ਨਵੀਂ ਦਿੱਲੀ- ਸਮਾਰਟਫੋਨ ਅਤੇ ਇਲੈਕਟ੍ਰਾਨਿਕਸ ਸਾਮਾਨ ਬਣਾਉਣ ਵਾਲੀ ਸਾਊਥ ਕੋਰੀਅਨ ਕੰਪਨੀ ਐਲ.ਜੀ. ਇਸ ਵਾਰ ਅਨੋਖਾ ਸਮਾਰਟਫੋਨ ਲੈ ਕੇ ਆਈ ਹੈ। ਕੰਪਨੀ ਇਸ ਨੂੰ ਐਲ.ਜੀ. ਏਕਾ ਨਾਮ ਤੋਂ ਲੈ ਕੇ ਆਈ ਹੈ। ਇਸ ਸਮਾਰਟਫੋਨ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਕੰਪਨੀ ਨੇ ਇਸ ਨੂੰ ਕਈ ਤਰ੍ਹਾਂ ਦੇ ਮੂਡ ਕੇਸ ਦੇ ਨਾਲ ਉਤਾਰਿਆ ਹੈ। ਇਸ ਫੋਨ ਨੂੰ ਵਿਸ਼ੇਸ਼ ਤੌਰ 'ਤੇ ਨੌਜਵਾਨ ਗਾਹਕਾਂ ਲਈ ਉਤਾਰਿਆ ਹੈ ਜਿਨ੍ਹਾਂ ਨੂੰ ਇਹ ਖੂਬ ਲੁਭਾਏਗਾ।
ਚਾਰ ਤਰ੍ਹਾਂ ਦੇ ਅਨੋਖੇ ਕੇਸ ਦੇ ਨਾਲ ਆਇਆ ਹੈ-
ਐਲ.ਜੀ. ਏਕਾ ਨੂੰ ਕੰਪਨੀ ਨੇ ਚਾਰ ਤਰ੍ਹਾਂ ਦੇ ਵੱਖ-ਵੱਖ ਮੂਡ ਕੇਸਿਜ਼ ਦੇ ਨਾਲ ਉਤਾਰਿਆ ਹੈ। ਇਨ੍ਹਾਂ 'ਚ ਇੱਗੀ (ਯੇਲੋ), ਵੂਕੀ (ਵ੍ਹਾਈਟ), ਸੌਲ (ਬਲਿਊ) ਅਤੇ ਯੋਯੋ (ਪਿੰਕ) ਸ਼ਾਮਲ ਹੈ। ਇਹ ਚਾਰੋਂ ਹੀ ਕੇਸਿਜ਼ ਦੇਖਣ 'ਚ ਕਾਫੀ ਆਕਰਸ਼ਕ ਲੱਗਦੇ ਹਨ।
ਫਿਲਹਾਲ ਕੋਰੀਆ 'ਚ ਹੀ ਹੋਇਆ ਹੈ ਲਾਂਚ
ਕੰਪਨੀ ਨੇ ਫਿਲਹਾਲ ਇਹ ਸਮਾਰਟਫੋਨ ਕੋਰੀਆਈ ਮਾਰਕੀਟ 'ਚ ਵਿਕਰੀ ਲਈ ਜਾਰੀ ਕੀਤਾ ਹੈ। ਇਥੇ ਇਸ ਨੂੰ 9900 ਏ.ਟੀ.ਡੀ. (ਲੱਗਭਗ 19700 ਰੁਪਏ) ਦੀ ਕੀਮਤ 'ਚ ਉਤਾਰਿਆ ਗਿਆ ਹੈ। ਖਬਰ ਹੈ ਕਿ ਜਲਦੀ ਹੀ ਇਸ ਨੂੰ ਦੁਨੀਆ ਦੇ ਹੋਰ ਬਾਜ਼ਾਰਾਂ 'ਚ ਵੀ ਵਿਕਰੀ ਲਈ ਜਾਰੀ ਕੀਤਾ ਜਾ ਰਿਹਾ ਹੈ।
ਐਲ.ਜੀ. ਏਕਾ ਦੇ ਖਾਸ ਫੀਚਰ
ਆਕਰਸ਼ਕ ਕਵਰਸ ਦੇ ਨਾਲ ਆਉਣ ਵਾਲੇ ਐਲ.ਜੀ. ਏਕਾ ਐਲ.ਜੀ. ਏਕਾ 'ਚ 5 ਇੰਚ ਦੀ ਆਈ.ਪੀ.ਐਸ. ਡਿਸਪਲੇ ਸਕਰੀਨ, 1.2 ਗੀਗਾਹਾਰਟਜ਼ ਕਵਾਡਕੋਰ ਪ੍ਰੋਸੈਸਰ, 1.5 ਜੀ.ਬੀ. ਰੈਮ, 8 ਮੈਗਾਪਿਕਸਲ ਕੈਮਰਾ ਰਿਅਰ, 2.1 ਮੈਗਾਪਿਕਸਲ ਕੈਮਰਾ ਅੱਗੇ, 16 ਜੀ.ਬੀ. ਇੰਟਰਨਲ ਮੈਮੋਰੀ ਅਤੇ 2610 ਐਮ.ਏ.ਐਚ. ਦੀ ਬੈਟਰੀ ਦਿੱਤੀ ਗਈ ਹੈ। ਇਹ ਇਕ 4ਜੀ ਸਮਾਰਟਫੋਨ ਹੈ ਜੋ ਐਂਡਰਾਇਡ 4.4 ਕਿਟਕੈਟ ਓ.ਐਸ. 'ਤੇ ਕੰਮ ਕਰਦਾ ਹੈ।
ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਅਤੇ ਚਾਂਸਲਰ ਮਰਕੇਲ ਕਰਨਗੇ ਹੇਨੋਵਰ ਮੇਲੇ ਦਾ ਉਦਘਾਟਨ
NEXT STORY 
