ਚੰਡੀਗੜ੍ਹ (ਸੁਸ਼ੀਲ) : ਸੈਕਟਰ-17 'ਚ ਤਜਿੰਦਰ ਉਰਫ ਮਾਲੀ ਦਾ ਕਤਲ ਕਰਨ ਲਈ ਵਿਕਾਸ ਉਰਫ ਬਾਕਸਰ ਨੇ ਯੂ. ਪੀ. ਦੇ ਮੇਰਠ ਕੋਲੋਂ ਤਿੰਨ ਪਿਸਟਲ ਖਰੀਦੇ ਸਨ। ਇਸ ਲਈ ਬਾਕਸਰ ਗੈਂਗ ਦੇ ਮੈਂਬਰਾਂ ਨੇ ਇਕ ਲੱਖ ਰੁਪਏ ਇਕੱਠੇ ਕੀਤੇ ਸਨ। ਵਿਕਾਸ ਉਰਫ ਬਾਕਸਰ ਖੁਦ ਮੇਰਠ ਦੇ ਪਿੰਡ ਤੋਂ ਤਿੰਨ ਪਿਸਟਲ ਲੈ ਕੇ ਆਇਆ ਸੀ। ਇਨ੍ਹਾਂ ਹਥਿਆਰਾਂ ਨਾਲ ਬਾਕਸਰ ਨੇ ਨਰਵਾਣਾ 'ਚ ਮਨੀਸ਼ ਅਤੇ ਜਸਵੰਤ ਦੇ ਕਤਲ ਤੋਂ ਬਾਅਦ ਤਜਿੰਦਰ ਨੂੰ ਮੌਤ ਦੇ ਘਾਟ ਉਤਾਰਿਆ ਸੀ।
ਉਥੇ ਹੀ ਕ੍ਰਾਈਮ ਬ੍ਰਾਂਚ ਦੀ ਟੀਮ ਨੇ ਮੰਗਲਵਾਰ ਨੂੰ ਬਾਕਸਰ ਗੈਂਗ ਦੇ ਫੜੇ ਗਏ ਮੁੱਖ ਸਰਗਣੇ ਵਿਕਾਸ ਉਰਫ ਬਾਕਸਰ, ਗੁਰਮੀਤ ਅਤੇ ਅਮਿਤ ਗਰੋਵਰ ਨੂੰ ਜ਼ਿਲਾ ਅਦਾਲਤ 'ਚ ਪੇਸ਼ ਕੀਤਾ। ਪੁਲਸ ਨੇ ਅਦਾਲਤ ਤੋਂ ਤਿੰਨਾਂ ਦਾ ਪੰਜ ਦਿਨਾ ਪੁਲਸ ਰਿਮਾਂਡ ਮੰਗਿਆ। ਪੁਲਸ ਨੇ ਅਦਾਲਤ ਨੂੰ ਦਲੀਲ ਦਿੱਤੀ ਕਿ ਮੁਲਜ਼ਮਾਂ ਤੋਂ ਕਤਲ 'ਚ ਇਸਤੇਮਾਲ ਪਿਸਟਲ ਬਰਾਮਦ ਕਰਨਾ ਹੈ। ਇਸ ਤੋਂ ਇਲਾਵਾ ਕਤਲ 'ਚ ਵਾਂਟੇਡ ਭਰਿਆ ਅਤੇ ਉਪਕਾਰ ਨੂੰ ਵੀ ਫੜਨਾ ਹੈ। ਅਦਾਲਤ ਨੇ ਪੁਲਸ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਤਿੰਨਾਂ ਮੁਲਜ਼ਮਾਂ ਨੂੰ ਚਾਰ ਦਿਨਾ ਪੁਲਸ ਰਿਮਾਂਡ 'ਤੇ ਭੇਜ ਦਿੱਤਾ।
ਕਤਲ ਤੋਂ ਬਾਅਦ ਚਾਰੇ ਮੁਲਜ਼ਮ ਬੱਸ 'ਤੇ ਗਏ ਸਨ ਦਿੱਲੀ
