ਮੁੰਬਈ- ਰਤਨ ਟਾਟਾ ਅਤੇ ਉਨ੍ਹਾਂ ਦੀ ਟੀਮ ਨੂੰ ਉਸ ਸਮੇਂ ਫੋਰਡ ਤੋਂ ਬੇਇੱਜ਼ਤੀ ਸਹਿਣੀ ਪਈ ਸੀ, ਜਦੋਂ ਉਹ ਆਪਣੇ ਗਰੁੱਪ ਦੇ ਨਵੇਂ ਆਟੋਮੋਬਿਲ ਬਿਜ਼ਨੈੱਸ ਨੂੰ 1999 'ਚ ਫੋਰਡ ਨੂੰ ਵੇਚਣ ਗਏ ਸਨ। ਫੋਰਡ ਦੇ ਹੀ ਬੁਲਾਵੇ 'ਤੇ ਟਾਟਾ ਡੇਟ੍ਰਾਯਟ ਗਏ ਸਨ ਪਰ ਉੱਥੇ ਕੁਝ ਅਜਿਹਾ ਹੋਇਆ ਕਿ ਡੀਲ ਪੂਰੀ ਕੀਤੇ ਬਿਨਾ ਹੀ ਉਹ ਅਤੇ ਉਨ੍ਹਾਂ ਦੀ ਟੀਮ ਪਰਤ ਆਈ। ਇਸ ਘਟਨ ਦੇ ਠੀਕ 9 ਸਾਲ ਬਾਅਦ ਟਾਟਾ ਨੇ ਜੈਗਵਾਰ ਅਤੇ ਲੈਂਡ ਰੋਵਰ ਨੂੰ ਫੋਰਡ ਤੋਂ ਖਰੀਦ ਲਿਆ ਸੀ।
ਅਮਰੀਕਾ ਦੇ ਡੇਟ੍ਰਾਯਟ 'ਚ ਫੋਰਡ ਦੇ ਅਫਸਰਾਂ ਨਾਲ ਰਤਨ ਟਾਟਾ ਅਤੇ ਹੋਰ ਟਾਪ ਅਫਸਰਾਂ ਦੀ ਬੈਠਕ ਨੂੰ ਯਾਦ ਕਰਦੇ ਹੋਏ ਟਾਟਾ ਗਰੁੱਪ ਦੇ ਇਕ ਸੀਨੀਅਰ ਅਫਸਰ ਨੇ ਕਿਹਾ ਕਿ ਉਨ੍ਹਾਂ ਨੇ ਸਾਨੂੰ ਕਿਹਾ ਕਿ ਜਦੋਂ ਤੁਹਾਨੂੰ ਕੁਝ ਪਤਾ ਹੀ ਨਹੀਂ ਸੀ, ਤਾਂ ਤੁਸੀਂ ਪੈਸੇਂਜਰ ਵ੍ਹੀਕਲ ਸੇਗਮੇਂਟ ਵਿਚ ਕਦਮ ਰੱਖਿਆ ਹੀ ਕਿਉਂ? ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਉਹ ਸਾਡੀ ਕਾਰ ਬਿਜ਼ਨੈੱਸ ਨੂੰ ਖਰੀਦ ਕੇ ਸਾਡੇ 'ਤੇ ਅਹਿਸਾਨ ਕਰਨਗੇ। ਉਸ ਸਮੇਂ ਟੀਮ 'ਚ ਸ਼ਾਮਲ ਰਹੇ ਪ੍ਰਣੀਣ ਕਾਡਲੇ ਨੇ ਕਿਹਾ ਕਿ ਟਾਟਾ ਮੋਟਰਸ ਦੀ ਟੀਮ ਨੇ ਉਸ ਸ਼ਾਮ ਨਿਊਯਾਰਕ ਪਰਤਣ ਦਾ ਫੈਸਲਾ ਕੀਤਾ ਅਤੇ ਗਰੁੱਪ ਦੇ ਉਸ ਸਮੇਂ ਦੇ ਚੇਅਰਮੈਨ ਰਤਨ ਟਾਟਾ 90 ਮਿੰਟ ਦੀ ਉਡਾਨ ਦੌਰਾਨ ਉਦਾਸ ਨਜ਼ਰ ਆ ਰਹੇ ਸਨ।
