਲ ਨਿਵੇਸ਼ਕਾਂ ਦਾ ਰੁਖ ਅਮਰੀਕਾ ਵੱਲ ਹੋ ਜਾਵੇਗਾ।
ਇਸ ਡਰ ਦੇ ਨਤੀਜੇ ਏਸ਼ੀਆ ਦੀ ਮਾਰਕਿਟ 'ਤੇ ਵੀ ਦੇਖਣ ਨੂੰ ਮਿਲੇ। ਦੱਖਣੀ ਕੋਰੀਆ ਦਾ ਵਾਨ ਅਗਸਤ 2013 ਤੋਂ ਬਾਅਦ ਅਤੇ ਸਿੰਗਾਪੁਰ ਦਾ ਡਾਲਰ 2010 ਤੋਂ ਬਾਅਦ ਦੇ ਆਪਣੇ ਹੇਠਲੇ ਪੱਧਰ 'ਤੇ ਪਹੁੰਚ ਗਏ। ਨਿਊਜ਼ੀਲੈਂਡ ਦਾ ਡਾਲਰ ਅਮਰੀਕੀ ਡਾਲਰ ਦੇ ਮੁਕਾਬਲੇ 5 ਹਫਤੇ ਦੇ ਸਭ ਤੋਂ ਹੇਠਲੇ ਪੱਧਰ 0.7293 ਡਾਲਰ ਤੱਕ ਪਹੁੰਚ ਗਿਆ। ਯੇਨ ਕੀਮਤ 'ਚ ਵੀ ਭਾਰੀ ਗਿਰਾਵਟ ਦੇਖੀ ਗਈ। ਡਾਲਰ ਦੇ ਮੁਕਾਬਲੇ ਯੇਨ 122.02 'ਤੇ ਪਹੁੰਚ ਗਿਆ।
ਸ਼ੰਘਾਈ ਨੇ ਸੋਮਵਾਰ ਨੂੰ ਥੋੜ੍ਹੀ ਬਹੁਤ ਕਮਾਈ ਕੀਤੀ ਸੀ, ਉਹ ਵੀ ਸ਼ੰਘਾਈ 'ਚ 0.1 ਫੀਸਦੀ ਗਿਰਾਵਟ ਆਉਣ ਨਾਲ ਸਾਰਥਕ ਸਾਬਤ ਨਹੀਂ ਹੋਈ। ਆਰੰਭ 'ਚ ਕਮਜ਼ੋਰ ਯੇਨ 'ਤੇ ਭਾਰੀ ਰਹੀ ਜਾਪਾਨ ਦੀ ਨਿੱਕੀ 'ਚ ਨਿਵੇਸ਼ਕਾਂ ਦੇ ਉਤਸ਼ਾਹ 'ਚ ਕਮੀ ਆਉਣ ਦੇ ਕਾਰਨ 0.8 ਫੀਸਦੀ ਦੀ ਗਿਰਾਵਟ ਹੋਈ।
ਓਪੇਕ ਤੇਲ 54.53 ਡਾਲਰ ਬੈਰਲ
NEXT STORY 