ਜਾਂਚ 'ਚ ਸਾਹਮਣੇ ਆਇਆ ਕਿ 4 ਸਤੰਬਰ ਨੂੰ ਤਜਿੰਦਰ ਦਾ ਕਤਲ ਕਰਨ ਤੋਂ ਬਾਅਦ ਵਿਕਾਸ ਉਰਫ ਬਾਕਸਰ ਰੋਡਵੇਜ਼ ਬੱਸ 'ਤੇ ਫਰਾਰ ਹੋਏ ਸਨ। ਵਿਕਾਸ, ਗੁਰਮੀਤ, ਅਮਿਤ ਗਰੋਵਰ, ਉਪਕਾਰ ਅਤੇ ਭੂਰੀਆ ਪਹਿਲਾਂ ਪਬਲਿਕ ਟਰਾਂਸਪੋਰਟ ਤੋਂ ਜ਼ੀਰਕਪੁਰ ਪਹੁੰਚੇ। ਜ਼ੀਰਕਪੁਰ ਤੋਂ ਵਿਕਾਸ, ਗੁਰਮੀਤ ਅਤੇ ਉਪਕਾਰ ਬੱਸ 'ਤੇ ਹਿਸਾਰ ਚਲੇ ਗਏ ਅਤੇ ਅਮਿਤ ਅਤੇ ਭੂਰੀਆ ਕੁਰਕੂਸ਼ੇਤਰ। ਇਸ ਤੋਂ ਬਾਅਦ ਸਾਰੇ ਮੁਲਜ਼ਮ ਆਪਣੇ ਕਾਮਨ ਫਰੈਂਡ ਦੇ ਜ਼ਰੀਏ ਰਾਹਗੀਰਾਂ ਤੋਂ ਫੋਨ ਮੰਗ ਕੇ ਆਪਸ 'ਚ ਸੰਪਰਕ 'ਚ ਰਹਿੰਦੇ ਸਨ।
ਦੂਜੇ ਮੁਲਜ਼ਮਾਂ ਦੀ ਭਾਲ 'ਚ ਪੁਲਸ ਮਾਰ ਰਹੀ ਛਾਪੇ
ਕਤਲ ਤੋਂ ਪਹਿਲਾਂ ਵਿਕਾਸ ਉਰਫ ਬਾਕਸਰ ਨੂੰ ਪੁਲਸ ਦਾ ਬਿਲਕੁਲ ਵੀ ਡਰ ਨਹੀਂ ਸੀ। ਉਸਦਾ ਮਕਸਦ ਸਿਰਫ ਆਪਣੇ ਭਰਾ ਮੋਹਿਤ ਦੇ ਕਤਲ ਦਾ ਬਦਲਾ ਲੈਣਾ ਸੀ। ਉਥੇ ਹੀ ਕ੍ਰਾਈਮ ਬ੍ਰਾਂਚ ਦੀ ਟੀਮ ਕਤਲ ਮਾਮਲੇ 'ਚ ਫਰਾਰ ਉਪਕਾਰ ਅਤੇ ਭੂਰੀਆ ਦੀ ਭਾਲ 'ਚ ਹਰਿਆਣਾ, ਦਿੱਲੀ ਅਤੇ ਰਾਜਸਥਾਨ ਰਵਾਨਾ ਹੋ ਗਈ ਹੈ। ਪੁਲਸ ਫੜੇ ਗਏ ਮੁਲਜ਼ਮਾਂ ਦੀ ਨਿਸ਼ਾਨਦੇਹੀ 'ਤੇ ਛਾਪੇਮਾਰੀ ਕਰਨ 'ਚ ਲੱਗੀ ਹੋਈ ਹੈ। ਪੁਲਸ ਸੂਤਰਾਂ ਦੀ ਮੰਨੀਏ ਤਾਂ ਕ੍ਰਾਈਮ ਬ੍ਰਾਂਚ ਦੀ ਟੀਮ ਕਤਲ 'ਚ ਇਸਤੇਮਾਲ ਦੂਜਾ ਪਿਸਟਲ ਵਿਕਾਸ ਦੀ ਨਿਸ਼ਾਨਦੇਹੀ 'ਤੇ ਬਰਾਮਦ ਕਰੇਗੀ।
