ਟਾਂਡਾ ਉੜਮੁੜ (ਵਰਿੰਦਰ ਪੰਡਿਤ)— ਪੰਜਾਬ 'ਚ ਲਗਾਤਾਰ ਕੋਰੋਨਾ ਦਾ ਕਹਿਰ ਵੱਧਦਾ ਜਾ ਰਿਹਾ ਹੈ ਅਤੇ ਹੁਣ ਤੱਕ ਕਰੀਬ 39 ਪਾਜ਼ੀਟਿਵ ਕੇਸ ਸਾਹਮਣੇ ਆ ਚੁੱਕੇ ਹਨ। ਕੋਰੋਨਾ ਤੋਂ ਬਚਣ ਦੇ ਲਈ ਹੀ ਸਰਕਾਰ ਵੱਲੋਂ ਕਰਫਿਊ ਲਗਾਇਆ ਗਿਆ ਹੈ ਅਤੇ ਸੋਸ਼ਲ ਡਿਸਟੈਂਸ ਬਣਾਏ ਰੱਖਣ ਦੀ ਵੀ ਅਪੀਲ ਕੀਤੀ ਗਈ ਹੈ।
ਸੋਸ਼ਲ ਡਿਸਟੈਂਸ ਲਈ ਸਰਕਾਰ ਵੱਲੋਂ ਲੋਕਾਂ ਦੀ ਭਲਾਈ ਲਈ ਲਗਾਏ ਕਰਫਿਊ ਨਾਲ ਲੋਕਾਂ ਨੂੰ ਭਾਵੇ ਦੁਸ਼ਵਾਰੀਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਫਿਰ ਆਪਣੀ ਅਤੇ ਦੇਸ਼ ਵਾਸੀਆਂ ਦੀ ਸਿਹਤ ਲਈ ਫਿਕਰਮੰਦ ਲੋਕ ਸਰਕਾਰ ਦੇ ਇਸ ਫੈਸਲੇ ਦੀ ਸ਼ਲਾਘਾ ਵੀ ਕਰ ਰਹੇ ਹਨ ਅਤੇ ਆਪਣੇ-ਆਪਣੇ ਘਰਾਂ 'ਚ ਲਾਕ ਡਾਊਨ ਹਨ।
ਇਸ ਦੌਰਾਨ ਜ਼ੋਦਗੀ ਦੀ ਰਫਤਾਰ ਬਾਹਰ ਭਾਵੇ ਥੋੜ੍ਹੀ ਰੁਕੀ ਹੈ ਪਰ ਘਰਾਂ 'ਚ ਲੋਕ ਆਪੋ-ਆਪਣੇ ਪਰਿਵਾਰਾਂ ਨਾਲ ਮਿਲ ਕੇ ਆਪੋ-ਆਪਣੇ ਤਰੀਕਿਆਂ ਨਾਲ ਸਮਾਂ ਬਤੀਤ ਕਰਦੇ ਹੋਏ ਮਨੋਰੰਜਨ ਕਰ ਰਹੇ ਹਨ ਅਤੇ ਇਸ ਬੀਮਾਰੀ ਦੇ ਜਲਦ ਖਾਤਮੇ ਦੀ ਅਰਦਾਸ ਕਰਦੇ ਹੋਏ ਸਰਕਾਰ ਦੀਆਂ ਹਦਾਇਤਾਂ ਦਾ ਪਾਲਣ ਕਰਨ ਦੀ ਗੱਲ ਕਹਿ ਰਹੇ ਸਨ।
ਕਰਫਿਊ ਦਾ ਇਹ ਪਹਿਲਾਂ ਐਤਵਾਰ ਸੀ ਅਤੇ ਅੱਜ ਟਾਂਡਾ ਦੀਆਂ ਵੱਖ-ਵੱਖ ਹਸਤੀਆਂ ਨੇ ਆਪਣਾ ਸਮਾਂ ਕਿਸ ਤਰਾਂ ਬਤੀਤ ਕੀਤਾ ਇਸ ਨੂੰ ਜਦੋ ਜਾਣਿਆ ਗਿਆ ਤਾਂ ਪਤਾ ਲੱਗਾ ਕਿ ਸੀਨੀਅਰ ਅਕਾਲੀ ਆਗੂ ਅਤੇ ਸਾਬਕਾ ਕਮਿਸ਼ਨਰ ਲਖਵਿੰਦਰ ਸਿੰਘ ਲੱਖੀ ਆਪਣੇ ਘਰ ਦੇ ਕੈਂਪਸ 'ਚ ਲੱਗੀ ਸਰੋਂ ਆਪਣੇ ਕਰਮਚਾਰੀ ਨਾਲ ਮਿਲਕੇ ਕੱਟ ਰਹੇ ਸਨ। ਭਾਜਪਾ ਆਗੂ ਜਵਾਹਰ ਲਾਲ ਖੁਰਾਣਾ ਸਵੇਰ ਤੋਂ ਹੀ ਘਰ ਦੀ ਬਗੀਚੀ 'ਚ ਕੰਮ ਕਰਦੇ ਦਿਸੇ।
ਰਾਜ ਕਰੇਗਾ ਖਾਲਸਾ ਗਤਕਾ ਅਖਾੜਾ ਟਾਂਡਾ ਦੇ ਪ੍ਰਧਾਨ ਮਨਜੀਤ ਸਿੰਘ ਖਾਲਸਾ ਆਪਣੇ ਪਰਿਵਾਰ ਨਾਲ ਕੈਰਮਬੋਰਡ ਖੇਡਦੇ ਕੇ ਸਮਾਂ ਬਤੀਤ ਕਰ ਰਹੇ ਸਨ। ਸਮਾਜ ਸੇਵਕ ਸ਼ਾਮ ਵੈਦ ਅਤੇ ਹਨੀ ਕੇ ਵੈਦ ਦਾ ਸਮੂਹ ਪਰਿਵਾਰ ਅਹੀਆਪੁਰ ਵਿਖੇ ਆਪਣੇ ਪਰਿਵਾਰ ਨਾਲ ਭਜਨ ਕੀਰਤਨ ਕਰ ਰਿਹਾ ਸੀ।
ਕੋਰੋਨਾ ਕਰਫ਼ਿਊ ਦੇ ਸਮੇਂ ਸ੍ਰੀ ਹਰਿਮੰਦਰ ਸਾਹਿਬ ਗਲਿਆਰੇ ਦੀਆਂ ਦੇਖੋ ਖਾਸ ਤਸਵੀਰਾਂ
NEXT STORY 
