ਮੁੰਬਈ- 12 ਸਾਲ ਦੀ ਇਕ ਮੁਸਲਿਮ ਲੜਕੀ ਨੇ ਇੱਥੇ 'ਭਗਵਤ ਗੀਤਾ' ਦੇ ਆਧਾਰਿਤ ਇਕ ਮੁਕਾਬਲਾ ਜਿੱਤਿਆ ਹੈ। ਸ਼ਹਿਰ ਕੋਲ ਮੀਰਾ ਰੋਡ ਇਲਾਕੇ ਦੀ ਇਕ ਸਕੂਲ ਦੀ ਵਿਦਿਆਰਥਣ ਮਰੀਅਮ ਆਸਿਫ ਸਿੱਦੀਕੀ ਨੇ ਮੁਕਾਬਲੇ ਵਿਚ ਸ਼ਾਮਲ 4500 ਵਿਦਿਆਰਥੀਆਂ ਦਰਮਿਆਨ ਜਿੱਤ ਹਾਸਲ ਕੀਤੀ।
ਉਸ ਨੇ ਗੀਤਾ ਦੀਆਂ ਸਿੱਖਿਆਵਾਂ ਨੂੰ ਸਪੱਸ਼ਟ ਕਰਨ ਲਈ ਸਕੂਲ ਮੁਕਾਬਲੇ ਵਿਚ ਪਹਿਲਾ ਪੁਰਸਕਾਰ ਹਾਸਲ ਕੀਤਾ। ਉਸ ਦੇ ਪਿਤਾ ਆਸਿਫ ਨੇ ਕਿਹਾ ਕਿ ਮੈਂ ਖੁਸ਼ ਹਾਂ। ਮੇਰੀ ਬੇਟੀ ਨੇ ਮੁਕਾਬਲੇ ਲਈ ਪੂਰੇ ਇਕ ਮਹੀਨੇ ਤਿਆਰੀ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਕਿ ਮਰੀਅਮ ਹਾਈ ਸਕੂਲ 'ਚ ਪੜ੍ਹਦੀ ਹੈ ਅਤੇ ਉਸ ਨੇ ਪਿਛਲੇ ਮਹੀਨੇ ਇਸ ਇਸਕਾਨ ਇੰਟਰਨੈਸ਼ਨਲ ਸੁਸਾਇਟੀ ਵਲੋਂ ਗੀਤਾ ਦੀਆਂ ਸਿੱਖਿਆਵਾਂ ਦੇ ਪ੍ਰਸਾਰ ਦੇ ਉਦੇਸ਼ ਨਾਲ ਆਯੋਜਿਤ 'ਭਗਵਤ ਗੀਤਾ ਚੈਂਪੀਅਨ ਲੀਗ' ਵਿਚ ਹਿੱਸਾ ਲਿਆ ਸੀ।
ਇਸ ਮੁਕਾਬਲੇ ਵਿਚ 195 ਸਕੂਲਾਂ ਨੇ ਹਿੱਸਾ ਲਿਆ ਸੀ। ਮਰੀਅਮ ਨੇ ਕਿਹਾ ਕਿ ਉਸ ਨੇ ਸਿੱਖਿਆ ਕਿ ਮਨੁੱਖਤਾ ਦੁਨੀਆ ਦਾ ਸਭ ਤੋਂ ਵੱਡਾ ਧਰਮ ਹੈ। ਉਸ ਨੇ ਕਿਹਾ ਕਿ ਗੀਤਾ ਪੜ੍ਹਨਾ ਬਹੁਤ ਮਜ਼ੇਦਾਰ ਹੈ, ਕਿਉਂਕਿ ਮੈਂ ਜੀਵਨ ਬਾਰੇ ਬਹੁਤ ਸਾਰੀ ਜਾਣਕਾਰੀ ਹਾਸਲ ਕੀਤੀ। ਪਵਿੱਤਰ ਗ੍ਰੰਥ ਨੇ ਮੈਨੂੰ ਕਈ ਨਿਯਮ ਸਿਖਾਏ। ਆਸਿਫ ਨੇ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਅਤੇ ਮਾਣ ਹੈ ਕਿ ਉਨ੍ਹਾਂ ਦੀ ਧੀ ਨੇ ਦੂਜੇ ਧਰਮ ਦਾ ਪਵਿੱਤਰ ਗ੍ਰੰਥ ਪੜ੍ਹਨ ਵਿਚ ਦਿਲਚਸਪੀ ਦਿਖਾਈ।
ਮਾਸੂਮ ਬੱਚਿਆਂ ਨੂੰ ਮਾਂ ਛੱਡ ਕੇ ਗਈ ਸੀ ਬਾਜ਼ਾਰ ਮਗਰੋਂ ਵਾਪਰ ਗਿਆ ਭਾਣਾ
NEXT STORY 
