ਲਾਸ ਏਂਜਲਸ— ਲੋਕਾਂ ਤੋਂ ਬਦਲਾ ਲੈਣ ਲਈ ਬਣਾਈ ਗਈ ਇਕ ਪੋਰਨ ਸਾਈਟ 'ਤੇ ਹਜ਼ਾਰਾਂ ਪੁਰਸ਼ਾਂ ਅਤੇ ਮਹਿਲਾਵਾਂ ਦੀਆਂ ਅਸ਼ਲੀਲ ਤਸਵੀਰਾਂ ਪਾਉਣ ਵਾਲੇ ਇਕ ਵਿਅਕਤੀ ਨੂੰ 18 ਮਹੀਨੇ ਜੇਲ ਦੀ ਸਜਾ ਦਿੱਤੀ ਗਈ ਹੈ। ਇਹ ਅਮਰੀਕਾ ਦੇ ਅਪਰਾਧਿਕ ਇਤਿਹਾਸ 'ਚ ਆਪਣੀ ਤਰ੍ਹਾਂ ਦਾ ਪਹਿਲਾਂ ਮਾਮਲਾ ਹੈ। ਕੈਲੀਫੋਰਨੀਆ ਦੇ ਸੈਨ ਡਿਏਗੋ ਦੇ ਰਹਿਣ ਵਾਲੇ ਕੇਵਿਨ ਬੋਲਾਰਟ (28) ਨੂੰ ਇਸ ਸਾਲ ਫਰਵਰੀ 'ਚ ਵੈੱਬਸਾਈਟ ਚਲਾਉਣ ਲਈ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਵੈੱਬਸਾਈਟ 'ਤੇ 10,000 ਤੋਂ ਜ਼ਿਆਦਾ ਅਸ਼ਲੀਲ ਤਸਵੀਰਾਂ ਸਨ। ਕੈਲੀਫੋਰਨੀਆ ਦੀ ਅਟਾਰਨੀ ਜਨਰਲ ਕਮਲਾ ਹੈਰਿਸ ਨੇ ਕਿਹਾ ਕਿ ਦੇਸ਼ 'ਚ ਸਾਈਬਰ ਉਤਪੀੜਨ ਨਾਲ ਸੰਬੰਧਤ ਵੈੱਬਸਾਈਟ ਚਲਾਉਣ ਵਾਲੇ ਕਿਸੇ ਵਿਅਕਤੀ ਨੂੰ ਪਹਿਲੀ ਵਾਰ ਇਸ ਤਰ੍ਹਾਂ ਦੀ ਸਜਾ ਹੋਈ ਹੈ।
ਬੋਲਾਰਟ ਦੀ ਵੈੱਬਸਾਈਟ ਯੂਗਾਟਪੋਸਟੇਡ ਡਾਟ ਕਾਮ ਦਸੰਬਰ 2012 'ਚ ਸ਼ੁਰੂ ਕੀਤੀ ਗਈ ਸੀ। ਉਹ ਲੋਕਾਂ ਦੀ ਮਨਜ਼ੂਰੀ ਤੋਂ ਬਿਨਾ ਉਨ੍ਹਾਂ ਦੀਆਂ ਤਸਵੀਰਾਂ ਸਾਈਟ 'ਤੇ ਅਪਲੋਡ ਕਰਦਾ ਸੀ। ਬੋਲਾਰਟ ਇਕ ਸਮਾਨਾਂਤਰ ਵੈੱਬਸਾਈਟ ਚਲਾਉਂਦਾ ਸੀ ਜਿਸ ਦੀ ਮਦਦ ਨਾਲ ਉਹ ਅਸ਼ਲੀਲ ਸਾਈਟ ਤੋਂ ਤਸਵੀਰਾਂ ਹਟਾਉਣ ਲਈ ਲੋਕਾਂ ਤੋਂ 350-350 ਡਾਲਰ ਦੀ ਮੰਗ ਕਰਦਾ ਸੀ। ਅਸ਼ਲੀਲ ਸਾਈਟ ਦੇ ਸ਼ਿਕਾਰ ਬਣੇ ਲੋਕਾਂ ਨੇ ਕੱਲ ਸੈਨ ਡਿਏਗੋ ਦੀ ਅਦਾਲਤ 'ਚ ਗਵਾਹੀ ਦਿੱਤੀ ਅਤੇ ਘਟਨਾ ਨਾਲ ਆਪਣਾ ਮਾਨ ਘੱਟ ਹੋਣ ਦੀ ਗੱਲ ਕਹੀ। ਅਟਾਰਨੀ ਜਨਰਲ ਕਮਲਾ ਹੈਰਿਸ ਨੇ ਕਿਹਾ ਕਿ ਕੱਲ ਦੀ ਸਜਾ ਤੋਂ ਇਹ ਸਾਫ ਹੁੰਦਾ ਹੈ ਕਿ ਇਸ ਤਰ੍ਹਾਂ ਦਾ ਕੰਮ ਕਰਨ ਵਾਲੇ ਲੋਕਾਂ ਨੂੰ ਬੁਰਾ ਨਤੀਜਾ ਭੁਗਤਨਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅਸੀਂ ਚੌਕਸ ਬਣੇ ਰਹਾਂਗੇ ਅਤੇ ਜਾਂਚ ਕਰਾਂਗੇ ਅਤੇ ਇਸ ਤਰ੍ਹਾਂ ਦਾ ਨਿੰਦਾਮਈ ਕੰਮ ਕਰਨ ਵਾਲੇ ਲੋਕਾਂ ਨੂੰ ਸਜਾ ਦੇਵਾਂਗੇ।
ਪ੍ਰਮਾਣੂ ਪ੍ਰੋਗਰਾਮ ਦੇ ਸਮਝੌਤੇ 'ਤੇ ਸਹਿਮਤੀ ਤੋਂ ਬਾਅਦ ਜਸ਼ਨ ਦਾ ਮਾਹੌਲ
NEXT STORY 
