ਜ਼ੀਰਾ (ਗੁਰਮੇਲ)-ਬੀ. ਜੇ. ਪੀ. ਵਰਕਰਾਂ ਦੀ ਇਕ ਵਿਸ਼ੇਸ਼ ਮੀਟਿੰਗ ਕੈਬਨਿਟ ਮੰਤਰੀ ਅਨਿਲ ਜੋਸ਼ੀ ਨੇ ਜ਼ੀਰਾ ਵਿਖੇ ਸਰਵਹਿਤਕਾਰੀ ਵਿੱਦਿਆ ਮੰਦਰ ਸਕੂਲ ਵਿਖੇ ਕੀਤੀ। ਇਸ ਸਮੇਂ ਅਨਿਲ ਜੋਸ਼ੀ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਕੇਂਦਰ ਦੀ ਯੂ. ਪੀ. ਏ ਸਰਕਾਰ ਵੱਲੋਂ ਭੇਜੇ ਜਾਂਦੇ ਫੰਡ 'ਚੋਂ ਆਮ ਲੋਕਾਂ ਕੋਲ ਸਿਰਫ਼ 15 ਫੀਸਦੀ ਹੀ ਪਹੁੰਚਦਾ ਸੀ ਜਦ ਕਿ ਬਾਕੀ ਰਸਤੇ ਵਿਚ ਹੀ ਡਕਾਰ ਲਿਆ ਜਾਂਦਾ ਸੀ ਜਿਸ ਕਾਰਨ ਕਾਂਗਰਸ ਨੇ ਲੋਕਾਂ ਦਾ ਘਾਣ ਕੀਤਾ। ਇਸ ਨੂੰ ਰੋਕਣ ਲਈ ਮੋਦੀ ਸਰਕਾਰ ਨੇ 'ਜਨ-ਧਨ' ਸਕੀਮ ਅਧੀਨ ਗਰੀਬ ਲੋਕਾਂ ਦੇ ਬੈਕ ਖਾਤੇ ਖੁਲ੍ਹਵਾਏ ਹਨ। ਪ੍ਰੈੱਸ ਨਾਲ ਗੱਲਬਾਤ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਦੀ ਵਿਚਾਰਧਾਰਾ ਜਦ ਤੱਕ ਦੇਸ਼ ਦੇ ਕੋਨੇ-ਕੋਨੇ ਵਿਚ ਨਹੀਂ ਪਹੁੰਚਦੀ, ਓਨੀ ਦੇਰ ਦੇਸ਼ ਦਾ ਵਿਕਾਸ ਨਹੀਂ ਹੋ ਸਕਦਾ।
ਉਨ੍ਹਾਂ ਕਿਹਾ ਕਿ 21 ਲੱਖ ਦੀ ਭਰਤੀ ਨਾਲ ਭਾਜਪਾ ਦੁਨੀਆ ਦੀ ਇਕ ਨੰਬਰ ਦੀ ਪਾਰਟੀ ਬਣ ਕੇ ਉੱਭਰੀ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਜੋ 68 ਸਾਲਾਂ ਦੇ ਰਾਜ ਦੌਰਾਨ ਨਹੀਂ ਕਰ ਸਕੀ, ਭਾਜਪਾ ਨੇ ਉਹ ਇਕ ਸਾਲ 'ਚ ਕਰ ਵਿਖਾਇਆ ਹੈ। ਇਹ ਮੀਟਿੰਗ ਅੰਮ੍ਰਿਤਸਰ ਵਿਖੇ ਭਾਜਪਾ ਦੀ ਹੋ ਰਹੀ ਰੈਲੀ ਸਬੰਧੀ ਕੀਤੀ ਗਈ। ਇਸ ਮੀਟਿੰਗ ਵਿਚ ਜ਼ਿਲਾ ਪ੍ਰਧਾਨ ਜੁਗਰਾਜ ਸਿੰਘ, ਉਪ ਚੇਅਰਮੈਨ ਗੋਪਾਲ ਦਾਸ ਸਿਡਾਨਾ, ਪੀ. ਏ. ਰਾਜਿੰਦਰ ਕੁਮਾਰ ਆਦਿ ਨੇ ਹਿੱਸਾ ਲਿਆ।
12 ਸਾਲਾਂ ਦੀ ਇਸ ਬਹਾਦੁਰ ਧੀ ਸਦਕਾ ਟਲਿਆ ਵੱਡਾ ਹਾਦਸਾ (ਦੇਖੋ ਤਸਵੀਰਾਂ)
NEXT STORY 
