ਫਿਰੋਜ਼ਪੁਰ (ਮਲਹੋਤਰਾ) : 2 ਨਾਬਾਲਗ ਕੁੜੀਆਂ ਆਪਣੇ ਘਰੋਂ ਲਾਪਤਾ ਹੋ ਗਈਆਂ। ਇਸ ਸਬੰਧੀ ਪੁਲਸ ਨੂੰ ਸ਼ਿਕਾਇਤ ਦੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਦੋ ਦੋਸ਼ੀਆਂ ਦੇ ਖ਼ਿਲਾਫ਼ ਸ਼ੱਕ ਦੇ ਆਧਾਰ 'ਤੇ ਪਰਚਾ ਦਰਜ ਕਰਵਾਇਆ ਹੈ। ਬਾਂਸੀ ਗੇਟ ਵਾਸੀ ਵਿਅਕਤੀ ਨੇ ਪੁਲਸ ਨੂੰ ਬਿਆਨ ਦੇ ਦੱਸਿਆ ਕਿ ਉਹ ਆਪਣੇ ਕੰਮਕਾਰ ਕਾਰਨ ਅਕਸਰ ਘਰ ਤੋਂ ਬਾਹਰ ਰਹਿੰਦਾ ਹੈ। 11 ਅਪ੍ਰੈਲ ਨੂੰ ਦੇਰ ਰਾਤ ਜਦ ਉਹ ਘਰ ਵਿਚ ਮੌਜੂਦ ਸੀ ਤਾਂ ਉਸਦੀ 15 ਸਾਲ ਦੀ ਧੀ ਅਤੇ 17 ਸਾਲ ਦੀ ਭੈਣ ਫੋਨ 'ਤੇ ਕਿਸੇ ਨਾਲ ਚੈਟ ਕਰ ਰਹੀਆਂ ਸਨ।
ਉਸ ਨੇ ਦੋਹਾਂ ਨੂੰ ਇਸ ਕੰਮ ਤੋਂ ਰੋਕਿਆ ਅਤੇ ਉਨ੍ਹਾਂ ਦਾ ਫੋਨ ਆਪਣੇ ਕੋਲ ਰੱਖ ਲਿਆ। ਉਸ ਨੇ ਦੱਸਿਆ ਕਿ ਅਗਲੇ ਦਿਨ ਤੜਕੇ ਜਦੋਂ ਉਹ ਉੱਠਿਆ ਤਾਂ ਦੋਵੇਂ ਘਰ ਵਿਚ ਮੌਜੂਦ ਨਹੀਂ ਸਨ। ਉਸ ਨੇ ਸ਼ੱਕ ਜਤਾਇਆ ਕਿ ਕੁੜੀਆਂ ਨਾਲ ਚੈਟ ਕਰਨ ਵਾਲੇ ਗੋਲਡੀ ਅਤੇ ਮੋਹਿਤ ਸੋਨੀ ਵਾਸੀ ਗਵਾਲ ਟੋਲੀ ਉਨ੍ਹਾਂ ਨੂੰ ਵਰਗਲਾ ਕੇ ਅਗਵਾ ਕਰਕੇ ਲੈ ਗਏ ਹਨ। ਥਾਣਾ ਸਿਟੀ ਦੇ ਏ. ਐੱਸ. ਆਈ. ਗਹਿਣਾ ਰਾਮ ਦੇ ਅਨੁਸਾਰ ਦੋਹਾਂ ਦੇ ਖ਼ਿਲਾਫ਼ ਪਰਚਾ ਦਰਜ ਕਰਨ ਉਪਰੰਤ ਉਨ੍ਹਾਂ ਦੀ ਅਤੇ ਲਾਪਤਾ ਕੁੜੀਆਂ ਦੀ ਭਾਲ ਕੀਤੀ ਜਾ ਰਹੀ ਹੈ।
16 ਅਪ੍ਰੈਲ ਨੂੰ ਹੋਵੇਗੀ ਸ਼੍ਰੋਮਣੀ ਕਮੇਟੀ ਦੀ ਅੰਤ੍ਰਿੰਗ ਕਮੇਟੀ ਦੀ ਇਕੱਤਰਤਾ
NEXT STORY 
