ਨਵੀਂ ਦਿੱਲੀ- ਸਭ ਤੋਂ ਵੱਡੇ ਮੈਸੇਜਿੰਗ ਐਪ ਵਟਸਐਪ ਨੇ ਹਾਲ ਹੀ 'ਚ ਐਂਡਰਾਇਡ ਯੂਜ਼ਰਸ ਲਈ ਵਾਇਸ ਕਾਲਿੰਗ ਫੀਚਰ ਨੂੰ ਪੇਸ਼ ਕੀਤਾ ਹੈ। ਜਿਸ ਨੂੰ ਐਂਡਰਾਇਡ ਯੂਜ਼ਰਸ ਏ.ਪੀ.ਕੇ. ਫਾਈਲ ਜ਼ਰੀਏ ਚਲਾ ਵੀ ਸਕਦੇ ਹਨ। ਹੁਣ ਇਹ ਸਹੂਲਤ ਆਈਫੋਨ ਦੇ ਲਈ ਵੀ ਆ ਸਕਦੀ ਹੈ। ਰਿਪੋਰਟ ਅਨੁਸਾਰ ਇਹ ਗੱਲ ਸਾਹਮਣੇ ਆਈ ਹੈ ਕਿ ਭਾਰਤੀ ਆਈਫੋਨ ਯੂਜ਼ਰਸ ਦੇ ਵਟਸਐਪ 'ਤੇ ਵਾਇਸ ਕਾਲਿੰਗ ਫੀਚਰ ਦੇਖਿਆ ਗਿਆ ਹੈ ਅਤੇ ਇਹ ਕੰਮ ਵੀ ਕਰ ਰਿਹਾ ਹੈ।
ਆਈਫੋਨ 'ਤੇ ਵਟਸਐਪ ਦੇ ਵਾਇਸ ਕਾਲਿੰਗ ਫੀਚਰ ਦੀ ਵਰਤੋਂ ਕਰਨ ਲਈ 2.11.17.444 ਵਰਜ਼ਨ ਹੋਣ ਚਾਹੀਦਾ ਹੈ ਜੋ ਕਿ ਬੀਟਾ ਵਰਜ਼ਨ ਹੈ ਅਤੇ ਇਹ ਸਿਰਫ ਜੇਲਬ੍ਰੇਕ ਹੋਏ ਆਈਫੋਨ 'ਤੇ ਹੀ ਕੰਮ ਕਰੇਗਾ। ਐਪਲ ਦੇ ਐਪ ਸਟੋਰ 'ਤੇ ਇਸ ਸਮੀਂ 2.11.16 ਵਰਜ਼ਨ ਕੰਮ ਕਰ ਰਿਹਾ ਹੈ ਜੋ ਅਜੇ ਤਕ ਕਾਲਿੰਗ ਫੀਚਰ ਨੂੰ ਸਪੋਰਟ ਨਹੀਂ ਕਰਦਾ ਹੈ। ਸਕਰੀਨਸ਼ਾਟ ਨੂੰ ਦੇਖਣ 'ਤੇ ਪਤਾ ਚੱਲਦਾ ਹੈ ਕਿ ਆਈਫੋਨ ਦੇ ਲਈ ਵਟਸਐਪ ਕਾਲਿੰਗ ਫੀਚਰ ਦੇ ਲਈ ਜ਼ਿਆਦਾ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਆਈਫੋਨ 'ਤੇ ਪਹਿਲਾਂ ਵਰਗੇ ਹੀ ਕਾਲ ਬਟਨ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਇਤਾਲਵੀ ਆਈਫੋਨ 'ਚ ਵੀ ਇਸ ਫੀਚਰ ਦੀ ਵੀਡੀਓ ਦੇਖਣ ਨੂੰ ਮਿਲੀ ਸੀ।
ਇਸ ਤਰ੍ਹਾਂ ਆਈਫੋਨ 'ਚ ਇੰਸਟਾਲ ਕਰੋ ਵਟਸਐਪ ਵਾਇਸ ਕਾਲਿੰਗ ਫੀਚਰ
1. ਇਸ ਲਿੰਕ (https://dev2.whatsapp.net/ios/WhatsApp/) 'ਤੇ ਜਾ ਕੇ ਆਈਫੋਨ 'ਚ ਵਟਸਐਪ ਦਾ ਬੀਟਾ ਵਰਜ਼ਨ ਇੰਸਟਾਲ ਕਰੋ।
2. ਇਸ ਦੇ ਬਾਅਦ ਫੋਨ ਦੇ ਸੀਡੀਆ 'ਚ ਜਾ ਕੇ ਸਰਚ ਬਾਰ 'ਚ ਇਸ ਲਿੰਕ ਨੂੰ (http://apt.imokhles.com) ਸਰਚ ਕਰੋ।
3. ਵਟਸਐਪ ਕਾਲ ਐਨਬਲੇਰ ਪੈਕੇਜ ਨੂੰ ਇੰਸਟਾਲ ਕਰੋ।
4. ਵਟਸਐਪ 'ਚ ਜਾ ਕੇ ਕਿਸੀ ਦੋਸਤ ਨੂੰ ਕਾਲ ਕਰਕੇ ਕਾਲਿੰਗ ਫੀਚਰ ਨੂੰ ਐਕਟੀਵੇਟ ਕਰੋ।
5. ਆਖਿਰ 'ਚ ਜਦੋਂ ਦੂਜੇ ਪਾਸਿਓਂ ਤੁਹਾਨੂੰ ਕਾਲ ਆਏਗੀ ਤਾਂ ਇਹ ਫੀਚਰ ਤੁਹਾਡੇ ਵਟਸਐਪ 'ਚ ਚੱਲ ਪਵੇਗਾ।
ਹੋਰ ਜਾਣਕਾਰੀ ਲਈ ਤੁਸੀਂ ਇਸ ਲਿੰਕ 'ਤੇ ਕਲਿਕ ਕਰਕੇ ਵਟਸਐਪ ਵਾਇਸ ਕਾਲਿੰਗ ਫੀਚਰ ਦੇ ਬਾਰੇ 'ਚ ਜਾਣ ਸਕਦੇ ਹੋ। (http://www.idownloadblog.com/2015/03/14/how-to-get-whatsapp-voice-calling-on-your-jailbroken-iphone-right-now/)
ਚੀਨ ਤੋਂ ਦਰਾਮਦ ਸ਼ੀਟ ਗਲਾਸ 'ਤੇ ਐਂਟੀ ਡੰਪਿੰਗ ਫੀਸ ਲੱਗੀ
NEXT STORY 
