ਗੁਰਦਾਸਪੁਰ/ਕਰਾਚੀ (ਵਿਨੋਦ) - ਦੋ ਭਰਾਵਾਂ ਨੇ ਆਪਣੇ ਪਿਤਾ ਦਾ ਕਤਲ ਕਰ ਦਿੱਤਾ ਕਿਉਂਕਿ ਉਹ ਉਨ੍ਹਾਂ ਨੂੰ ਸਖਤ ਪੜ੍ਹਾਈ ਕਰਨ ਲਈ ਮਜਬੂਰ ਕਰਦਾ ਸੀ। ਸਰਹੱਦ ਪਾਰ ਦੇ ਸੂਤਰਾਂ ਅਨੁਸਾਰ ਜੌਹਰਾਬਾਦ ਪੁਲਸ ਸਟੇਸ਼ਨ ਦੇ ਐੱਸ. ਐੱਚ. ਓ. ਰਾਸ਼ਿਦ ਰਹਿਮਾਨ ਨੇ ਖੁਲਾਸਾ ਕੀਤਾ ਕਿ ਵੀਰਵਾਰ ਸਵੇਰੇ 2 ਨੌਜਵਾਨ ਬਾਈਕ ’ਤੇ ਜਾ ਰਹੇ ਸਨ, ਜਦੋਂ ਪੁਲਸ ਦੀ ਇਕ ਗਸ਼ਤ ਟੀਮ ਨੇ ਉਨ੍ਹਾਂ ਨੂੰ ਐੱਫ. ਬੀ. ਏਰੀਆ, ਬਲਾਕ-15 ’ਤੇ ਸਵੇਰੇ 3.45 ਵਜੇ ਚੈਕਿੰਗ ਲਈ ਰੁਕਣ ਦਾ ਇਸ਼ਾਰਾ ਕੀਤਾ, ਉਸ ਕੋਲ ਇਕ ਸ਼ੱਕੀ ਬੈਗ ਸੀ। ਜਾਂਚ ਕਰਨ ’ਤੇ ਬੈਗ ’ਚ ਇਕ ਵਿਅਕਤੀ ਦੀ ਲਾਸ਼ ਮਿਲੀ, ਜਿਸ ਦੀ ਪਛਾਣ ਬਾਅਦ ’ਚ ਖਾਵਰ ਅੰਜੁਮ (60) ਵਜੋਂ ਹੋਈ। ਜੋ ਦੋਵਾਂ ਨੌਜਵਾਨਾਂ ਦਾ ਪਿਤਾ ਸੀ। ਪੁਲਸ ਨੇ 24 ਸਾਲਾ ਮੁਹੰਮਦ ਇਬਰਾਹਿਮ ਅਤੇ ਉਸ ਦੇ ਭਰਾ ਅਫਜ਼ਲ 21 ਸਾਲਾ ਨੂੰ ਹਿਰਾਸਤ ’ਚ ਲੈ ਲਿਆ।
ਪੁੱਛਗਿੱਛ ਦੌਰਾਨ ਸ਼ੱਕੀਆਂ ਨੇ ਕਿਹਾ ਕਿ ਉਹ ਅੱਗੇ ਪੜ੍ਹਾਈ ਨਹੀਂ ਕਰਨਾ ਚਾਹੁੰਦੇ। ਇਸ ਲਈ ਉਸ ਦੇ ਪਿਤਾ ਨੇ ਉਸ ਨੂੰ ਆਪਣੀ ਖੇਤੀਬਾੜੀ ਵਾਲੀ ਜ਼ਮੀਨ ਅਤੇ ਜਾਨਵਰਾਂ ਦੀ ਦੇਖਭਾਲ ਕਰਨ ਲਈ ਆਪਣੇ ਜੱਦੀ ਸਥਾਨ ਮੀਰਪੁਰਖਾਸ ਜਾਣ ਲਈ ਕਿਹਾ ਪਰ ਉਹ ਪਿੰਡ ਦੀ ਜ਼ਿੰਦਗੀ ’ਚ ਵਾਪਸ ਨਹੀਂ ਜਾਣਾ ਚਾਹੁੰਦਾ ਸੀ। ਉਸ ਨੇ ਦੱਸਿਆ ਕਿ ਲੱਗਭਗ 15 ਦਿਨ ਪਹਿਲਾਂ ਉਨ੍ਹਾਂ ਨੇ ਆਪਣੇ ਪਿਤਾ ਨੂੰ ਮਾਰਨ ਦਾ ਫੈਸਲਾ ਕੀਤਾ ਸੀ। ਮੰਗਲਵਾਰ ਰਾਤ ਨੂੰ ਰਾਤ ਦੇ ਖਾਣੇ ਤੋਂ ਬਾਅਦ, ਉਨ੍ਹਾਂ ਨੇ ਕੋਲਡ ਡਰਿੰਕ ’ਚ ਕੀਟਨਾਸ਼ਕ ਮਿਲਾ ਕੇ ਆਪਣੇ ਪਿਤਾ ਨੂੰ ਦੇ ਦਿੱਤਾ, ਜਿਸ ਨੂੰ ਪੀਣ ਤੋਂ ਬਾਅਦ ਉਹ ਬੇਹੋਸ਼ ਹੋ ਗਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਨੂੰ ਚਾਕੂ ਮਾਰ ਕੇ ਮਾਰ ਦਿੱਤਾ ਅਤੇ ਉਸ ਦੀ ਲਾਸ਼ ਨੂੰ ਇਕ ਬੈਗ ’ਚ ਪਾ ਦਿੱਤਾ, ਉਹ ਇਸ ਨੂੰ ਸੁੱਟਣ ਲਈ ਕਿਤੇ ਲੈ ਜਾ ਰਹੇ ਸਨ।
ਪੰਜਾਬ ਸਰਕਾਰ ਨੇ 406 ‘ਡੋਰਸਟੈਪ ਡਿਲੀਵਰੀ’ ਸੇਵਾਵਾਂ ਦੀ ਫੀਸ 120 ਰੁਪਏ ਤੋਂ ਘਟਾ ਕੇ ਕੀਤੀ 50 ਰੁਪਏ
NEXT STORY 
