ਨਵੀਂ ਦਿੱਲੀ- ਗੂਗਲ ਟੈਕ ਵਰਲਡ 'ਚ ਅੱਗੇ ਰਹਿਣ ਲਈ ਲਗਾਤਾਰ ਨਵੇਂ ਫੀਚਰਸ 'ਤੇ ਕੰਮ ਕਰ ਰਿਹਾ ਹੈ। ਇਸ ਚਾਹਤ 'ਚ ਕੰਪਨੀ ਐਂਡਰਾਇਡ ਯੂਜ਼ਰਸ ਲਈ ਇਕ ਇਸ ਤਰ੍ਹਾਂ ਦੀ ਟੈਕਨਾਲੋਜੀ 'ਤੇ ਕੰਮ ਕਰ ਰਹੀ ਹੈ ਜੋ ਤੁਹਾਡੇ ਸਮਾਰਟਫੋਨ ਐਕਸਪੀਰੀਐਂਸ ਨੂੰ ਵਧੀਆ ਬਣਾ ਦੇਵੇਗੀ। ਖਬਰ ਹੈ ਕਿ ਗੂਗਲ ਦੇ ਸਮਾਰਟਫੋਨਸ ਜਲਦੀ ਹੀ ਤੁਹਾਡੇ ਟੱਚ ਨੂੰ ਮਹਿਸੂਸ ਕਰਨ ਲੱਗਣਗੇ ਅਤੇ ਆਪਣੇ ਆਪ ਲਾਕ ਮੋਡ ਐਜੇਸਟ ਕਰ ਦੇਣਗੇ। ਫੋਨ ਦੇ ਅਕਸੇਲਰੋਮੀਟਰ ਜ਼ਰੀਏ ਇਹ ਫੀਚਰ ਪਤਾ ਲਗਾ ਲਵੇਗਾ ਕਿ ਫੋਨ ਕਦੋਂ ਤੁਹਾਡੇ ਹੱਥ 'ਚ ਹੈ ਅਤੇ ਕਦੋਂ ਜੇਬ 'ਚ ਅਤੇ ਕਦੋਂ ਤੁਹਾਡੇ ਕੋਲ ਨਹੀਂ ਹੈ।
ਇਸ ਅਨੁਸਾਰ ਹੀ ਇਹ ਫੀਚਰ ਫੋਨ ਨੂੰ ਲਾਕ ਜਾਂ ਅਨਲਾਕ ਕਰ ਦੇਵੇਗਾ। ਜੇਕਰ ਤੁਸੀਂ ਡਿਵਾਈਸ ਨੂੰ ਇਕ ਵਾਰ ਆਨਲਾਕ ਕਰਦੇ ਹੋ ਤਾਂ ਫੋਨ ਉਦੋਂ ਤਕ ਲਾਕ ਨਹੀਂ ਹੋਵੇਗਾ ਜਦੋਂ ਤਕ ਇਹ ਤੁਹਾਡੇ ਹੱਥ ਜਾਂ ਜੇਬ 'ਚ ਰਹੇਗਾ। ਜਿਵੇਂ ਹੀ ਤੁਸੀਂ ਫੋਨ ਨੂੰ ਆਪਣੇ ਆਪ ਤੋਂ ਦੂਰ ਕਰੋਗੇ ਇਹ ਆਪਣੇ ਆਪ ਹੀ ਲਾਕ ਹੋ ਜਾਵੇਗਾ। ਐਂਡਰਾਇਡ ਡਿਵੈਲਪਮੈਂਟਸ 'ਤੇ ਨਜ਼ਰ ਰੱਖਣ ਵਾਲੀ ਵੈਬਸਾਈਟ ਐਂਡਰਾਇਡ ਪੁਲਸ ਅਨੁਸਾਰ ਗੂਗਲ ਇਸ ਦੇ ਜ਼ਰੀਏ ਯੂਜ਼ਰਸ ਨੂੰ ਥੋੜੀ ਸਹੂਲਤ ਅਤੇ ਸਕਿਉਰਿਟੀ ਮੁਹੱਇਆ ਕਰਵਾਉਣ ਦੀ ਕੋਸ਼ਿਸ਼ 'ਚ ਹੈ। ਜ਼ਿਕਰਯੋਗ ਹੈ ਕਿ ਇਸ ਫੀਚਰ ਦਾ ਫਾਇਦਾ ਐਂਡਰਾਇਡ 5.0 ਜਾਂ ਇਸ ਦੇ ਉਪਰ ਦੇ ਓ.ਐਸ. ਵਾਲੇ ਸਮਾਰਟਫੋਨਸ 'ਤੇ ਵੀ ਚੁੱਕਿਆ ਜਾ ਸਕੇਗਾ।
ਇੰਨੀ ਘੱਟ ਕੀਮਤ 'ਚ ਇੰਨੇ ਸ਼ਾਨਦਾਰ ਫੀਚਰਸ, ਇਹ ਕੰਪਨੀ ਕਰੇਗੀ ਸਾਰਿਆਂ ਨੂੰ ਹੈਰਾਨ
NEXT STORY 
