ਨਵੀਂ ਦਿੱਲੀ- ਜਿਓਮੀ, ਵਨਪਲੱਸ, ਓਪੋ, ਵੀਵੋ ਦੇ ਬਾਅਦ ਹੁਣ ਚੀਨੀ ਸਮਾਰਟਫੋਨ ਮੇਕਰ ਮੀਜ਼ੂ ਵੀ ਭਾਰਤੀ ਬਾਜ਼ਾਰ 'ਚ ਆਉਣ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਵਲੋਂ ਉਸ ਦੇ ਸੋਸ਼ਲ ਨੈਟਵਰਕਿੰਗ ਅਕਾਊਂਟਸ 'ਤੇ ਇਕ ਟੀਜ਼ਰ ਅਪਲੋਡ ਕੀਤਾ ਗਿਆ ਹੈ, ਜਿਸ ਤੋਂ ਸੰਕੇਤ ਮਿਲਦਾ ਹੈ ਕਿ ਉਹ ਭਾਰਤ 'ਚ ਐਮ1 ਨੋਟ ਪੇਸ਼ ਕਰਨ ਵਾਲੀ ਹੈ।
ਮੀਜ਼ੂ ਦੇ ਇਸ ਟੀਜ਼ਰ 'ਚ ਸਾਫ ਤੌਰ 'ਤੇ ਇਹ ਜ਼ਿਕਰ ਹੈ ਕਿ ਉਹ ਭਾਰਤ 'ਚ ਆਪਣੇ ਆਪ੍ਰੇਸ਼ਨਸ ਸ਼ੁਰੂ ਕਰਨ ਜਾ ਰਹੀ ਹੈ। ਕੰਪਨੀ ਨੇ ਲਾਂਚਿੰਗ ਡੇਟ ਜਾਂ ਮਾਡਲ ਦੀ ਕੀਮਤ ਨੂੰ ਲੈ ਕੇ ਕੋਈ ਖੁਲਾਸਾ ਨਹੀਂ ਕੀਤਾ ਹੈ ਪਰ ਜਾਣਕਾਰ ਮੰਨਦੇ ਹਨ ਕਿ ਅਪ੍ਰੈਲ ਮਹੀਨੇ 'ਚ ਕੰਪਨੀ ਭਾਰਤ 'ਚ ਇਹ ਸਮਾਰਟਫੋਨ ਪੇਸ਼ ਕਰ ਸਕਦੀ ਹੈ। ਕੀਮਤ 7000 ਦੇ ਆਸ-ਪਾਸ ਹੋਵੇਗੀ। ਇਹ ਫੋਨ ਆਈਫੋਨ 5ਸੀ ਵਰਗਾ ਦਿਖਾਈ ਦਿੰਦਾ ਹੈ।
ਕੀ ਹੈ ਐਮ1 ਨੋਚ ਦੀ ਖਾਸੀਅਤ
ਮੀਜ਼ੂ ਨੇ ਐਮ1 ਨੋਟ ਦਸੰਬਰ 'ਚ ਚੀਨ 'ਚ ਲਾਂਚ ਕੀਤਾ ਸੀ। ਸਾਢੇ ਪੰਜ ਇੰਚ ਸਕਰੀਨ ਵਾਲਾ ਇਹ ਫੈਬਲੇਟ ਫੁੱਲ ਐਚ.ਡੀ. ਰੈਜ਼ੇਲਿਊਸ਼ਨ (1080 ਗੁਣਾ 1920 ਪੀ) ਵਾਲਾ ਹੈ। ਇਸ 'ਚ 1.7 ਜੀ.ਐਚ.ਜ਼ੈਡ. ਓਕਟਾਕੋਰ ਮੀਡੀਆਟੈਕ ਐਮ.ਟੀ.6752 64 ਪ੍ਰੋਸੈਸਰ ਅਤੇ 2 ਜੀ.ਬੀ. ਰੈਮ ਹੈ। ਫੋਨ 16 ਜੀ.ਬੀ. ਅਤੇ 32 ਜੀ.ਬੀ. ਸਟੋਰੇਜ ਵਿਕਲਪ ਦੇ ਨਾਲ ਉਪਲੱਬਧ ਹੈ। ਇਸ 'ਚ ਮਾਈਕਰੋ ਐਸ.ਡੀ. ਕਾਰਡ ਸਲਾਟ ਨਹੀਂ ਹੈ ਅਤੇ 3140 ਐਮ.ਏ.ਐਚ. ਦੀ ਬੈਟਰੀ ਹੈ। ਰਿਅਰ ਕੈਮਰਾ 13 ਮੈਗਾਪਿਕਸਲ, ਜਿਸ ਨਾਲ ਡਿਊਲ ਐਲ.ਈ.ਡੀ. ਫਲੈਸ਼ ਹੈ। ਫਰੰਟ 'ਚ 5 ਮੈਗਾਪਿਕਸਲ ਦਾ ਕੈਮਰਾ ਹੈ। ਫੋਨ FlyMe OS 4.0 'ਤੇ ਚੱਲਦਾ ਹੈ, ਜੋ ਐਂਡਰਾਇਡ 4.4 ਕਿਟਕੈਟ 'ਤੇ ਆਧਾਰਿਤ ਹੈ।
ਇਕ ਅਪ੍ਰੈਲ ਤੋਂ ਨਹੀਂ ਮਿਲਣਗੇ ਸਸਤੇ ਸਿਲੰਡਰ
NEXT STORY 
