ਨਵੀਂ ਦਿੱਲੀ- ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਦਾ ਭਾਰਤੀ ਪੂੰਜੀ ਬਾਜ਼ਾਰ 'ਚ ਨਿਵੇਸ਼ 31 ਮਾਰਚ ਨੂੰ ਖਤਮ ਮਾਲੀ ਸਾਲ 'ਚ 2.7 ਲੱਖ ਕਰੋੜ ਰੁਪਏ ਦੇ ਇਕ ਨਵੇਂ ਪੱਧਰ 'ਤੇ ਰਿਹਾ। ਸੈਂਟਰਲ ਡਿਪਾਜ਼ਿਟਰੀ ਸਰਵਿਸਿਜ਼ ਲਿ. (ਸੀ.ਡੀ.ਐੱਸ.ਐੱਲ.) ਦੇ ਤਾਜ਼ਾ ਅੰਕੜਿਆਂ ਦੇ ਮੁਤਾਬਕ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 2014-15 'ਚ ਸ਼ੇਅਰ ਬਾਜ਼ਾਰ 'ਚ ਸ਼ੁੱਧ ਰੂਪ ਨਾਲ 1.09 ਲੱਖ ਕਰੋੜ ਰੁਪਏ ਅਤੇ ਕਰਜ਼ਾ ਬਾਜ਼ਾਰ 'ਚ 1.64 ਲੱਖ ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ। ਇਸ ਤਰ੍ਹਾਂ ਉਨ੍ਹਾਂ ਦਾ ਕੁੱਲ ਨਿਵੇਸ਼ 2.73 ਕਰੋੜ ਰਿਹਾ।
ਐੱਫ.ਆਈ.ਆਈ. ਨੂੰ 1992 'ਚ ਭਾਰਤੀ ਪੂੰਜੀ ਬਾਜ਼ਾਰ 'ਚ ਨਿਵੇਸ਼ ਦੀ ਇਜਾਜ਼ਤ ਮਿਲੀ ਸੀ। ਉਸ ਤੋਂ ਬਾਅਦ ਤੋਂ ਉਸ ਦਾ ਇਹ ਭਾਰਤੀ ਬਾਜ਼ਾਰ 'ਚ ਨਿਵੇਸ਼ ਦਾ ਸਭ ਤੋਂ ਉੱਚਾ ਅੰਕੜਾ ਹੈ। ਇਸ ਤੋਂ ਪਹਿਲੇ ਮਾਲੀ ਸਾਲ 2012-13 'ਚ ਉਸ ਦਾ ਸ਼ੁੱਧ ਨਿਵੇਸ਼ 1.68 ਲੱਖ ਕਰੋੜ ਰੁਪਏ ਰਿਹਾ ਸੀ। ਨਵੀਂ ਰੈਗੁਲੇਟਰੀ ਵਿਵਸਥਾ ਦੇ ਤਹਿਤ ਐੱਫ.ਆਈ.ਆਈ. ਨੂੰ ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕ (ਐੱਫ.ਪੀ.ਆਈ.) ਦਾ ਨਵਾਂ ਨਾਂ ਦਿੱਤਾ ਗਿਆ ਹੈ।
ਗੂਗਲ ਨੇ ਪੇਸ਼ ਕੀਤਾ ਸਸਤਾ ਕਰੋਮਬੁੱਕ, ਜੋ 360 ਡਿਗਰੀ ਤਕ ਹੋ ਜਾਂਦੈ ਫਲਿਪ
NEXT STORY 
