ਮੁੰਬਈ- ਆਰਥਿਕ ਵਾਧੇ ਦੇ ਕਮਜ਼ੋਰ ਅੰਕੜਿਆਂ ਦੇ ਬਾਵਜੂਦ ਫੰਡਾਂ ਅਤੇ ਫੁਟਕਰ ਨਿਵੇਸ਼ਕਾਂ ਵੱਲੋਂ ਚੋਣਵੇਂ ਸ਼ੇਅਰਾਂ ਦੀ ਖਰੀਦ ਵਧਾਏ ਜਾਣ ਦੇ ਕਾਰਨ ਬੰਬਈ ਸ਼ੇਅਰ ਬਾਜ਼ਾਰ ਦਾ ਸੈਂਸੈਕਸ ਬੁੱਧਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ 35 ਅੰਕ ਮਜ਼ਬੂਤ ਹੋ ਗਿਆ। ਬੰਬਈ ਸ਼ੇਅਰ ਬਾਜ਼ਾਰ ਦੇ ਪ੍ਰਮੁੱਖ ਸੂਚਕ ਅੰਕ ਬੀ.ਐੱਸ.ਈ.-30 'ਚ ਮੰਗਲਵਾਰ ਨੂੰ ਕੁਲ 18.37 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ, ਜੋ ਬੁੱਧਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ 35.47 ਅੰਕ ਜਾਂ 0.12 ਫੀਸਦੀ ਦੀ ਤੇਜ਼ੀ ਦੇ ਨਾਲ 27,992.96 ਅੰਕ 'ਤੇ ਪਹੁੰਚ ਗਿਆ।
ਹਾਲਾਂਕਿ ਨੈਸ਼ਨਲ ਸਟਾਕ ਐੱਕਸਚੇਂਜ ਦਾ ਨਿਫਟੀ-50 ਮੰਗਲਵਾਰ ਦੇ ਪੱਧਰ 8,490.85 ਅੰਕ 'ਤੇ ਸਥਿਰ ਰਿਹਾ। ਬਾਜ਼ਾਰ ਵਿਸ਼ਲੇਸ਼ਕਾਂ ਨੇ ਦੱਸਿਆ ਕਿ ਆਰਥਿਕ ਵਾਧੇ ਦੇ ਕਮਜ਼ੋਰ ਅੰਕੜਿਆਂ ਦੇ ਬਾਵਜੂਦ ਫੰਡਾਂ ਅਤੇ ਫੁਟਕਰ ਨਿਵੇਸ਼ਕਾਂ ਵੱਲੋਂ ਸਿਹਤ, ਪੂੰਜੀਗਤ ਸਾਮਾਨ, ਉਪਭੋਗਤਾ ਵਸਤਾਂ, ਬਿਜਲੀ, ਵਾਹਨ ਅਤੇ ਤੇਲ ਅਤੇ ਗੈਸ ਖੇਤਰ ਦੇ ਸ਼ੇਅਰਾਂ ਦੀ ਖਰੀਦ ਵਧਾਏ ਜਾਣ ਦੇ ਕਾਰਨ ਸੈਂਸੈਕਸ 'ਚ ਤੇਜ਼ੀ ਆਈ।
ਪੈਟਰੋਲ ਤੇ ਡੀਜ਼ਲ ਹੋਇਆ ਸਸਤਾ
NEXT STORY 