ਹਰਿਆਣਾ ਪੁਲਸ ਬਾਕਸਰ ਨੂੰ ਛੇਤੀ ਲਵੇਗੀ ਪ੍ਰੋਡਕਸ਼ਨ ਵਾਰੰਟ 'ਤੇ
ਨਰਵਾਣਾ 'ਚ 14 ਅਗਸਤ ਨੂੰ ਹੋਏ ਮਨੀਸ਼ ਅਤੇ ਜਸਵੰਤ ਦੇ ਕਤਲ ਮਾਮਲੇ 'ਚ ਹਰਿਆਣਾ ਪੁਲਸ ਦੀਆਂ ਟੀਮਾਂ ਚੰਡੀਗੜ੍ਹ ਕ੍ਰਾਈਮ ਬ੍ਰਾਂਚ ਨਾਲ ਸੰਪਰਕ ਕਰਨ 'ਚ ਲੱਗੀਆਂ ਹੋਈਆਂ ਹਨ। ਕ੍ਰਾਈਮ ਬ੍ਰਾਂਚ ਦੀ ਜਾਂਚ ਪੂਰੀ ਹੋਣ ਤੋਂ ਬਾਅਦ ਹਰਿਆਣਾ ਪੁਲਸ ਵਿਕਾਸ ਉਰਫ ਬਾਕਸਰ ਸਮੇਤ ਤਿੰਨਾਂ ਮੁਲਜ਼ਮਾਂ ਦਾ ਪ੍ਰੋਡਕਸ਼ਨ ਵਾਰੰਟ ਹਾਸਲ ਕਰੇਗੀ, ਤਾਂ ਕਿ ਪੁਲਸ ਮਨੀਸ਼ ਅਤੇ ਜਸਵੰਤ ਦੇ ਕਤਲ 'ਚ ਮੁਲਜ਼ਮਾਂ ਤੋਂ ਗੰਭੀਰਤਾ ਨਾਲ ਪੁੱਛਗਿੱਛ ਕੀਤੀ ਜਾ ਸਕੇ।
ਭਰਾ ਦੇ 6 ਕਤਲਾਂ 'ਚੋਂ ਤਿੰਨ ਦਾ ਕਤਲ ਕਰ ਚੁੱਕਿਆ ਹੈ ਬਾਕਸਰ
ਵਿਕਾਸ ਉਰਫ ਬਾਕਸਰ ਆਪਣੇ ਦੋਸਤਾਂ ਨਾਲ ਮਿਲ ਕੇ ਭਰਾ ਮੋਹਿਤ ਦੇ ਕਤਲ ਕਰਨ ਵਾਲੇ 6 ਨੌਜਵਾਨਾਂ 'ਚੋਂ ਤਿੰਨ ਦਾ ਕਤਲ ਕਰ ਚੁੱਕਿਆ ਹੈ। ਹੁਣ ਉਸ ਨੇ ਬਾਕੀ ਦੇ ਤਿੰਨਾਂ ਨੌਜਵਾਨਾਂ ਦਾ ਕਤਲ ਕਰਨਾ ਸੀ। ਵਿਕਾਸ ਉਨ੍ਹਾਂ ਨੌਜਵਾਨਾਂ ਤੱਕ ਪਹੁੰਚਦਾ, ਇਸ ਤੋਂ ਪਹਿਲਾਂ ਕ੍ਰਾਈਮ ਬ੍ਰਾਂਚ ਨੇ ਵਿਕਾਸ ਸਮੇਤ ਤਿੰਨ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ।
ਅੱਧੀ ਰਾਤੀਂ ਬੱਚੀ ਅਗਵਾ ਕਰਨ ਆਇਆ ਨਸ਼ੇੜੀ, ਸੀ. ਸੀ. ਟੀ. ਵੀ. 'ਚ ਕੈਦ (ਵੀਡੀਓ)
NEXT STORY 
