ਰੋਮ/ਇਟਲੀ (ਕੈਂਥ) ਸਰਕਾਰੀ ਰਿਕਾਰਡ ਅਨੁਸਾਰ ਇਟਲੀ 'ਚ 2 ਲੱਖ ਭਾਰਤੀ ਹਨ ਤਾਂ 40 ਦੇ ਕਰੀਬ ਗੁਰਦੁਆਰੇ ਵੀ ਹਨ, ਜਿੱਥੇ ਹਰ ਹਫ਼ਤੇ ਸੰਗਤਾਂ ਨਤਮਸਤਕ ਹੁੰਦੀਆਂ ਹਨ।ਇਨ੍ਹਾਂ ਗੁਰੂਘਰਾਂ 'ਚ ਕਈ ਗੁਰੂ ਘਰ ਅਜਿਹੇ ਵੀ ਹਨ, ਜੋ ਕਿ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਦੀ ਖਹਿਬਾਜ਼ੀ ਕਾਰਨ ਹੋਂਦ 'ਚ ਆਏ ਹਨ।ਸੰਗਤਾਂ ਨੇ ਗੁਰੂਘਰਾਂ ਨੂੰ ਇੱਕ ਥਾਂ ਇੱਕਠਾ ਕਰਨ ਦਾ ਉਪਰਾਲਾ ਵੀ ਕੀਤਾ ਤੇ ਇੱਕ ਸ਼ਹਿਰ 'ਚ 2 ਗੁਰੂਘਰਾਂ ਦੀਆਂ ਪ੍ਰਬੰਧਕ ਕਮੇਟੀਆਂ ਨੇ 2 ਗੁਰੂਘਰਾਂ ਨੂੰ ਇੱਕ ਕਰ ਵੀ ਦਿੱਤਾ ਸੀ ਪਰ ਚੌਧਰ ਦਾ ਹੀ ਰੌਲਾ ਪੈ ਗਿਆ। ਇਟਲੀ ਦੇ ਸੂਬਾ ਲਾਸੀਓ 'ਚ ਬਣੇ ਇੱਕ ਨਵੇਂ ਗੁਰੂਘਰ ਦੀ 5 ਮੈਂਬਰੀ ਪ੍ਰਬੰਧਕੀ ਕਮੇਟੀ ਦੇ 3 ਮੈਂਬਰਾਂ ਨੇ ਕੁਝ ਸਮੇਂ ਬਾਅਦ ਇਸ ਕਾਰਨ ਅਸਤੀਫ਼ਾ ਦੇ ਦਿੱਤਾ ਕਿ ਪ੍ਰਧਾਨ ਨੇ ਪਹਿਲੇ ਮਹੀਨੇ ਹੀ 4000 ਯੂਰੋ ਦਾ ਘਪਲਾ ਕਰ ਦਿੱਤਾ ਤੇ ਇਸ ਗੱਲ ਨੂੰ ਮੰਨਣ ਲਈ ਤਿਆਰ ਵੀ ਨਹੀਂ।ਿ
ਇਟਲੀ ਦੇ ਬਹੁਤ ਘੱਟ ਗੁਰੂਘਰ ਅਜਿਹੇ ਹਨ ਜਿੱਥੇ ਕਿ ਹਰ ਸਾਲ ਪ੍ਰਬੰਧਕ ਕਮੇਟੀਆਂ 'ਚ ਫੇਰ-ਬਦਲ ਹੁੰਦਾ ਹੈ। ਇਟਲੀ ਦੇ ਕੁਝ ਗੁਰੂਘਰ ਅਜਿਹੇ ਵੀ ਹਨ ਜਿਹਨਾਂ ਦੇ ਪ੍ਰਧਾਨ ਕਰੀਬ ਇੱਕ ਦਹਾਕੇ ਤੋਂ ਪ੍ਰਧਾਨਗੀ ਦੀ ਕੁਰਸੀ ਨੂੰ ਲਪੇਟਾ ਮਾਰ ਬੈਠੇ ਹਨ। ਪਾਠਕ ਇਹ ਗੱਲ ਜਾਣਕੇ ਹੈਰਾਨ ਹੋਣਗੇ ਕਿ ਕੁਝ ਗੁਰਦੁਆਰੇ ਦੇ ਪ੍ਰਧਾਨਾਂ ਨੇ ਗੁਰਦੁਆਰੇ ਵੀ ਆਪਣੇ ਨਾਂ ਨਿੱਜੀ ਤੌਰ 'ਤੇ ਕਰਵਾਏ ਹੋਏ ਹਨ।ਬੀਤੇ ਦਿਨੀ ਇਟਲੀ ਦੇ ਇੱਕ ਗੁਰੂਘਰ ਦੇ ਪ੍ਰਧਾਨ ਦੀਆਂ ਸੰਗਤਾਂ ਮਿੰਨਤਾਂ ਕਰ-ਕਰ ਹਾਰ ਗਈ ਕਿ ਉਹ ਗੁਰੂਘਰ ਸੰਗਤ ਦੇ ਨਾਂਅ ਕਰਵਾ ਦੇਵੇ ਪਰ ਪ੍ਰਧਾਨ ਦੇ ਕੰਨ ਉਪਰ ਜੂਅ ਤੱਕ ਨਹੀ ਸਿਰਕੀ। ਅੱਕੀ ਸੰਗਤ ਨੇ ਪ੍ਰਧਾਨ ਦੀ ਪੱਗ ਤਾਂ ਲਾਹ ਦਿੱਤੀ ਪਰ ਪ੍ਰਧਾਨਗੀ ਤੋਂ ਨਹੀ ਲਾਹ ਸਕੀ।ਅਜਿਹੇ ਮੌਕੇ ਬੇਸ਼ੱਕ ਕੁਰਸੀ ਨੂੰ ਲਪੇਟਾ ਮਾਰਨ ਵਾਲੇ ਪ੍ਰਧਾਨ ਅੰਦਰੋ-ਅੰਦਰੀ ਸ਼ਾਇਦ ਇਹੀ ਕਹਿੰਦੇ ਹੋਣ ਕਿ 'ਮੇਰੀ ਪੱਗ ਬੇਸ਼ੱਕ ਲਾਹ ਦਿਓ ਪਰ ਮੈਨੂੰੰ ਪ੍ਰਧਾਨਗੀ ਤੋਂ ਨਾ ਲਾਹੋ।' ਇਟਲੀ ਕਾਨੂੰਨ ਅਨੁਸਾਰ ਜਿਹੜੇ ਪ੍ਰਧਾਨਾਂ ਦੇ ਨਾਂ ਗੁਰੂਘਰ ਹਨ ਉਹ ਪ੍ਰਧਾਨਾਂ ਦੀ ਨਿੱਜੀ ਸੰਪਤੀ ਹੈ ਤੇ ਉਨ੍ਹਾਂ ਤੋਂ ਕੋਈ ਜਬਰੀ ਨਹੀਂ ਖੋਹ ਸਕਦਾ।
ISIS ਦਾ ਨਿਸ਼ਾਨਾ ਬਣੇ 1700 ਇਰਕੀ ਫੌਜੀਆਂ ਦੀ ਸਮੂਹਿਕ ਕਬਰ ਮਿਲੀ (ਦੇਖੋ ਤਸਵੀਰਾਂ)
NEXT STORY 
