ਫਿਲੌਰ (ਭਾਖੜੀ) : ਸਥਾਨਕ ਸਿਵਲ ਹਸਪਤਾਲ ਦੇ ਜਿਸ ਵਾਰਡ 'ਚ ਇਨ੍ਹਾਂ 3 ਮਰੀਜ਼ਾਂ ਨੂੰ ਰੱਖਿਆ ਹੋਇਆ ਸੀ, ਉੇਸੇ ਵਾਰਡ 'ਚ 5 ਐੱਨ. ਆਰ. ਆਈਜ਼ ਨੂੰ ਵੀ ਸਾਵਧਾਨੀ ਵਜੋਂ ਰੱਖਿਆ ਹੋਇਆ ਹੈ। ਇਹ ਸਾਰੇ 8 ਮਰੀਜ਼ ਸਿਰਫ ਇਕ ਮਾਸਕ ਲਾ ਕੇ ਬੈਠੇ ਹੋਏ ਸਨ ਜੋ ਲਗਾਤਾਰ 6 ਦਿਨ ਤੋਂ ਇਕ-ਦੂਜੇ ਨਾਲ ਘੁਲ ਮਿਲ ਕੇ ਗੱਲਬਾਤ ਕਰ ਰਹੇ ਸਨ। ਜਿਵੇਂ ਹੀ ਪ੍ਰਸ਼ਾਸਨ ਨੂੰ ਪਤਾ ਲੱਗਾ ਕਿ ਇਨ੍ਹਾਂ 'ਚੋਂ 3 ਮਰੀਜ਼ਾਂ ਦੀ ਰਿਪੋਰਟ ਪਾਜ਼ੇਟਿਵ ਆ ਗਈ ਹੈ ਤਾਂ ਇਨ੍ਹਾਂ ਨਾਲ ਬੈਠੇ ਪੰਜਾਂ ਮਰੀਜ਼ਾਂ ਨੂੰ ਵੀ ਹੁਣ ਵੱਖਰਾ ਕਰ ਦਿੱਤਾ ਗਿਆ ਹੈ ਜੋ 6 ਦਿਨ ਤੋਂ ਇਨ੍ਹਾਂ ਨਾਲ ਰਹਿ ਰਹੇ ਸਨ। ਹੁਣ ਅਧਿਕਾਰੀਆਂ ਨੂੰ ਲੱਗ ਰਿਹਾ ਹੈ ਕਿ ਹੋਵੇ ਨਾ ਹੋਵੇ ਉਨ੍ਹਾਂ 5 'ਚੋਂ ਵੀ ਕੋਈ ਨਾ ਕੋਈ ਇਸ ਵਾਇਰਸ ਦਾ ਸ਼ਿਕਾਰ ਹੋ ਚੁੱਕਾ ਹੋਵੇਗਾ।
ਸਬ-ਇੰਸਪੈਕਟਰ ਗੁਰਬਿੰਦਰ ਸਿੰਘ ਕਰਨਗੇ ਬਤੌਰ ਐੱਸ. ਐੱਚ. ਓ. ਕੰਮ
ਅੱਜ ਤਿੰਨਾਂ ਮਰੀਜ਼ਾਂ ਦੀ ਰਿਪੋਰਟ ਪਾਜ਼ੇਟਿਵ ਆਉਣ ਤੋਂ ਬਾਅਦ ਸਰਕਾਰੀ ਵਿਭਾਗ ਦੇ ਵੱਡੇ ਅਧਿਕਾਰੀਆਂ 'ਚ ਹਫੜਾ ਦਫੜੀ ਮਚ ਗਈ ਹੈ। ਪਹਿਲਾਂ ਸਿਵਲ ਹਸਪਤਾਲ ਦੇ ਅੱਧੇ ਤੋਂ ਜ਼ਿਆਦਾ ਡਾਕਟਰਾਂ ਨੂੰ ਵਿਭਾਗ ਨੇ 14 ਦਿਨ ਲਈ ਆਈਸੋਲੇਟ 'ਤੇ ਭੇਜ ਦਿੱਤਾ। ਜਿਵੇਂ ਹੀ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਹਸਪਤਾਲ 