ਮੋਗਾ-ਪੰਜਾਬ ਪੁਲਸ ਦੇ ਫਿਰੋਜਪੁਰ ਰੇਂਜ ਨਾਰਕੋਟਿਕਸ ਸੈੱਲ ਨੇ ਇਕ ਹੌਲਦਾਰ ਦੀ ਪ੍ਰੇਮਿਕਾ ਨੂੰ ਸਵਾ ਕਰੋੜ ਦੀ ਹੈਰੋਇਨ ਸਮੇਤ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਉਸ ਦੇ ਖਿਲਾਫ ਨਸ਼ਾ ਤਸਕਰੀ ਦੇ ਅਧੀਨ ਮਾਮਲਾ ਦਰਜ ਕੀਤਾ ਗਿਆ ਹੈ। ਦੋਸ਼ੀ ਔਰਤ ਨੂੰ ਇਕ ਦਿਨਾਂ ਰਿਮਾਂਡ 'ਤੇ ਪੁਲਸ ਨੂੰ ਸੌਂਪ ਦਿੱਤਾ ਗਿਆ ਹੈ।
ਜਾਣਕਾਰੀ ਮੁਤਾਬਕ ਗੁਪਤ ਸੂਚਨਾ ਦੇ ਆਧਾਰ 'ਤੇ ਮੁਦਕੀ ਰੋਡ ਬਾਘਾਪੁਰਾਣਾ ਦੀ ਰਹਿਣ ਵਾਲੀ ਔਰਤ ਰਜਨੀ ਬਾਲਾ ਤੋਂ 260 ਗ੍ਰਾਮ ਹੈਰੋਇਨ ਸਮੇਤ ਕਾਬੂ ਕੀਤਾ ਗਿਆ। ਰਜਨੀ ਤੋਂ ਬਰਾਮਦ ਕੀਤੀ ਹੈਰੋਇਨ ਦੀ ਕੌਮਾਂਤਰੀ ਬਜ਼ਾਰ 'ਚ ਕੀਮਤ ਸਵਾ ਕਰੋੜ ਦੱਸੀ ਜਾ ਰਹੀ ਹੈ। ਪੁਲਸ ਮੁਤਾਬਕ ਰਜਨੀ 'ਤੇ ਪਹਿਲਾਂ ਵੀ ਨਸ਼ਾ ਤਸਕਰੀ ਦਾ ਕੇਸ ਦਰਜ ਹੈ ਅਤੇ ਉਹ 6 ਮਹੀਨੇ ਜੇਲ 'ਚ ਰਹਿਣ ਤੋਂ ਬਾਅਦ ਜ਼ਮਾਨਤ 'ਤੇ ਬਾਹਰ ਆਈ ਸੀ।
ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਸੀ. ਆਈ. ਏ. ਸਟਾਫ 'ਚ ਤਾਇਨਾਤ ਇਕ ਹੌਲਦਾਰ ਦੇ ਨਾਲ ਰਜਨੀ ਦੇ ਪ੍ਰੇਮ ਸੰਬੰਧ ਵੀ ਸਨ। ਫਿਲਹਾਲ ਇਸ ਮਾਮਲੇ ਦੀ ਜਾਂਚ ਪੁਲਸ ਵਲੋਂ ਕੀਤੀ ਜਾ ਰਹੀ ਹੈ।
ਸੁੰਨੀ ਕੁੱਖ ਨੂੰ ਭਾਗ ਲਾਉਣ ਲਈ ਡਾਹਢਾ ਕਹਿਰ ਕਮਾ ਬੈਠੀ ਜਾਦੂ-ਟੂਣਿਆਂ ਦੀ ਪੱਟੀ ਔਰਤ
NEXT STORY 
