ਵਾਸ਼ਿੰਗਟਨ(ਭਾਸ਼ਾ)-ਅਮਰੀਕਾ ਦੇ ਵਿੱਤ ਮੰਤਰੀ ਜੈਕਬ ਲਿਊ ਨੇ ਕਿਹਾ ਕਿ ਉਨ੍ਹਾਂ ਦਾ ਦੇਸ਼ ਚੀਨ ਦੀ ਅਗਵਾਈ ਵਾਲੇ ਏਸ਼ੀਆ ਇਨਫ੍ਰਾਸਟਰਕਚਰ ਇਨਵੈਸਟਮੈਂਟ ਬੈਂਕ (ਏ. ਆਈ. ਆਈ. ਬੀ.) ਨੂੰ ਸਵੀਕਾਰ ਕਰਨ ਲਈ ਤਿਆਰ ਹੈ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਅਮਰੀਕਾ ਨੇ ਚਿੰਤਾ ਜ਼ਾਹਿਰ ਕੀਤੀ ਸੀ। ਲਿਊ ਨੇ ਕਿਹਾ ਕਿ ਅਮਰੀਕਾ ਕਿਸੇ ਵੀ ਨਵੇਂ ਕੌਮਾਂਤਰੀ ਵਿਕਾਸ ਬੈਂਕ ਨੂੰ ਸਵੀਕਾਰ ਕਰੇਗਾ ਬਸ਼ਰਤੇ ਉਹ ਵਿਸ਼ਵ ਬੈਂਕ ਅਤੇ ਕੌਮਾਂਤਰੀ ਮੁਦਰਾਕੋਸ਼ ਵਰਗੀਆਂ ਮੌਜੂਦਾ ਸੰਸਥਾਵਾਂ ਦਾ ਪੂਰਕ ਬਣੇ। ਨਵੀਂ ਸੰਸਥਾ ਨੂੰ ਕੌਮਾਂਤਰੀ ਭਾਈਚਾਰੇ ਦੀ ਹਕੀਕੀ ਬਹੁਪੱਖੀ ਸੰਚਾਲਨ ਤੇ ਫੈਸਲਾ ਪ੍ਰਕਿਰਿਆ, ਕਰਜ ਮਾਪਦੰਡਾਂ ਅਤੇ ਬਚਾਅ ਵਿਚ ਸੁਧਾਰ ਦੇ ਪ੍ਰਤੀ ਪ੍ਰਤੀਬੱਧਤ ਹੋਣ ਦੀ ਲੋੜ ਹੈ। 'ਢੁੱਕਵਾਂ ਨਾਮ' ਦੇ ਨਾਲ ਤਾਈਵਾਨ ਦਾ ਸਵਾਗਤ : ਪੇਈਚਿੰਗ : ਚੀਨ ਨੇ ਹੈਰਾਨੀਜਨਕ ਢੰਗ ਨਾਲ ਕਿਹਾ ਕਿ ਉਹ ਏ. ਆਈ. ਆਈ. ਬੀ. ਨਾਲ ਜੁੜਨ ਸੰਬੰਧੀ ਤਾਈਵਾਨ ਦੀ ਅਰਜ਼ੀ ਦਾ 'ਢੁੱਕਵਾਂ ਨਾਮ' ਦੇ ਤਹਿਤ ਸਵਾਗਤ ਕਰਦਾ ਹੈ। ਤਾਈਵਾਨ ਨੂੰ ਚੀਨ ਆਪਣਾ ਇਕ ਬਾਗੀ ਸੂਬਾ ਮੰਨਦਾ ਹੈ।
900 ਅਰਬ ਬਰਾਮਦ ਦਾ ਟੀਚਾ
NEXT STORY 
