ਲੁਧਿਆਣਾ (ਮਹੇਸ਼)-ਪਤੀ ਦੇ ਨਾਲ ਚੱਲ ਰਹੇ ਵਿਵਾਦ ਦਾ ਫਾਇਦਾ ਚੁੱਕ ਕੇ ਇਕ ਨੌਜਵਾਨ ਨੇ ਵਿਆਹੁਤਾ ਔਰਤ ਨੂੰ ਹੋਟਲ 'ਚ ਲਿਜਾ ਕੇ ਉਸ ਦੀ ਇੱਜ਼ਤ ਤਾਰ-ਤਾਰ ਕੀਤੀ ਅਤੇ ਫਿਰ ਅਸ਼ਲੀਲ ਤਸਵੀਰਾਂ ਖਿੱਚ ਕੇ ਉਸ ਦੀ ਨਿਊਡ ਵੀਡੀਓ ਵੀ ਬਣਾ ਲਈ, ਜਿਨ੍ਹਾਂ ਨੂੰ ਜਨਤਕ ਕਰਨ ਦੀ ਧਮਕੀ ਦੇ ਕੇ ਕਈ ਸਾਲਾਂ ਤੱਕ ਦੋਸ਼ੀ ਉਕਤ ਔਰਤ ਦਾ ਸਰੀਰਕ ਸ਼ੋਸ਼ਣ ਕਰਦਾ ਰਿਹਾ।
ਜਾਣਕਾਰੀ ਮੁਤਾਬਕ ਪੀੜਤਾ ਜਲੰਧਰ ਬਾਈਸ ਦੇ ਨੇੜੇ ਅਮਨ ਨਗਰ ਇਲਾਕੇ ਵਿਚ ਆਪਣੇ ਮਾਤਾ-ਪਿਤਾ ਦੇ ਨਾਲ ਰਹਿ ਰਹੀ ਹੈ। ਉਸ ਦਾ ਇਕ ਬੇਟਾ ਵੀ ਹੈ। ਉਸ ਦਾ ਵਿਆਹ 2002 ਵਿਚ ਮੋਹਾਲੀ ਦੇ ਮੁਬਾਰਕ ਕੈਂਪ ਦੇ ਰਹਿਣ ਵਾਲੇ ਇਕ ਨੌਜਵਾਨ ਦੇ ਨਾਲ ਹੋਇਆ ਸੀ, ਜਿਸ ਤੋਂ ਉਸ ਨੂੰ ਇਕ ਬੇਟਾ ਹੋਇਆ। ਪਤੀ-ਪਤਨੀ ਵਿਚ ਆਪਸੀ ਮਤਭੇਦ ਅਤੇ ਮੁਨਮੁਟਾਅ ਰਹਿਣ 'ਤੇ ਉਹ 2004 ਵਿਚ ਆਪਣੇ ਪਤੀ ਤੋਂ ਵੱਖ ਹੋ ਕੇ ਰਹਿਣ ਲੱਗ ਗਈ।
ਪੀੜਤਾ ਨੇ ਦੱਸਿਆ ਕਿ ਅਗਸਤ 2008 'ਚ ਆਰਤੀ ਚੌਕ ਦੇ ਨੇੜੇ ਵੈਲਕਮ ਪੈਲੇਸ 'ਚ ਆਯੋਜਿਤ ਪ੍ਰਦਰਸ਼ਨੀ 'ਚ ਉਸ ਦੀ ਇਕ ਕੰਪਨੀ ਵਲੋਂ ਉਥੇ ਡਿਊਟੀ ਲੱਗੀ ਹੋਈ ਸੀ, ਉਸ ਦੀ ਪਹਿਲੀ ਮੁਲਾਕਾਤ ਸਿਵਲ ਲਾਈਨ ਦੇ ਨਿਊ ਕੁੰਦਨਪੁਰੀ ਇਲਾਕੇ ਭੁਪਿੰਦਰ ਗਿੱਲ ਨਾਲ ਹੋਈ। ਉਸ ਦੇ ਬਾਅਦ ਭੂਪਿੰਦਾ ਉਸ ਨਾਲ ਮੋਬਾਈਲ 'ਤੇ ਗੱਲਾਂ ਕਰਨ ਗੱਲਾ। ਉਸ ਨੇ ਭੁਪਿੰਦਰ ਨੂੰ ਆਪਣੇ ਬੀਤੇ ਕੱਲ ਬਾਰੇ ਸਭ ਕੁਝ ਦੱਸ ਦਿਤਾ। ਭੁਪਿੰਦਰ ਨੇ ਕੋਰਟ ਕੇਸ ਵਿਚ ਮਦਦ ਕਰਨ ਦਾ ਝਾਂਸਾ ਦੇ ਕੇ ਉਸ ਨੂੰ ਆਪਣੇ ਜਾਲ ਵਿਚ ਫਸਾ ਲਿਆ।
