ਨਵੀਂ ਦਿੱਲੀ- ਸੋਮਵਾਰ ਨੂੰ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਮਹਿੰਗਾਈ ਦੇ ਅੰਕੜਿਆਂ ਵਿਚ ਥੋਕ ਮਹਿੰਗਾਈ ਪਿਛਲੇ ਸਾਲ ਦੇ ਮੁਕਾਬਲੇ ਘੱਟ ਹੋ ਕੇ 2.06 ਫੀਸਦੀ 'ਤੇ ਆ ਗਈ ਹੈ। ਹਾਲਾਂਕਿ ਸਰਕਾਰੀ ਦਾਅਵੇ ਦੇ ਉਲਟ ਪ੍ਰਚੂਨ ਬਾਜ਼ਾਰ 'ਚ ਸਬਜ਼ੀਆਂ ਦੀਆਂ ਕੀਮਤਾਂ ਆਸਮਾਨ ਛੋਹ ਰਹੀਆਂ ਹਨ।
ਪ੍ਰਚੂਨ ਬਾਜ਼ਾਰ 'ਚ ਆਲੂ ਦੀ ਕੀਮਤ 10 ਰੁਪਏ, ਪਿਆਜ 30 ਰੁਪਏ, ਟਮਾਟਰ 40 ਰੁਪਏ, ਭਿੰਡੀ 80 ਰੁਪਏ, ਨਿੰਬੂ 100 ਰੁਪਏ, ਮੂਲੀ 15 ਰੁਪਏ, ਗੋਭੀ 25 ਰੁਪਏ, ਸ਼ਿਮਲਾ ਮਿਰਚ 60 ਰੁਪਏ, ਗਾਜਰ 25 ਰੁਪਏ, ਮਟਰ 30 ਰੁਪਏ ਕਿਲੋ ਦੇ ਭਾਅ ਤੋਂ ਵਿਕ ਰਹੇ ਹਨ। ਪਿਛਲੇ ਕਈ ਦਿਨਾਂ ਤੋਂ ਹੋ ਰਹੀ ਬਾਰਸ਼ ਦੇ ਕਾਰਨ ਸਬਜ਼ੀਆਂ ਦੀਆਂ ਕੀਮਤਾਂ 'ਚ 10 ਰੁਪਏ ਦਾ ਵਾਧਾ ਹੋਇਆ ਹੈ।
ਪਿਛਲੇ ਸਾਲ ਫਰਵਰੀ 'ਚ ਇਹ 5.03 ਫੀਸਦੀ ਸੀ। ਸਮੀਖਿਆ ਅਧੀਨ ਸਮਾਂ ਮਿਆਦ 'ਚ ਪਿਆਜ਼, ਦਾਲ ਅਤੇ ਅੰਡਾ, ਮਾਸ ਅਤੇ ਮੱਛੀ ਜਿਹੇ ਪ੍ਰਟੀਨ ਭਰਪੂਰ ਉਤਪਾਦਾਂ ਦੇ ਥੋਕ ਮੁੱਲ ਪੱਧਰ 'ਚ ਵਾਧੇ ਦੀ ਦਰ ਉੱਚੀ ਹੋਈ ਹੈ ਜਦੋਂਕਿ ਸਬਜ਼ੀ-ਫਲ ਅਤੇ ਦੁੱਧ ਦੀ ਮੁਦਰਾਸਫਿਤੀ ਦੀ ਦਰ ਘਟੀ ਹੈ। ਸੋਮਵਾਰ ਨੂੰ ਜਾਰੀ ਅਧਿਕਾਰਤ ਅੰਕੜਿਆਂ ਦੇ ਮੁਤਾਬਕ ਖਾਧ ਖੇਤਰ ਵਿਚ ਮੁਦਰਾਸਫਿਤੀ 7.74 ਫੀਸਦੀ ਅਤੇ ਵਿਨਿਰਮਿਤ ਉਤਪਾਦਾਂ ਦੇ ਖੇਤਰ ਵਿਚ ਇਹ 0.33 ਫੀਸਦੀ ਰਹੀ।
ਈਂਧਨ ਅਤੇ ਬਿਜਲੀ ਖੇਤਰ 'ਚ ਮੁਦਰਾਸਫਿਤੀ ਫਰਵਰੀ ਦੇ ਦੌਰਾਨ ਸਿਫਰ ਤੋਂ 14.72 ਫੀਸਦੀ ਹੇਠਾਂ ਰਹੀ। ਇਸ ਤੋਂ ਪਿਛਲੇ ਮਹੀਨੇ ਇਸ ਵਰਗ ਵਿਚ ਮੁਦਰਾਸਫਿਤੀ ਸਿਫਰ ਤੋਂ 10.69 ਫੀਸਦੀ ਹੇਠਾਂ ਸੀ।
ਇਸ ਵਿਚਾਲੇ ਦਸੰਬਰ ਦੇ ਅੰਤਿਮ ਅੰਕੜਿਆਂ ਦੇ ਆਧਾਰ 'ਤੇ ਉਸ ਮਹੀਨੇ ਦੀ ਥੋਕ ਮੁੱਲ ਸੂਚਕ ਅੰਕ ਅਧਾਰਤ ਮੁਦਰਾਸਫਿਤੀ ਨੂੰ ਸੋਧ ਕੇ ਸਿਫਰ ਤੋਂ 0.50 ਫੀਸਦੀ ਹੇਠਾਂ ਕਰ ਦਿੱਤਾ ਗਿਆ ਹੈ। ਸ਼ੁਰੂਆਤੀ ਅੰਕੜਿਆਂ 'ਚ ਇਸ ਨੂੰ ਸਿਫਰ ਤੋਂ 0.11 ਫੀਸਦੀ ਹੇਠਾਂ ਦੱਸਿਆ ਗਿਆ ਸੀ। ਭਾਰਤੀ ਰਿਜ਼ਰਵ ਬੈਂਕ ਦੀ 7 ਅਪ੍ਰੈਲ ਨੂੰ ਹੋਣ ਵਾਲੀ ਮੌਦ੍ਰਿਕ ਨੀਤੀ ਦੇ ਐਲਾਨ ਵਿਚ ਥੋਕ ਮੁੱਲ ਸੂਚਕ ਅੰਕ ਅਧਾਰਤ ਮੁਦਰਾਸਫਿਤੀ ਦੇ ਅੰਕੜਿਆਂ 'ਤੇ ਵੀ ਗੌਰ ਕੀਤਾ ਜਾਵੇਗਾ। ਆਰ.ਬੀ.ਆਈ. ਨੇ ਜਨਵਰੀ ਤੋਂ ਮਾਰਚ ਦੇ ਦੌਰਾਨ ਨੀਤੀਗਤ ਵਿਆਜ ਦਰ (ਰੇਪੋ) 'ਚ 0.50 ਫੀਸਦੀ ਕਮੀ ਕੀਤੀ ਤਾਂ ਜੋ ਮੁਦਰਾਸਫਿਤੀ ਦਬਾਅ 'ਚ ਨਰਮੀ ਦੇ ਵਿਚਾਲੇ ਵਾਧੇ ਨੂੰ ਉਤਸ਼ਾਹਤ ਕੀਤਾ ਜਾ ਸਕੇ।
ਅਗਲੇ ਮਹੀਨੇ ਐਲ.ਜੀ. ਕਰੇਗੀ ਸਮਾਰਟਫੋਨ ਬਾਜ਼ਾਰ 'ਚ ਧਾਮਾਕਾ (ਤਸਵੀਰਾਂ)
NEXT STORY 
