ਲੁਧਿਆਣਾ : ਖੇਡਦੇ ਸਮੇਂ 2 ਸਾਲਾਂ ਦੀ ਮਾਸੂਮ ਪੋਤੀ ਦਾ ਹੱਥ ਰਿੱਝਦੇ ਹੋਏ ਤੇਲ 'ਚ ਪਾਉਣ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤੀ ਗਈ ਉਸ ਦੀ ਦਾਦੀ ਨੂੰ 14 ਦਿਨ ਦੀ ਨਿਆਇਕ ਹਿਰਾਸਤ 'ਚ ਜੇਲ ਭੇਜ ਦਿੱਤਾ ਗਿਆ ਹੈ। ਦਰਸ਼ਨਾ ਨੂੰ ਬੀਤੇ ਦਿਨੀਂ ਜੋਧੇਵਾਲ ਪੁਲਸ ਨੇ ਘਰੋਂ ਹਿਰਾਸਤ 'ਚ ਲਿਆ ਸੀ। ਉਸ ਖਿਲਾਫ ਉਸ ਦੀ ਨੂੰਹ ਸੰਗੀਤਾ ਦੀ ਸ਼ਿਕਾਇਤ 'ਤੇ ਅਪਰਾਧਿਕ ਮਾਮਲਾ ਦਰਜ ਕੀਤਾ ਗਿਆ ਸੀ। ਦੂਜੇ ਪਾਸੇ ਦਰਸ਼ਨਾ ਦੇ ਨੇੜੇ ਦੇ ਰਿਸ਼ਤੇਦਾਰਾਂ ਦਾ ਕਹਿਣਾ ਹੈ ਕਿ ਉਸ ਨੂੰ ਕੇਸ 'ਚ ਫਸਾਇਆ ਗਿਆ ਹੈ। ਅਸਲ 'ਚ ਮਾਮਲਾ ਪ੍ਰਾਪਰਟੀ ਵਿਵਾਦ ਦਾ ਹੈ, ਜਦੋਂ ਕਿ ਮੁਲਜ਼ਮ ਮਹਿਲਾ ਦੇ ਬੇਟੇ ਦੀਪਕ ਦਾ ਕਹਿਣਾ ਹੈ ਕਿ ਕੁਝ ਲੋਕ ਉਸ ਦੀ ਪ੍ਰਾਪਰਟੀ ਹੜੱਪਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਹੱਥਕੰਡੇ ਵਰਤ ਰਹੇ ਹਨ।
ਜਾਣੋ ਕੀ ਹੈ ਪੂਰਾ ਮਾਮਲਾ
ਇਹ ਘਟਨਾ ਬੁੱਧਵਾਰ ਸ਼ਾਮ ਕਰੀਬ 7.30 ਵਜੇ ਦੀ ਹੈ। ਦੋਸ਼ ਹੈ ਕਿ ਮੁਲਜ਼ਮ ਮਹਿਲਾ ਦਰਸ਼ਨਾ ਨੇ ਪਹਿਲਾਂ ਆਪਣੀ ਨੂੰਹ ਸੰਗੀਤਾ ਨੂੰ ਬੁਰੀ ਤਰ੍ਹਾਂ ਕੁੱਟਿਆ। ਉਸ ਸਮੇਂ ਘਰ 'ਚ ਮਾਂ-ਬੇਟੀ ਅਤੇ ਸੱਸ ਤੋਂ ਇਲਾਵਾ ਕੋਈ ਨਹੀਂ ਸੀ। ਸੰਗੀਤਾ ਦਾ ਬੇਟਾ ਪਿਯੂਸ਼ ਖੇਡਣ ਲਈ ਬਾਹਰ ਗਿਆ ਹੋਇਆ ਸੀ ਅਤੇ ਉਸ ਦਾ ਪਤੀ ਦੀਪਕ ਸ਼ਾਮ 4 ਵਜੇ ਡਿਊਟੀ 'ਤੇ ਜਾ ਚੁੱਕਾ ਸੀ। ਇਸੇ ਦੌਰਾਨ ਦਰਸ਼ਨਾ ਪੋਤੀ ਨੂੰ ਚੁੱਕ ਕੇ ਰਸੋਈ 'ਚ ਲੈ ਗਈ, ਜਿੱਥੇ ਗੈਸ 'ਤੇ ਕੜਾਹੀ ਰੱਖੀ ਹੋਈ ਸੀ, ਜਿਸ ਵਿਚ ਸਰੋਂ੍ਹ ਦਾ ਤੇਲ ਰਿੱਝ ਰਿਹਾ ਸੀ।
ਦਰਸ਼ਨਾ ਨੇ ਪੋਤੀ ਦਾ ਹੱਥ ਫੜ੍ਹ ਕੇ ਉਸ ਤੇਲ 'ਚ ਪਾ ਦਿੱਤਾ। ਰੇਜਲ ਦਰਦ ਨਾਲ ਚੀਕਣ ਲੱਗੀ। ਸੰਗੀਤਾ ਨੇ ਦੱਸਿਆ ਕਿ ਉਸ ਨੇ ਹਿੰਮਤ ਕਰਦੇ ਹੋਏ ਕਿਸੇ ਤਰ੍ਹਾਂ ਸੱਸ ਦੀ ਚੁੰਗਲ 'ਚੋਂ ਆਪਣੀ ਬੇਟੀ ਨੂੰ ਬਚਾਇਆ ਤੇ ਘਰੋਂ ਬਾਹਰ ਭੱਜ ਗਈ। ਇਸ ਤੋਂ ਬਾਅਦ ਉਸ ਨੇ ਦੀਪਕ ਨੂੰ ਫੋਨ ਕਰ ਕੇ ਘਟਨਾ ਦੀ ਜਾਣਕਾਰੀ ਦਿੱਤੀ ਤਾਂ ਉਸ ਦੇ ਤਾਏ ਦਾ ਲੜਕਾ ਉਸ ਕੋਲ ਆਇਆ ਅਤੇ ਉਸ ਨੇ ਉਨ੍ਹਾਂ ਨੂੰ ਹਸਪਤਾਲ ਪਹੁੰਚਾਇਆ।
ਇਹ ਵੀ ਪੜ੍ਹੋ : ਦਾਦੀ ਦੀ ਹੈਵਾਨੀਅਤ : ਪੋਤੇ ਦੀ ਚਾਹਤ 'ਚ ਮਾਸੂਮ ਪੋਤੀ ਦਾ ਹੱਥ ਉੱਬਲਦੇ ਤੇਲ 'ਚ ਪਾਇਆ
ਉਦਯਾਨ ਆਭਾ ਤੂਫਾਨ ਐਕਸਪ੍ਰੈੱਸ ਟਰੇਨ 4 ਅਪ੍ਰੈਲ ਤੱਕ ਰੱਦ
NEXT STORY 