ਇਸ ਘਟਨਾ ਦੇ ਠੀਕ 9 ਸਾਲ ਬਾਅਦ ਹੀ ਟਾਟਾ ਗਰੁੱਪ ਨੇ ਅਮਰੀਕੀ ਕੰਪਨੀ ਦੇ ਮੁੱਖ ਬਰੈਂਡ ਜੈਗਵਾਰ ਅਤੇ ਲੈਂਡ ਰੋਵਰ ਨੂੰ ਉਸ ਫੋਰਡ ਕੰਪਨੀ ਤੋਂ ਖਰੀਦ ਲਿਆ ਸੀ, ਜਿਸ ਨੇ ਕਦੇ ਟਾਟਾ ਨੂੰ ਤਾਅਨਾ ਮਾਰਿਆ ਸੀ। ਟਾਟਾ ਕੈਪੀਟਲ ਦੇ ਮੁਖੀ ਕਾਡਲੇ ਨੇ ਕਿਹਾ ਕਿ ਇਹ ਗੱਲ 1999 ਦੀ ਸੀ ਅਤੇ 2008 'ਚ ਫੋਰਡ ਦੇ ਜੇ. ਐਲ. ਆਰ. ਨੂੰ ਅਸੀਂ ਖਰੀਦਿਆ। ਇਸ ਸਮੇਂ ਫੋਰਡ ਦੇ ਚੇਅਰਮੈਨ ਬਿਲ ਬੋਰਡ ਨੇ ਟਾਟਾ ਨੂੰ ਧੰਨਵਾਦ ਦਿੱਤਾ ਅਤੇ ਕਿਹਾ ਕਿ ਤੁਸੀਂ ਜੇ. ਐਲ. ਆਰ. ਨੂੰ ਖਰੀਦ ਕੇ ਸਾਡੇ 'ਤੇ ਅਹਿਸਾਨ ਕਰ ਰਹੇ ਹੋ। ਉਨ੍ਹਾਂ ਦੀ ਇਸ ਗੱਲ 'ਤੇ ਤਾੜੀਆਂ ਵਜੀਆਂ।
ਕਾਡਲੇ ਨੇ ਕਿਹਾ ਕਿ ਟਾਟਾ ਗਰੁੱਪ ਦੇ ਕਾਰ ਬਿਜ਼ਨੈੱਸ ਨੂੰ ਸ਼ੁਰੂ 'ਚ ਬਾਜ਼ਾਰ 'ਚ ਚੰਗਾ ਸਮਰਥਨ ਨਾ ਮਿਲਣ ਕਾਰਨ ਕੁਝ ਲੋਕਾਂ ਨੇ ਚੇਅਰਮੈਨ ਰਤਨ ਟਾਟਾ ਨੂੰ ਸਲਾਹ ਦਿੱਤੀ ਸੀ ਕਿ ਉਹ ਇਸ ਨੂੰ ਵੇਚ ਦੇਣ। ਫੋਰਡ ਦੇ ਅਫਸਰ ਸਾਡੇ ਹੈੱਡਕੁਆਰਟਰ ਬਾਂਬੇ ਹਾਊਸ ਆਏ ਅਤੇ ਕਾਰ ਡਿਪਾਰਟਮੈਂਟ ਨੂੰ ਖਰੀਦਣ ਵਿਚ ਰੁਚੀ ਦਿਖਾਈ। ਟਾਟਾ ਮੋਟਰਸ ਦੀ ਕਾਇਆ ਪਲਟ ਅਤੇ ਉਸ ਦੇ ਵਾਧੇ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਕਾਡਲੇ ਨੇ ਕਿਹਾ ਕਿ ਅਸੀਂ ਚਰਚਾ ਲਈ ਡੇਟ੍ਰਾਯਟ ਬੁਲਾਇਆ ਗਿਆ ਅਤੇ ਮੈਂ ਚੇਅਰਮੈਨ ਨਾਲ ਸੀ। ਲਗਭਗ 3 ਘੰਟੇ ਦੀ ਗੱਲਬਾਤ ਤੋਂ ਬਾਅਦ ਉਨ੍ਹਾਂ ਨੇ ਇਕ ਤਰ੍ਹਾਂ ਨਾਲ ਸਾਡਾ ਅਪਮਾਨ ਹੀ ਕੀਤਾ।
'ਆਪ' ਵਿਵਾਦ: ਰਾਜੇਸ਼ ਗਰਗ ਨੇ ਕੁਮਾਰ ਵਿਸ਼ਵਾਸ ਨੂੰ ਭੇਜਿਆ ਕਾਨੂੰਨੀ ਨੋਟਿਸ
NEXT STORY 
