ਕਲਾਯਤ- ਹਰਿਆਣਾ ਦੇ ਕੈਥਲ ਜ਼ਿਲੇ ਦਾ ਖੇਤਰ ਕਲਾਯਤ ਵਿਚ ਪਿੰਡ ਰਾਮਗੜ੍ਹ ਵਿਚ ਇਕ 7ਵੀਂ ਜਮਾਤ ਦਾ ਵਿਦਿਆਰਥੀ ਸੁਮਿਤ ਜੋ ਕਿ ਜਨਮ ਤੋਂ ਹੀ ਲੈ ਕੇ ਹੁਣ ਤਕ ਬੋਲ ਨਹੀਂ ਸਕਦਾ ਸੀ ਅਤੇ ਨਾ ਹੀ ਸੁਣ ਸਕਦਾ ਸੀ। ਇਸ ਬੱਚੇ ਨੂੰ ਲੈ ਕੇ 14 ਸਾਲ ਬਾਅਦ ਅਜਿਹਾ ਕਰਿਸ਼ਮਾ ਹੋਇਆ ਕਿ ਉਸ ਨੂੰ ਦੇਖ ਕੇ ਉਸ ਦੇ ਪਰਿਵਾਰ ਵਾਲੇ ਵੀ ਖੁਸ਼ ਹਨ ਅਤੇ ਆਪਣੇ ਹੰਝੂਆਂ ਨੂੰ ਰੋਕ ਨਹੀਂ ਸਕੇ।
ਦਰਅਸਲ ਇਸ ਬੱਚੇ ਦੇ ਮੂੰਹੋਂ ਅਚਾਨਕ 14 ਸਾਲ ਬਾਅਦ ਮੰਮੀ ਅਤੇ ਪਾਪਾ ਸ਼ਬਦ ਨਿਕਲੇ। ਬੱਚੇ ਦੇ ਮੂੰਹ ਤੋਂ ਸ਼ਬਦ ਸੁਣਨ ਤੋਂ ਬਾਅਦ ਹੀ ਉਸ ਦੇ ਪਿਤਾ ਰਾਜਬੀਰ ਸਿੰਘ ਲਈ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ। ਮਾਂ ਆਪਣੇ ਪੁੱਤ ਨੂੰ ਬੋਲਦਾ ਦੇਖ ਕੇ ਖੁਸ਼ੀ 'ਚ ਆਪਣੇ ਹੰਝੂ ਨਹੀਂ ਰੋਕ ਸਕੀ। ਆਖਰਕਾਰ ਉਸ ਦਾ ਪੁੱਤਰ 14 ਸਾਲ ਬਾਅਦ ਬੋਲਣ ਅਤੇ ਸੁਣਨ ਜੋ ਲੱਗ ਪਿਆ ਹੈ।
ਪਿਤਾ ਰਾਜਬੀਰ ਦਾ ਕਹਿਣਾ ਹੈ ਕਿ ਸਰੀਰਕ ਕਮੀਆਂ ਕਾਰਨ ਉਸ ਦੇ ਪੁੱਤਰ ਨੂੰ ਡਾਕਟਰਾਂ ਨੇ 100 ਫੀਸਦੀ ਅਸਮਰਥਾ ਦਾ ਪ੍ਰਮਾਣ ਪੱਤਰ ਦੇ ਦਿੱਤਾ ਸੀ ਪਰ ਇਸ ਨੂੰ ਕੁਦਰਤ ਦਾ ਕਰਿਸ਼ਮਾ ਕਹਿ ਲਿਆ ਜਾਵੇ ਤਾਂ ਗਲਤ ਨਹੀਂ ਹੋਵੇਗਾ ਕਿ ਸੁਮਿਤ ਦੇ ਮੂੰਹ ਤੋਂ ਸ਼ਬਦ ਨਿਕਲੇ। ਲੋੜਵੰਦ ਬੱਚਿਆਂ ਨੂੰ ਸਿੱਖਿਅਤ ਕਰਨ ਲਈ ਤਾਇਨਾਤ ਵਿਸ਼ੇਸ਼ ਅਧਿਆਪਕ ਆਸ਼ੂਤੋਸ਼, ਨਰਿੰਦਰ ਸਿੰਘ, ਰਵੀ ਕੁਮਾਰ ਅਤੇ ਸੁਰੇਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਹੁਣ ਤਕ ਸੁਮਿਤ ਅਜਿਹਾ ਕਰਨ ਵਿਚ ਸਮਰਥ ਨਹੀਂ ਸੀ। ਹੁਣ ਉਸ ਦੀ ਜ਼ਿੰਦਗੀ ਬਦਲ ਗਈ ਹੈ ਅਤੇ ਉਸ ਦੀ ਆਮ ਸਥਿਤੀ ਹੋਰਾਂ ਲਈ ਪ੍ਰੇਰਣਾ ਬਣ ਸਕਦੀ ਹੈ। ਉੱਥੇ ਹੀ ਸੁਮਿਤ ਦੇ ਮਾਤਾ-ਪਿਤਾ ਆਪਣੇ ਬੱਚੇ ਦੀ ਬੋਲਣ ਕਾਰਨ ਖੁਸ਼ ਹਨ।
ਬੇਟੀ ਨੇ ਕੀਤਾ ਪਿਆਰ, ਪਿਓ ਨੇ ਦਿੱਤੀ ਸਜ਼ਾ-ਏ-ਮੌਤ (ਵੀਡੀਓ)
NEXT STORY 
