ਨਵੀਂ ਦਿੱਲੀ- ਲਗਾਤਾਰ 3 ਦਿਨਾਂ ਦੀ ਗਿਰਾਵਟ ਤੋਂ ਬਾਅਦ ਵੀਰਵਾਰ ਨੂੰ ਬਾਜ਼ਾਰ 'ਚ ਤੇਜ਼ੀ ਦਾ ਰੁਖ ਨਜ਼ਰ ਆ ਰਿਹਾ ਹੈ। ਸੈਂਸੈਕਸ ਅਤੇ ਨਿਫਟੀ 'ਚ 0.5 ਫੀਸਦੀ ਦੀ ਮਜ਼ਬੂਤੀ ਆਈ ਹੈ। ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ 'ਚ ਵੀ ਚੰਗੀ ਖਰੀਦਾਰੀ ਆਈ ਹੈ। ਬੀ.ਐੱਸ.ਈ. ਦੇ ਮਿਡਕੈਪ ਅਤੇ ਸਮਾਲਕੈਪ ਇੰਡੈਕਸ 'ਚ ਲਗਭਗ 0.75 ਫੀਸਦੀ ਦੀ ਬੜ੍ਹਤ ਦਰਜ ਕੀਤੀ ਗਈ ਹੈ।
ਕੰਜ਼ਿਊਮਰ ਡਿਊਰੇਬਲਸ, ਪਾਵਰ ਅਤੇ ਬੈਂਕਿੰਗ ਸ਼ੇਅਰਾਂ 'ਚ ਖਰੀਦਾਰੀ ਨਾਲ ਬਾਜ਼ਾਰ ਨੂੰ ਸਹਾਰਾ ਮਿਲਿਆ ਹੈ। ਬੈਂਕ ਨਿਫਟੀ 'ਚ 0.75 ਫੀਸਦੀ ਦੀ ਮਜ਼ਬੂਤੀ ਦਿਖ ਰਹੀ ਹੈ। ਹਾਲਾਂਕਿ ਆਈ.ਟੀ. ਸ਼ੇਅਰਾਂ 'ਚ ਮਾਮੂਲੀ ਬਿਕਵਾਲੀ ਦਿਖਾਈ ਦੇ ਰਹੀ ਹੈ।
ਫਿਲਹਾਲ ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ ਸੈਂਸੈਕਸ 159 ਅੰਕ ਯਾਨੀ ਕਿ 0.5 ਫੀਸਦੀ ਦੀ ਮਜ਼ਬੂਤੀ ਦੇ ਨਾਲ 28818 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਜਦੋਂਕਿ ਐੱਨ.ਐੱਸ.ਈ. ਦਾ 50 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ ਨਿਫਟੀ 47 ਅੰਕ ਯਾਨੀ ਕਿ 0.5 ਫੀਸਦੀ ਦੀ ਉਛਾਲ ਦੇ ਨਾਲ 8747 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਮਿਡਕੈਪ ਸ਼ੇਅਰਾਂ 'ਚ ਰੇਸਪਾਂਸਸਿਵ ਇੰਡਸਟ੍ਰੀਜ਼, ਮੈਕਸ ਇੰਡੀਆ, ਡੇਨ ਨੈੱਟਵਰਕਸ, ਸਨ ਫਾਰਮਾ ਅਡਵਾਂਸਡ ਅਤੇ ਐੱਨ.ਸੀ.ਸੀ. ਸਭ ਤੋਂ ਜ਼ਿਆਦਾ 13.6-3.3 ਫੀਸਦੀ ਤੱਕ ਉਛਲੇ ਹਨ। ਸਮਾਲਕੈਪ ਸ਼ੇਅਰਾਂ 'ਚ ਜਿੰਦਲ ਸਟੇਨਲੈਸ, ਸ਼ੇਰਾਨ ਬਾਇਓ, ਆਧੁਨਿਕ ਇੰਡਸਟ੍ਰੀਜ਼, ਸਟਾਇਰੋਲਿਊਸ਼ਨ ਏ.ਬੀ.ਐੱਸ. ਅਤੇ ਸਿਗਨੇਟ ਇੰਡਸਟ੍ਰੀਜ਼ ਸਭ ਤੋਂ ਜ਼ਿਆਦਾ 11.1-5.6 ਫੀਸਦੀ ਤੱਕ ਚੜ੍ਹੇ ਹਨ।
ਡਾਲਰ ਦੇ ਮੁਕਾਬਲੇ ਰੁਪਿਆ 11 ਪੈਸੇ ਮਜ਼ਬੂਤ ਖੁੱਲ੍ਹਿਆ
NEXT STORY 
