ਲੁਧਿਆਣਾ (ਖੁਰਾਣਾ): ਮਹਾਨਗਰ ਦੇ ਪੌਸ਼ ਇਲਾਕੇ ਸਿਵਲ ਲਾਈਨ ਸਥਿਤ ਪਾਵ ਧਰਮਸ਼ਾਲਾ ਦੇ ਕੋਲ ਇਕ ਤੇਜ਼ ਰਫਤਾਰ BMW ਗੱਡੀ ਨੇ ਬਿਜਲੀ ਦੇ ਖੰਭਿਆਂ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਹਾਦਸਾ ਇੰਨਾ ਜ਼ਬਰਦਸਤ ਸੀ ਕਿ ਇਕ ਜ਼ੋਰਦਾਰ ਧਮਾਕੇ ਕਾਰਨ ਖੰਭਿਆਂ ਦੇ ਉੱਪਰ ਲੱਗਿਆ ਹੋਇਆ ਬਿਜਲੀ ਦਾ ਭਾਰੀ ਭਰਕਮ ਟ੍ਰਾਂਸਫਾਰਮਰ ਸਿੱਧਾ ਗੱਡੀ ਦੇ ਉੱਪਰ ਆ ਡਿੱਗਿਆ। ਗਨੀਮਤ ਰਹੀ ਕਿ ਕਾਰ ਵਿਚ ਸਵਾਰ ਦੋਵੇਂ ਨੌਜਵਾਨ ਸਮੇਂ ਸਿਰ ਹੀ ਗੱਡੀ ਵਿੱਚੋਂ ਬਾਹਰ ਕੁੱਦ ਗਏ, ਨਹੀਂ ਤਾਂ ਇਹ ਹਾਦਸਾ ਜਾਨਲੇਵਾ ਸਾਬਤ ਹੋ ਸਕਦਾ ਸੀ। ਪਰ ਇਸ ਦੌਰਾਨ ਨੁਕਸਾਨੀ ਗਈ BMW ਗੱਡੀ ਧੂ-ਧੂ ਕਰਕੇ ਸੜ ਗਈ ਹੈ।
ਹਾਦਸੇ ਕਾਰਨ ਪੂਰੇ ਇਲਾਕੇ ਦੀ ਬਿਜਲੀ ਸਪਲਾਈ ਗੁੱਲ ਹੋ ਗਈ ਅਤੇ ਪਾਵਰਕਾਮ ਵਿਭਾਗ ਨੂੰ ਭਾਰੀ ਆਰਥਿਕ ਨੁਕਸਾਨ ਉਠਾਉਣਾ ਪਿਆ ਹੈ। ਦੂਜੇ ਪਾਸੇ ਮਾਮਲੇ ਨੂੰ ਲੈ ਕੇ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ (PSPCL) ਦੇ ਅਧਿਕਾਰੀਆਂ ਵੱਲੋਂ ਇਲਾਕੇ ਵਿਚ ਬਿਜਲੀ ਦੀ ਸਪਲਾਈ ਬਹਾਲ ਕਰਨ ਸਮੇਤ ਵਿਭਾਗ ਨੂੰ ਹੋਏ ਆਰਥਿਕ ਨੁਕਸਾਨ ਦੀ ਭਰਪਾਈ ਲਈ ਵਿਭਾਗੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
‘ਆਪ’ ਦੀ ‘ਯੁੱਧ ਨਸ਼ਿਆਂ ਵਿਰੁੱਧ’ ਮੁਹਿੰਮ ਇਕ ਪਬਲੀਸਿਟੀ ਸਟੰਟ: ਹਰਸਿਮਰਤ ਬਾਦਲ
NEXT STORY 