'ਚ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ਦੀ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਥਾਣਾ ਮੁਖੀ ਬਖਸ਼ੀਸ਼ ਸਿੰਘ ਆਪਣੇ ਦੋ ਗੰਨਮੈਨਾਂ ਦੇ ਨਾਲ ਮਰੀਜ਼ਾਂ ਦੇ ਵਾਰਡ 'ਚ ਖੜ੍ਹੇ ਹੋ ਕੇ ਉਨ੍ਹਾਂ ਦੀ ਸੂਚੀ ਤਿਆਰ ਕਰ ਰਹੇ ਹਨ ਤਾਂ ਉਨ੍ਹਾਂ ਨੂੰ ਵੀ ਤੁਰੰਤ 14 ਦਿਨਾਂ ਲਈ ਆਈਸੋਲੇਟ 'ਤੇ ਭੇਜ ਦਿੱਤਾ ਗਿਆ। ਬਖਸ਼ੀਸ਼ ਸਿੰਘ ਦੀ ਜਗ੍ਹਾ ਹੁਣ ਫਿਲੌਰ ਥਾਣੇ ਦਾ ਚਾਰਜ ਸਬ-ਇੰਸਪੈਕਟਰ ਗੁਰਬਿੰਦਰ ਸਿੰਘ ਨੂੰ ਦੇ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ ► ਕੋਰੋਨਾ ਦਾ ਕਹਿਰ : ਜਲੰਧਰ 'ਚ 3 ਮਰੀਜ਼ ਪਾਜ਼ੇਟਿਵ
3 ਲੋਕਾਂ ਦੇ ਕੋਰੋਨਾ ਪਾਜ਼ੇਟਿਵ
ਸਥਾਨਕ ਸਿਵਲ ਹਸਪਤਾਲ 'ਚ ਪਿਛਲੇ 6 ਦਿਨ ਤੋਂ ਰੱਖੇ ਮ੍ਰਿਤਕ ਗਿਆਨੀ ਬਲਦੇਵ ਸਿੰਘ ਦੇ ਤਿੰਨਾਂ ਰਿਸ਼ਤੇਦਾਰਾਂ ਸਾਂਢੂ, ਸਾਲੀ ਅਤੇ ਉਨ੍ਹਾਂ ਦੇ ਬੇਟੇ ਦੇ ਖੂਨ ਦੀ ਰਿਪੋਰਟ ਪਾਜ਼ੇਟਿਵ ਆਉਣ ਤੋਂ ਬਾਅਦ ਪ੍ਰਸ਼ਾਸਨ ਨੇ ਪੂਰੇ ਵਿਰਕਾਂ ਪਿੰਡ ਨੂੰ ਸੀਲ ਕਰ ਦਿੱਤਾ ਹੈ ਤੇ ਪ੍ਰਸ਼ਾਸਨ ਉਨ੍ਹਾਂ ਲੋਕਾਂ ਦਾ ਪਤਾ ਲਾਉਣ 'ਚ ਜੁਟ ਗਿਆ ਜਿਨ੍ਹਾਂ ਨਾਲ ਇਹ ਲੋਕ ਪਿੰਡ 'ਚ ਮਿਲਦੇ ਜੁਲਦੇ ਰਹੇ ਹਨ। ਜਿਸ ਤੋਂ ਬਾਅਦ ਅਧਿਕਾਰੀਆਂ ਨੇ 26 ਲੋਕਾਂ ਦਾ ਪਤਾ ਕਰ ਕੇ ਉਨ੍ਹਾਂ ਨੂੰ 14 ਦਿਨ ਲਈ ਆਈਸੋਲੇਟ ਕਰ ਦਿੱਤਾ। ਫਿਲੌਰ ਦੇ ਜਿਸ ਸਿਵਲ ਹਸਪਤਾਲ 'ਚ ਇਨ੍ਹਾਂ ਤਿੰਨਾਂ ਮਰੀਜ਼ਾਂ ਨੂੰ ਰੱਖਿਆ ਗਿਆ ਸੀ, ਦੀ ਰਿਪੋਰਟ ਐੱਸ. ਐੱਮ. ਓ. ਡਾ. ਜਤਿੰਦਰ ਸਿੰਘ ਨੇ ਖੁਦ ਦੇਖ ਕੇ ਇਸ ਸਬੰਧ ਜਾਣਕਾਰੀ ਪੱਤਰਕਾਰਾਂ ਨੂੰ ਦਿੱਤੀ।
ਉਸ ਤੋਂ ਕੁਝ ਸਮੇਂ ਬਾਅਦ ਹੀ ਪਤਾ ਲੱਗਾ ਕਿ ਕਿਤੇ ਨਾ ਕਿਤੇ ਐੱਸ. ਐੱਮ. ਓ. ਸਮੇਤ ਹਸਪਤਾਲ ਦੇ ਡਾਕਟਰ ਅਤੇ ਸਟਾਫ ਨਰਸਾਂ ਤੋਂ ਵੀ ਇਲਾਜ ਦੌਰਾਨ ਲਾਪਰਵਾਹੀ ਹੋ ਗਈ, ਜਿਸ ਤੋਂ ਬਾਅਦ ਵਿਭਾਗ ਦੇ ਅਧਿਕਾਰੀਆਂ ਨੇ ਐੱਸ. ਐੱਮ. ਓ. ਸਮੇਤ 3 ਡਾਕਟਰਾਂ ਤੇ ਹਸਪਤਾਲ ਦੀਆਂ 3 ਸਟਾਫ ਨਰਸਾਂ ਅਤੇ ਹਸਪਤਾਲ ਦੇ 3 ਸਫਾਈ ਮੁਲਾਜ਼ਮਾਂ ਨੂੰ ਵੀ 14 ਦਿਨ ਲਈ ਆਈਸੋਲੇਟ ਕਰ ਦਿੱਤਾ। ਇਹ ਤਿੰਨੋਂ ਸਫਾਈ ਮੁਲਾਜ਼ਮ ਬਿਨਾਂ ਸੁਰੱਖਿਆ ਯੰਤਰ ਦੇ ਉਨ੍ਹਾਂ ਮਰੀਜ਼ਾਂ ਦੇ ਕਮਰੇ 'ਚ ਜਾ ਕੇ ਪਿਛਲੇ 6 ਦਿਨਾਂ ਤੋਂ ਸਫਾਈ ਕਰ ਰਹੇ ਸਨ। ਐੱਸ. ਐੱਮ. ਓ. ਡਾਕਟਰ ਜਤਿੰਦਰ ਦੀ ਜਗ੍ਹਾ ਨਵੇਂ ਐੱਸ. ਐੱਮ. ਓ. ਦੀ ਸਰਕਾਰ ਵੱਲੋਂ ਨਿਯੁਕਤੀ ਕਰ ਦਿੱਤੀ ਗਈ ਹੈ, ਜਿਨ੍ਹਾਂ ਨੂੰ ਬਰਨਾਲਾ ਤੋਂ ਫਿਲੌਰ ਲਿਆਂਦਾ ਗਿਆ ਹੈ।
ਇਹ ਵੀ ਪੜ੍ਹੋ ► ਵੱਡੀ ਖਬਰ: ਜਲੰਧਰ 'ਚ 'ਲਾਕ ਡਾਊਨ' ਦੇ ਬਾਵਜੂਦ ਮੈਡੀਕਲ ਸਟੋਰ ਖੋਲ੍ਹਣ 'ਤੇ ਮਾਲਕ ਲਿਆ ਹਿਰਾਸਤ
ਇਹ ਵੀ ਪੜ੍ਹੋ ► ਕੋਰੋਨਾ ਪੀੜਤਾਂ ਦੇ ਇਲਾਜ ਲਈ ਲੱਗੇ ਡਾਕਟਰਾਂ ਲਈ ਢੀਂਡਸਾ ਦੀ ਸਰਕਾਰ ਕੋਲੋਂ ਮੰਗ
ਹੋਲਾ-ਮੁਹੱਲਾ ਤੋਂ ਡਿਊਟੀ ਨਿਭਾਅ ਕੇ ਪਰਤੇ ਮੁਲਾਜ਼ਮਾਂ ਦਾ ਵੀ ਕੀਤਾ ਜਾ ਰਿਹੈ ਚੈੱਕਅਪ
NEXT STORY 
