ਨਵੀਂ ਦਿੱਲੀ— ਜੇਕਰ ਤੁਸੀਂ ਘੰਟਿਆਂ ਤੱਕ ਫੋਨ ਨਾਲ ਚਿਪਕ ਕੇ ਬੈਠੇ ਰਹਿੰਦੇ ਹੋ ਤਾਂ ਤੁਹਾਡੇ ਲਈ ਇਹ ਖਬਰ ਕੰਮ ਦੀ ਹੋ ਸਕਦੀ ਹੈ। ਸਿਰਫ ਇਕ ਕੋਡ ਰਾਹੀਂ ਤੁਸੀਂ ਜਾਣ ਸਕਦੇ ਹੋ ਕਿ ਤੁਹਾਡਾ ਮੋਬਾਈਲ ਕਿੰਨਾਂ ਕੁ ਖਤਰਨਾਕ ਹੈ। ਅੱਜ ਕੱਲ੍ਹ ਬਾਜ਼ਾਰ ਵਿਚ ਚਾਈਨੀਜ਼ ਮੋਬਾਈਲ ਫੋਨ ਦੀ ਦਾ ਭਰਮਾਰ ਹੈ। ਇਨ੍ਹਾਂ ਫੋਨਾਂ ਤੋਂ ਨਿਕਲਣ ਵਾਲੀ ਰੇਡੀਏਸ਼ਨ ਆਮ ਮਾਨਕਾਂ ਨਾਲੋਂ ਵਧੇਰੇ ਹੈ। ਆਪਣੇ ਫੋਨ ਦੀ ਰੇਡੀਏਸ਼ਨ ਦਾ ਪਤਾ ਲਗਾਉਣ ਲਈ ਤੁਸੀਂ *#07# ਡਾਇਲ ਕਰੋ। ਇਹ ਨੰਬਰ ਡਾਇਲ ਕਰਦੇ ਸਾਰ ਹੀ ਤੁਹਾਡਾ ਮੋਬਾਈਲ ਸਕ੍ਰੀਨ 'ਤੇ ਰੇਡੀਏਸ਼ਨ ਵੈਲਿਓ ਆ ਜਾਵੇਗੀ।
ਕੌਮਾਂਤਰੀ ਅਤੇ ਭਾਰਤੀ ਕਾਨੂੰਨਾਂ ਦੇ ਮੁਤਾਬਕ ਇਹ ਰੇਡੀਏਸ਼ਨ ਵੈਲਿਊ 1.6 ਵਾਟ/ਕਿਲੋਗ੍ਰਾਮ ਤੋਂ ਘੱਟ ਨਹੀਂ ਹੋਣੀ ਚਾਹੀਦੀ ਪਰ ਘੱਟ ਕੀਮਤ ਦੇ ਸਮਾਰਟਫੋਨ ਬਜ਼ਾਰਾਂ ਵਿਚ ਲਿਆਉਣ ਦੀ ਦੌੜ ਵਿਚ ਕੰਪਨੀਆਂ ਇਸ ਮਾਨਕ ਦੀ ਅਣਦੇਖੀ ਕਰ ਦਿੰਦੀਆਂ ਹਨ।
ਰੇਡੀਏਸ਼ਨ ਨਾਲ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਹੁੰਦੀਆਂ ਹਨ। ਉੱਚ ਰੇਡੀਏਸ਼ਨ ਵਾਲੇ ਫੋਨ ਸੁਣਨ ਨਾਲ ਸੁਣਨ ਦੀ ਸਮਰੱਥਾ ਘੱਟ ਹੁੰਦੀ ਹੈ ਅਤੇ ਮਾਨਸਿਕ ਤਣਾਅ ਸਮੇਤ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਹੋਣ ਦਾ ਖਤਰਾ ਰਹਿੰਦਾ ਹੈ।
ਮਾਹਰਾਂ ਦਾ ਕਹਿਣਾ ਹੈ ਕਿ ਫੋਨ ਲਗਾਤਾਰ ਇਕ ਕੰਨ ਤੋਂ ਨਹੀਂ ਸੁਣਨਾ ਚਾਹੀਦਾ। ਚਾਰਜ ਕਰਦੇ ਸਮੇਂ ਕਦੇ ਵੀ ਮੋਬਾਈਲ 'ਤੇ ਜ਼ਿਆਦਾ ਗੱਲ ਨਹੀਂ ਕਰਨਾ ਚਾਹੀਦੀ। ਇਸ ਦੌਰਾਨ ਰੇਡੀਏਸ਼ਨ ਲੈਵਲ ਬਹੁਤ ਜ਼ਿਆਦਾ ਹੁੰਦਾ ਹੈ।
ਸਿਗਨਲ ਕਮਜ਼ੋਰ ਹੋਣ ਜਾਂ ਬੈਟਰੀ ਡਿਸਚਾਰਜ ਹੋਣ ਦੌਰਾਨ ਗੱਲ ਕਰਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਇਸ ਸਮੇਂ ਵੀ ਰੇਡੀਏਸ਼ਨ ਲੈਵਲ ਉੱਚ ਹੁੰਦਾ ਹੈ। ਹੋ ਸਕੇ ਤਾਂ ਜ਼ਿਆਦਾ ਤੋਂ ਜ਼ਿਆਦਾ ਹੈੱਡਫੋਨਜ਼ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
ਭਾਰਤ 'ਚ ਹਰ 3 ਮਿੰਟ 'ਚ ਹੈਕ ਹੋ ਜਾਂਦੀ ਹੈ ਇਕ ਵੈੱਬਸਾਈਟ
NEXT STORY 