ਇਕ ਦਿਨ ਭੁਪਿੰਦਰ ਪੀੜਤਾ ਨੂੰ ਹੋਟਲ 'ਚ ਲੈ ਆਇਆ, ਜਿਥੇ ਦੋਸ਼ੀ ਨੇ ਉਸ ਨੂੰ ਨਸ਼ਾ ਯੁਕਤ ਕੋਲਡ ਡ੍ਰਿੰਕ ਪਿਲਾ ਕੇ ਉਸ ਨਾਲ ਸਰੀਰਕ ਸੰਬੰਧ ਬਣਾਏ ਅਤੇ ਉਸ ਦੀ ਨਿਊਡ ਵੀਡੀਓ ਬਣਾਈ ਅਤੇ ਨਗਨ ਹਾਲਤ ਵਿਚ ਉਸ ਦੀਆਂ ਤਸਵੀਰਾਂ ਵੀ ਖਿੱਚ ਲਈਆਂ, ਜਿਨ੍ਹਾਂ ਨੂੰ ਜਨਤਕ ਕਰਨ ਦੀ ਧਮਕੀ ਦੇ ਕੇ ਉਸ ਨੂੰ ਬਲੈਕ ਮੇਲ ਕਰਕੇ ਉਸ ਦਾ ਕਈ ਸਾਲਾਂ ਤਕ ਸਰੀਰਕ ਸ਼ੋਸ਼ਣ ਕਰਦਾ ਰਿਹਾ।
ਇੰਨਾ ਹੀ ਨਹੀਂ ਦੋਸ਼ੀ ਨੇ ਉਸ ਦੇ ਨਾਲ ਕਈ ਵਾਰ ਕੁੱਟਮਾਰ ਵੀ ਕੀਤੀ। ਪੀੜਤਾ ਨੇ ਇਨਸਾਫ ਪਾਉਣ ਲਈ ਕਈ ਵਾਰ ਆਲ੍ਹਾ ਅਧਿਕਾਰੀਆਂ ਕੋਲ ਗੁਹਾਰ ਲਗਾਈ ਪਰ ਦੋਸ਼ੀ ਨੇ ਆਪਣੀ ਜਾਣ-ਪਛਾਣ ਅਤੇ ਪੈਂਤਰੇਬਾਜ਼ੀ ਤੋਂ ਉਸ ਦੀ ਕੋਈ ਸੁਣਵਾਈ ਨਹੀਂ ਹੋਣ ਦਿਤੀ ਪਰ ਹੁਣ ਪੀੜਤਾ ਦੀ ਮਾੜੀ ਹਾਲਤ ਦੇਖ ਕੇ ਪੁਲਸ ਦਾ ਮਨ ਪਸੀਜ ਗਿਆ ਅਤੇ ਉਸ ਦੀ ਸ਼ਿਕਾਇਤ 'ਤੇ ਬਲਾਤਕਾਰ ਸਮੇਤ ਹੋਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਦੋਸ਼ੀ ਦੀ ਭਾਲ ਸ਼ੁਰੂ ਕਰ ਦਿਤੀ ਹੈ, ਜਿਸ ਤੋਂ ਪੀੜਤਾ ਨੂੰ ਨਿਆਂ ਮਿਲਣ ਦੀ ਆਸ ਜਾਗ ਉੱਠੀ ਹੈ।
ਜਿਨ੍ਹਾਂ ਦੇ ਨਾਂ ਤੋਂ ਲੋਕ ਕੰਬਦੇ, ਅਜਿਹੇ 5 ਖੂੰਖਾਰ ਗੈਂਗਸਟਰਾਂ ਨੂੰ ਜਲੰਧਰੋਂ ਕੀਤਾ ਗਿਆ ਗ੍ਰਿਫਤਾਰ (ਵੀਡੀਓ)
NEXT STORY 
