ਅਲੇਪੋ,(ਸੀਰੀਆ)— ਇਸਲਾਮਿਕ ਸਟੇਟ ਅੱਤਵਾਦੀਆਂ ਨੇ ਉੱਤਰ-ਪੂਰਬੀ ਸੀਰੀਆ 'ਚ ਮੌਜੂਦ ਇਕ ਚੈੱਕ ਪੁਆਇੰਟ ਦੇ ਨਜ਼ਦੀਕ ਕਰੀਬ 300 ਕੁਰਦਿਸ਼ ਨਾਗਰਿਕਾਂ ਨੂੰ ਅਗਵਾ ਕਰ ਲਿਆ ਹੈ। ਸਮਾਚਾਰ ਏਜੰਸੀ ਏ.ਐਫ.ਸੀ, ਏ.ਐਫ.ਪੀ. ਦੇ ਹਵਾਲੇ ਤੋਂ ਕੁਰਦਿਸ਼ ਅਧਿਕਾਰੀਆਂ ਅਤੇ ਸਥਾਨਕ ਪੱਤਰਕਾਰਾਂ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਸੀਰੀਆ 'ਚ ਮੁੱਖ ਕੁਰਦਿਸ਼ ਪਾਰਟੀ 'ਡੈਮੋਕ੍ਰੇਟਿਕ ਯੂਨੀਅਨ ਪਾਰਟੀ' ਨੇ ਕਿਹਾ ਕਿ ਅਲੇਪੋ ਨਾਲ ਲੱਗੇ ਅਫਰੀਨ ਸ਼ਹਿਰ 'ਚੋਂ ਜਦੋਂ ਇਹ ਕੁਰਦਿਸ਼ ਨਾਗਰਿਕ ਆਪਣੀ ਦਿਹਾੜੀ ਲੈਣ ਅਲੇਪੋ ਲਈ ਨਿਕਲੇ ਸਨ, ਉਸੇ ਸਮੇਂ ਰਸਤੇ 'ਚ ਆਈ.ਐਸ.ਆਈ.ਐਸ. ਅੱਤਵਾਦੀ ਉਨ੍ਹਾਂ ਨੂੰ ਜ਼ਬਰਦਸਤੀ ਚੁੱਕ ਕੇ ਲੈ ਗਏ। ਅਫਰੀਨ ਦੇ ਹੀ ਇਕ ਪੱਤਰਕਾਰ ਨੇ ਅਗਵਾ ਦੀ ਪੁੱਸ਼ਟੀ ਕਰਦੇ ਹੋਏ ਕਿਹਾ ਕਿ ਅੱਤਵਾਦੀ ਪੁਰਸ਼ਾਂ ਅਤੇ ਬੱਚਿਆਂ ਨੂੰ ਜ਼ਬਰਦਸਤੀ ਚੁੱਕ ਕੇ ਲੈ ਗਏ, ਜਦੋਂਕਿ ਮਹਿਲਾਵਾਂ ਨੂੰ ਉਨ੍ਹਾਂ ਨੇ ਛੱਡ ਦਿੱਤਾ।
ਜ਼ਿਕਰਯੋਗ ਹੈ ਕਿ ਤਿੰਨ ਦਿਨ ਪਹਿਲਾਂ ਹੀ ਆਈ.ਐਸ.ਆਈ.ਐਸ. ਅੱਤਵਾਦੀਆਂ ਨੇ ਰਾਜਧਾਨੀ ਦਮਿਸ਼ਕ ਨਾਲ ਲੱਗੇ ਯਾਰਮੁਕ ਇਲਾਕੇ 'ਚ ਮੌਜੂਦ ਇਕ ਫਿਲਸਤੀਨੀ ਫੌਜੀ ਕੈਂਪ 'ਤੇ ਹਮਲਾ ਕਰਕੇ ਉਸ ਦੇ 90 ਫੀਸਦੀ ਹਿੱਸੇ 'ਤੇ ਕਬਜਾ ਕੀਤਾ ਸੀ। ਇਸ ਕੈਂਪ 'ਚ ਕਰੀਬ 18,000 ਨਾਗਰਿਕ ਰਹਿ ਰਹੇ ਸਨ। ਇਸ ਹਮਲੇ ਤੋਂ ਬਾਅਦ ਯੂ.ਐਨ. ਨੇ ਗਹਿਰੀ ਚਿੰਤਾ ਵੀ ਜਤਾਈ ਸੀ।
'ਮੇਰੀ ਪੱਗ ਬੇਸ਼ੱਕ ਲਾਹ ਦਿਓ ਪਰ ਮੈਨੂੰ ਪ੍ਰਧਾਨਗੀ ਤੋਂ ਨਾ ਲਾਹੋ'
NEXT STORY 
