ਲੁਧਿਆਣਾ (ਵਿੱਕੀ) : ਸੈਂਟਰਲ ਬੋਰਡ ਆਫ ਸੈਕੰਡਰੀ ਐਜੂਕੇਸ਼ਨ ਨੇ ਆਗਾਮੀ ਬੋਰਡ ਪ੍ਰੀਖਿਆਵਾਂ ਦੀ ਉੱਤਰ ਪੁਸਤਕ ਲਿਖਣ ਦੇ ਨਿਯਮਾਂ ਵਿਚ ਵੱਡਾ ਬਦਲਾਅ ਕੀਤਾ ਹੈ। ਪ੍ਰੀਖਿਆਰਥੀ ਹੁਣ ਆਪਣੀ ਮਰਜ਼ੀ ਨਾਲ ਕਿਤੇ ਵੀ ਕਿਸੇ ਵੀ ਸਵਾਲ ਦਾ ਜਵਾਬ ਨਹੀਂ ਲਿਖ ਸਕਣਗੇ। ਵਿਗਿਆਨ ਦੇ ਪੇਪਰ ਵਿਚ ਜੇਕਰ ਫਿਜ਼ੀਕਸ ਦਾ ਉੱਤਰ ਕੈਮਿਸਟਰੀ ਲਈ ਤੈਅ ਸੈਕਸ਼ਨ ਵਿਚ ਲਿਖ ਦਿੱਤਾ ਗਿਆ ਤਾਂ ਉਹ ਉੱਤਰ ਸਹੀ ਹੋਣ ਦੇ ਬਾਵਜੂਦ ਜਾਂਚਿਆ ਨਹੀਂ ਜਾਵੇਗਾ ਅਤੇ ਉਸ ਦੇ ਜ਼ੀਰੋ ਅੰਕ ਮਿਲਣਗੇ। 10ਵੀਂ ਅਤੇ 12ਵੀਂ ਦੀਆਂ ਪ੍ਰੀਖਿਆਵਾਂ 17 ਫਰਵਰੀ ਤੋਂ ਸ਼ੁਰੂ ਹੋਣ ਵਾਲੀਆਂ ਹਨ। ਮੁਲਾਂਕਣ ਪ੍ਰਕਿਰਿਆ ਨੂੰ ਡਿਜ਼ੀਟਲ ਅਤੇ ਸਟੀਕ ਬਣਾਉਣ ਲਈ ਬੋਰਡ ਨੇ 10ਵੀਂ ਕਲਾਸ ਦੇ ਦੋ ਮੁੱਖ ਵਿਸ਼ਿਆਂ ਵਿਗਿਆਨ ਅਤੇ ਸਮਾਜਿਕ ਵਿਗਿਆਨ ਲਈ ਇਹ ਸਖਤ ਗਾਈਡਲਾਈਨ ਜਾਰੀ ਕੀਤੀ ਹੈ।
ਇਹ ਵੀ ਪੜ੍ਹੋ : ਨਸ਼ਿਆਂ ਕਾਰਨ ਚਲੇ ਗਏ 6 ਪੁੱਤਰ! ਪਰਿਵਾਰ ਨੇ ਸਰਕਾਰ ਦੀ 'ਯੁੱਧ ਨਸ਼ਿਆਂ ਵਿਰੁੱਧ' ਮੁਹਿੰਮ 'ਤੇ ਚੁੱਕੇ ਸਵਾਲ
ਇੱਕ ਸੈਕਸ਼ਨ ਦੇ ਉੱਤਰ ਇਕੱਠੇ ਲਿਖਣਾ ਜ਼ਰੂਰੀ
ਵਿਗਿਆਨ ਦੀ ਉੱਤਰ ਪੁਸਤਕ ਨੂੰ ਤਿੰਨ ਸਪੱਸ਼ਟ ਭਾਗਾਂ ਵਿਚ ਵੰਡਣਾ ਹੋਵੇਗਾ। ਪਹਿਲਾਂ ਸੈਕਸ਼ਨ ‘ਏ’ ਵਿਚ ਬਾਇਓਲੋਜੀ, ‘ਬੀ’ ਵਿਚ ਕੈਮਿਸਟਰੀ ਅਤੇ ‘ਸੀ’ ਵਿਚ ਫਿਜ਼ੀਕਸ ਦੇ ਉੱਤਰ ਲਿਖਣੇ ਹੋਣਗੇ। ਇਸੇ ਤਰ੍ਹਾਂ ਸਮਾਜਿਕ ਵਿਗਿਆਨ ਨੂੰ ਚਾਰ ਭਾਗਾਂ -ਇਤਿਹਾਸ, ਭੂਗੋਲ, ਰਾਜਨੀਤੀ ਵਿਗਿਆਨ ਅਤੇ ਅਰਥਸ਼ਾਸਤਰ ਵਿਚ ਵੰਡਿਆ ਗਿਆ ਹੈ। ਵਿਦਿਆਰਥੀਆਂ ਨੂੰ ਇਕੱਠੇ ਇਕ ਪੂਰਾ ਸੈਕਸ਼ਨ ਹੀ ਹੱਲ ਕਰਨਾ ਪਵੇਗਾ। ਸਿੱਖਿਆਵਿਦ ਦੱਸਦੇ ਹਨ ਕਿ ਵਿਦਿਆਰਥੀ ਕਿਸੇ ਇੱਕ ਸੈਕਸ਼ਨ ਦੇ ਅੰਦਰ ਪ੍ਰਸ਼ਨਾਂ ਦੇ ਜਵਾਬ ਆਪਣੀ ਸਹੂਲਤ ਨਾਲ ਅੱਗੇ ਪਿੱਛੇ ਦੇ ਸਕਦੇ ਹਨ ਪਰ ਇਕ ਸੈਕਸ਼ਨ ਦੇ ਵਿਚ ਦੂਜੇ ਸੈਕਸ਼ਨ ਦਾ ਕੋਈ ਵੀ ਜਵਾਬ ਨਹੀਂ ਲਿਖ ਸਕਣਗੇ। ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਉੱਤਰ ਪੁਸਤਕ ਮਿਲਦੇ ਹੀ ਪਹਿਲਾਂ ਪੇਜ਼ ਪਲਾਨਿੰਗ ਕਰਨ ਤੇ ਇੱਕ ਵਿਸ਼ਾ ਖਤਮ ਹੋਣ ਤੋਂ ਬਾਅਦ ਅਗਲੇ ਵਿਸ਼ੇ ਲਈ ਨਵੇਂ ਪੇਜ ਦੀ ਵਰਤੋਂ ਕਰਨ।
ਡਿਜੀਟਲ ਇਵੈਲਿਊਏਸ਼ਨ 'ਚ ਗਲਤ ਸੈਕਸ਼ਨ ਦੇ ਉੱਤਰ ਨਹੀਂ ਹੋਣਗੇ ਸ਼ੋ
ਸੀ. ਬੀ. ਐੱਸ. ਈ. ਦੇ ਨਵੇਂ ਡਿਜੀਟਲ ਇਵੈਨਿਊਏਸ਼ਨ ਸਿਸਟਮ ਤਹਿਤ ਗਲਤ ਸੈਕਸ਼ਨ ਵਿਚ ਲਿਖੇ ਉੱਤਰਾਂ ’ਤੇ ਰੀ-ਇਵੈਲਿਊਏਸ਼ਨ ਜਾਂ ਵੈਰੀਫਿਕੇਸ਼ਨ ਦੌਰਾਨ ਵਿਚਾਰ ਨਹੀਂ ਕੀਤਾ ਜਾਵੇਗਾ। ਜਦੋਂ ਉੱਤਰ ਸਹੀ ਮੈਪਿੰਗ ਜਾਂ ਨਿਰਧਾਰਤ ਸਥਾਨ ’ਤੇ ਨਹੀਂ ਹੋਵੇਗਾ ਤਾਂ ਉਹ ਪ੍ਰੀਖਕ ਦੀ ਸਕਰੀਨ ’ਤੇ ਪ੍ਰਦਰਸ਼ਿਤ ਨਹੀਂ ਹੋਵੇਗਾ। ਵੈਰੀਫਿਕੇਸ਼ਨ ਪ੍ਰੀਕਿਰਿਆ ਵਿਚ ਕੇਵਲ ਅੰਕਾਂ ਦੀ ਗਿਣਤੀ ਹੁੰਦੀ ਹੈ। ਇਸ ਲਈ ਸਿਸਟਮ ਗਲਤ ਸਥਾਨ ’ਤੇ ਲਿਖੇ ਉੱਤਰ ਨੂੰ ਇਨਵੈਲਿਡ ਮੰਨੇਗਾ। ਮਾਹਰਾਂ ਦੇ ਮੁਤਾਬਕ ਹੁਣ ਕਾਪੀਆਂ ਦੀ ਡਿਜ਼ੀਟਲ ਚੈਕਿੰਗ ਕੀਤੀ ਜਾ ਰਹੀ ਹੈ ਜਿਥੇ ਹਰ ਵਿਸ਼ੇ ਦਾ ਮਾਹਰ ਕੇਵਲ ਆਪਣੇ ਸੈਕਸ਼ਨ ਦੀ ਹੀ ਜਾਂਚ ਕਰੇਗਾ। ਜੇਕਰ ਉੱਤਰ ਗਲਤ ਸੈਕਸ਼ਨ ਵਿਚ ਹੈ ਤਾਂ ਉਹ ਸਾਫਟਵੇਅਰ ਜਾਂ ਪ੍ਰੀਖਕ ਦੀ ਸਕਰੀਨ ’ਤੇ ਦਿਖਾਈ ਹੀ ਨਹੀਂ ਦੇਵੇਗਾ।
ਇਹ ਵੀ ਪੜ੍ਹੋ : Petrol-Diesel ਦੇ ਵਧਣਗੇ ਰੇਟ! ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਦੀ ਕੀਮਤ ਚੁਕਾਏਗਾ ਆਮ ਆਦਮੀ
ਪ੍ਰੈਕਟੀਕਲ ਪ੍ਰੀਖਿਆਵਾਂ ’ਤੇ ਵੀ ਡਿਜੀਟਲ ਪਹਿਰਾ
ਬੋਰਡ ਨੇ ਥਿਊਰੀ ਦੇ ਨਾਲ-ਨਾਲ ਪ੍ਰੈਕਟੀਕਲ ਪ੍ਰੀਖਿਆਵਾਂ ਲਈ ਵੀ ਰੀਅਲ ਟਾਈਮ ਮਾਨੀਟਰਿੰਗ ਦੀ ਵਿਵਸਥਾ ਕੀਤੀ ਹੈ। ਹਰ ਸਕੂਲ ਨੂੰ ਪ੍ਰੈਕਟੀਕਲ ਪ੍ਰੀਖਿਆ ਦੌਰਾਨ ਵਿਦਿਆਰਥੀਆਂ ਦੇ ਨਾਲ ਇੰਟਰਨਲ ਅਤੇ ਐਕਸਟਰਨਲ ਐਗਜ਼ਾਮੀਨਰ ਦਾ ਇਕ ਜਿਓ-ਟੈਗਡ ਗਰੁੱਪ ਫੋਟੋ ਅਪਲੋਡ ਕਰਨਾ ਜ਼ਰੂਰੀ ਹੈ। ਇਸ ਫੋਟੋ ਤੋਂ ਬਗੈਰ ਸਕੂਲਾਂ ਦੇ ਪ੍ਰੈਕਟੀਕਲ ਅੰਕ ਪੋਰਟਲ ’ਤੇ ਅਪਲੋਡ ਨਹੀਂ ਹੋਣਗੇ। ਫੋਟੋ ਅਪਲੋਡ ਕਰਦੇ ਸਮੇਂ ਮੋਬਾਈਲ ਦੀ ਲੋਕੇਸ਼ਨ ਅਤੇ ਸਮੇਂ ਦਾ ਮਿਲਾਨ ਕੀਤਾ ਜਾਵੇਗਾ। 15 ਮਿੰਟ ਦੇ ਰੀਡਿੰਗ ਟਾਈਮ ਦਾ ਮਹੱਤਵ ਹੁਣ ਹੋਰ ਵਧ ਗਿਆ ਹੈ, ਕਿਉਂਕਿ ਵਿਦਿਆਰਥੀਆਂ ਨੂੰ ਸਹੀ ਸੈਕਸ਼ਨ ਦੀ ਚੋਣ ਸਾਵਧਾਨੀ ਨਾਲ ਕਰਨੀ ਪਵੇਗੀ।
ਮੇਰੀ ਆਵਾਜ਼ ਨੂੰ ਦਬਾਅ ਨਹੀਂ ਸਕਦੀ ਭਗਵੰਤ ਮਾਨ ਸਰਕਾਰ, ਫਗਵਾੜਾ ’ਚ ਗਰਜੇ ਬਿਕਰਮ ਮਜੀਠੀਆ
NEXT STORY 
