ਨਵੀਂ ਦਿੱਲੀ- ਸਪਾਈਸਜੈੱਟ ਅਤੇ ਗੋ ਏਅਰ ਤੋਂ ਬਾਅਦ ਹੁਣ ਏਅਰ ਏਸ਼ੀਆ ਨੇ ਗਾਹਕਾਂ ਨੂੰ ਲੁਭਾਉਣ ਦੇ ਲਈ ਸਸਤੇ ਸਫਰ ਦਾ ਆਫਰ ਪੇਸ਼ ਕੀਤਾ ਹੈ। ਏਅਰ ਏਸ਼ੀਆ ਦੇ ਇਸ ਆਫਰ ਦੇ ਤਹਿਤ ਸਿਰਫ 550 ਰੁਪਏ 'ਚ ਟਿਕਟ ਵੇਚੇ ਜਾ ਰਹੇ ਹਨ। ਏਅਰ ਏਸ਼ੀਆ ਦਾ ਇਹ ਆਫਰ 29 ਮਾਰਚ, 2015 ਤੱਕ ਹੈ।
ਇਸ ਆਫਰ ਦੇ ਦੌਰਾਨ ਖਰੀਦੇ ਗਏ ਟਿਕਟ ਤੋਂ 1 ਸਤੰਬਰ 2015 ਤੋਂ ਲੈ ਕੇ 31 ਮਈ 2016 ਦੇ ਅੰਦਰ ਯਾਤਰਾ ਕੀਤੀ ਜਾ ਸਕੇਗੀ। ਇਸ ਆਫਰ ਦੇ ਤਹਿਤ ਬੇਂਗਲੂਰ-ਚੇਨਈ ਦਾ ਟਿਕਟ 550 ਰੁਪਏ 'ਚ ਵੇਚਿਆ ਜਾ ਰਿਹਾ ਹੈ ਤਾਂ ਬੇਂਗਲੂਰ-ਕੋਚੀ ਦਾ ਟਿਕਟ 750 ਰੁਪਏ 'ਚ ਅਤੇ ਬੇਂਗਲੂਰ-ਗੋਆ ਦਾ ਟਿਕਟ 950 ਰੁਪਏ 'ਚ ਵੇਚਿਆ ਜਾ ਰਿਹਾ ਹੈ। ਬੇਂਗਲੂਰ-ਚੰਡੀਗੜ੍ਹ ਅਤੇ ਬੇਂਗਲੂਰ-ਜੈਪੁਰ ਦੇ ਟਿਕਟ 1550 ਰੁਪਏ 'ਚ ਮਿਲ ਰਹੇ ਹਨ।
ਤੁਹਾਨੂੰ ਦੱਸ ਦਈਏ ਕਿ ਹਾਲ ਦੇ ਦਿਨਾਂ 'ਚ ਕਈ ਏਅਰਲਾਈਨਸ ਨੇ ਸਸਤੇ ਸਫਰ ਦਾ ਆਫਰ ਦਿੱਤਾ ਹੈ। ਬੀਤੇ ਦਿਨੀਂ ਗੋ ਏਅਰ ਨੇ ਕਿਰਾਏ 'ਚ ਕਟੌਤੀ ਦਾ ਨਵਾਂ ਦੌਰ ਸ਼ੁਰੂ ਕਰਦੇ ਹੋਏ ਸੀਮਿਤ ਸਮਾਂ ਮਿਆਦ ਦੇ ਲਈ ਘੱਟ ਕਿਰਾਏ ਦੀ ਨਵੀਂ ਯੋਜਨਾ ਪੇਸ਼ ਕੀਤੀ ਸੀ, ਜਿਸ 'ਚ ਕੰਪਨੀ ਦੇ ਨੈੱਟਵਰਕ 'ਚ ਯਾਤਰਾ ਦਾ ਇਕ ਪਾਸੇ ਦਾ ਕਿਰਾਇਆ 999 ਰੁਪਏ ਰੱਖਿਆ ਗਿਆ। ਇਸ ਤੋਂ ਪਹਿਲੇ ਸਪਾਈਸਜੈੱਟ ਨੇ ਸਸਤੇ ਸਫਰ ਦਾ ਆਫਰ ਦਿੱਤਾ ਸੀ। ਸਪਾਈਸਜੈੱਟ ਨੇ ਇਕ ਪਾਸੇ ਦਾ ਕਿਰਾਇਆ 599 ਰੁਪਏ ਰੱਖਿਆ ਸੀ।
ਇਹ ਕੰਪਨੀ ਲੈ ਕੇ ਆ ਰਹੀ ਹੈ ਇੰਨਾ ਸਸਤਾ 'iPhone 5C'! (ਦੇਖੋ ਤਸਵੀਰਾਂ)
NEXT STORY 
