ਲੁਧਿਆਣਾ-ਲੁਧਿਆਣਾ ਦੇ ਰਿਸ਼ੀ ਨਗਰ ਰੋਡ 'ਤੇ ਇਕ ਨੌਜਵਾਨ ਜਦੋਂ ਕਾਰ ਚਲਾਉਂਦੇ ਹੋਏ ਅਚਾਨਕ ਹੀ ਬੇਹੋਸ਼ ਹੋ ਗਿਆ ਤਾਂ ਨਾਲ ਬੈਠੇ ਦੋਸਤ ਨੇ ਉਸ ਨੂੰ ਮੂੰਹ ਨਾਲ ਸਾਹ ਦੇ ਕੇ ਉਸ ਨੂੰ ਹੋਸ਼ 'ਚ ਲਿਆਂਦਾ। ਜਾਣਕਾਰੀ ਮੁਤਾਬਕ ਰਿਸ਼ੀ ਨਗਰ ਦੇ ਮੇਨ ਰੋਡ 'ਤੇ ਦੋ ਦੋਸਤ ਕਾਰ 'ਚ ਜਾ ਰਹੇ ਸਨ ਕਿ ਅਚਾਨਕ ਕਾਰ ਚਲਾ ਰਿਹਾ ਨੌਜਵਾਨ ਬੇਹੋਸ਼ ਹੋ ਗਿਆ। ਉਸ ਦੇ ਨਾਲ ਬੈਠੇ ਦੋਸਤ ਨੇ ਕਿਸੇ ਤਰ੍ਹਾਂ ਗੱਡੀ ਨੂੰ ਇਕ ਸਾਈਡ 'ਤੇ ਕੀਤਾ, ਜਿਸ ਕਾਰਨ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ। ਇਹ ਦੇਖ ਕੇ ਕਾਰ ਦੇ ਆਲੇ-ਦੁਆਲੇ ਲੋਕ ਇਕੱਠੇ ਹੋ ਗਏ। ਲੋਕਾਂ ਨੇ ਬੇਹੋਸ਼ੀ ਦੀ ਹਾਲਤ 'ਚ ਉਕਤ ਨੌਜਵਾਨ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ ਅਤੇ ਉਸ ਦੇ ਦੋਸਤ ਨੇ ਮੂੰਹ ਨਾਲ ਉਸ ਨੂੰ ਸਾਹ ਦਿੱਤੇ।
ਅਖੀਰ 20 ਮਿੰਟਾਂ ਬਾਅਦ ਕਿਸੇ ਤਰ੍ਹਾਂ ਉਕਤ ਨੌਜਵਾਨ ਨੂੰ ਹੋਸ਼ ਆ ਹੀ ਗਿਆ। ਮੌਕੇ 'ਤੇ ਪਹੁੰਚੀ ਪੁਲਸ ਵੀ ਸਿਰਫ ਇਕ-ਦੂਜੇ ਦਾ ਮੂੰਹ ਦੇਖਦੀ ਰਹੀ। ਫਿਰ ਹੋਸ਼ 'ਚ ਆਉਣ ਤੋਂ ਬਾਅਦ ਉਸ ਦਾ ਦੋਸਤ ਉਸ ਨੂੰ ਕਾਰ 'ਚ ਬਿਠਾ ਕੇ ਆਪਣੇ ਨਾਲ ਲੈ ਗਿਆ ਤਾਂ ਜਾ ਕੇ ਪੁਲਸ ਨੇ ਸੁੱਖ ਦਾ ਸਾਹ ਲਿਆ।
ਚਾਚੀ-ਭਤੀਜੇ ਨੇ ਨਾਜਾਇਜ਼ ਸਬੰਧਾਂ ਦੇ ਚੱਲਦੇ ਕੀਤੀ ਸੀ ਹੱਤਿਆ...!
NEXT STORY 
