ਨਵੀਂ ਦਿੱਲੀ- ਸਾਬਕਾ ਦੂਰਸੰਚਾਰ ਮੰਤਰੀ ਦਿਆਲੂ ਮਾਰਨ ਅਤੇ ਉਨ੍ਹਾਂ ਦੇ ਭਰਾ ਕਲਾਨਿਧੀ ਮਾਰਨ ਨੇ ਸੋਮਵਾਰ ਨੂੰ ਵੱਖ-ਵੱਖ ਪਟੀਸ਼ਨਾਂ ਦਰਜ ਕਰਕੇ ਏਅਰਸੈੱਲ-ਮੈਕਸਿਸ ਸੌਦਾ ਮਾਮਲਾ ਚਲਾਉਣ ਦੇ ਵਿਸ਼ੇਸ਼ ਅਦਾਲਤ ਦੇ ਅਧਿਕਾਰ ਖੇਤਰ ਨੂੰ ਚੁਣੌਤੀ ਦਿੱਤੀ । ਇਸ ਮਾਮਲੇ 'ਚ ਉਨ੍ਹਾਂ ਨੂੰ ਹੋਰਾਂ ਦੇ ਨਾਲ ਦੋਸ਼ੀਆਂ ਦੇ ਰੂਪ 'ਚ ਪੇਸ਼ ਕੀਤਾ ਗਿਆ ਹੈ । ਵਿਸ਼ੇਸ਼ ਸੀ.ਬੀ.ਆਈ. ਜੱਜ ਓ.ਪੀ. ਸੈਣੀ ਨੇ ਸੀ.ਬੀ.ਆਈ. ਨੂੰ ਨੋਟਿਸ ਜਾਰੀ ਕੀਤਾ ਅਤੇ ਮਾਰਨ ਭਰਾਵਾਂ ਦੀਆਂ ਪਟੀਸ਼ਨਾਂ 'ਤੇ 3 ਅਗਸਤ ਨੂੰ ਜਵਾਬ ਮੰਗਿਆ ਹੈ।
ਅਦਾਲਤ ਨੇ ਚਾਰ ਹੋਰ ਦੋਸ਼ੀਆਂ ਮਲੇਸ਼ੀਆਈ ਕਾਰੋਬਾਰੀ ਟੀ. ਆਨੰਦ ਕ੍ਰਿਸ਼ਣਨ, ਆਗਸਤਸ ਰਾਲਫ ਮਾਰਸ਼ਲ ਅਤੇ ਦੋ ਕੰਪਨੀਆਂ ਨੂੰ ਨਵੇਂ ਸਿਰਿਓਂ ਸੰਮਨ ਜਾਰੀ ਕੀਤੇ । ਇਹ ਸੰਮਨ ਸੀ.ਬੀ.ਆਈ. ਦੇ ਇਹ ਕਹੇ ਜਾਣ ਤੋਂ ਬਾਅਦ ਜਾਰੀ ਕੀਤੇ ਗਏ ਕਿ ਉਨ੍ਹਾਂ ਦੇ ਖਿਲਾਫ ਜਾਰੀ ਸੰਮਨ ਹੁਣ ਤਕ ਤਾਮੀਲ ਨਹੀਂ ਹੋ ਪਾਏ ਹਨ । ਸੀਨੀ. ਸਰਕਾਰੀ ਵਕੀਲ ਕੇ. ਕੇ. ਗੋਇਲ ਨੇ ਅਦਾਲਤ ਨੂੰ ਦੱਸਿਆ ਕਿ ਇਨ੍ਹਾਂ ਚਾਰ ਦੋਸ਼ੀਆਂ ਨੂੰ ਜਾਰੀ ਸੰਮਨ ਹੁਣ ਤਕ ਤਾਮੀਲ ਨਹੀਂ ਹੋ ਪਾਏ ਹਨ ਅਤੇ ਉਨ੍ਹਾਂ ਨੂੰ ਘੱਟ ਤੋਂ ਘੱਟ ਇਸ ਦੇ ਲਈ ਤਿੰਨ ਮਹੀਨਿਆਂ ਦਾ ਸਮਾਂ ਚਾਹੀਦਾ ਹੈ ਜਿਸ ਤੋਂ ਬਾਅਦ ਅਦਾਲਤ ਨੇ ਮਾਰਨ ਭਰਾਵਾਂ ਦੀਆਂ ਜ਼ਮਾਨਤ ਅਰਜ਼ੀਆਂ, ਮੁਕੱਦਮਾ ਚਲਾਉਣ ਦੇ ਅਦਾਲਤ ਦੇ ਅਧਿਕਾਰ ਖੇਤਰ ਨੂੰ ਚੁਣੌਤੀ ਦੇਣ ਦੀ ਉਨ੍ਹਾਂ ਦੀ ਬੇਨਤੀ ਅਤੇ ਮਲੇਸ਼ੀਆ ਆਧਾਰਿਤ ਦੋਸ਼ੀਆਂ ਨੂੰ ਸੰਮਨ ਤਾਮੀਲ ਕਰਵਾਉਣ ਦੀ ਪ੍ਰਕਿਰਿਆ ਤੇ ਦਲੀਲਾਂ ਸੁਣਨ ਲਈ ਮਾਮਲਾ 3 ਅਗਸਤ ਤਕ ਟਾਲ ਦਿੱਤਾ ।
ਹੈਰਾਨ ਨਾ ਹੋਵੋ, ਇਹ ਹੈ ਨੌਜਵਾਨਾਂ ਲਈ ਐਲ.ਜੀ. ਦਾ ਨਵਾਂ ਸਮਾਰਟਫੋਨ
NEXT STORY 
