ਜਲੰਧਰ (ਜ. ਬ.) : ਅਰਬਨ ਅਸਟੇਟ ਫੇਜ਼-2 'ਚ ਸਪਾਰਕਲ ਸਪਾ ਸੈਂਟਰ ਵਿੱਚ ਸੀ. ਆਈ. ਏ. ਸਟਾਫ ਦੀ ਟੀਮ ਨੇ ਛਾਪੇਮਾਰੀ ਕੀਤੀ। ਸਪਾ ਸੈਂਟਰ ਦੇ ਅੰਦਰ ਗਾਹਕ ਤੇ ਇਕ ਲੜਕੀ ਇਤਰਾਜ਼ਯੋਗ ਹਾਲਤ ਵਿੱਚ ਮਿਲੇ। ਪੁਲਸ ਨੇ ਸਪਾ ਸੈਂਟਰ ਦੀ ਕਥਿਤ ਮਾਲਕਣ, ਮੈਨੇਜਰ ਤੇ ਇਕ ਗਾਹਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਸਪਾ ਸੈਂਟਰ 'ਚ 2 ਲੜਕੀਆਂ ਕੰਮ ਕਰਦੀਆਂ ਸਨ। ਸਪਾ ਸੈਂਟਰ ਦੀ ਆੜ 'ਚ ਕਾਫੀ ਲੰਮੇ ਸਮੇਂ ਤੋਂ ਗਲਤ ਕੰਮ ਕਰਵਾਇਆ ਜਾਂਦਾ ਸੀ। ਸੈਂਟਰ ਦਾ ਮੁੱਖ ਸੰਚਾਲਕ ਭਾਜਪਾ ਆਗੂ ਦਾ ਨਜ਼ਦੀਕੀ ਦੱਸਿਆ ਜਾ ਰਿਹਾ ਹੈ, ਜਿਹੜਾ ਲੰਮੇ ਸਮੇਂ ਤੋਂ ਸਪਾ ਸੈਂਟਰ ਦੀ ਆੜ 'ਚ ਜਿਸਮਫਰੋਸ਼ੀ ਦਾ ਧੰਦਾ ਕਰਵਾ ਰਿਹਾ ਹੈ।
ਪੁਲਸ ਕਮਿਸ਼ਨਰ ਗੁਰਸ਼ਰਨ ਸਿੰਘ ਸੰਧੂ ਨੂੰ ਸ਼ਹਿਰ 'ਚ ਚੱਲ ਰਹੇ ਸਪਾ ਸੈਂਟਰਾਂ ਦੀ ਆੜ ਵਿੱਚ ਜਿਸਮਫਰੋਸ਼ੀ ਦਾ ਧੰਦਾ ਚੱਲਣ ਦੀਆਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ। ਅਜਿਹੇ 'ਚ ਸੀ. ਪੀ. ਸੰਧੂ ਨੇ ਸੀ. ਆਈ. ਏ. ਸਟਾਫ-1 ਦੇ ਇੰਚਾਰਜ ਸੁਖਜੀਤ ਸਿੰਘ ਦੀ ਅਗਵਾਈ ਵਿੱਚ ਟੀਮ ਦਾ ਗਠਨ ਕੀਤਾ, ਜਿਸ ਨੇ ਟ੍ਰੈਪ ਲਾਉਣ ਤੋਂ ਬਾਅਦ ਅਰਬਨ ਅਸਟੇਟ ਸਥਿਤ ਸਪਾਰਕਲ ਸਪਾ ਸੈਂਟਰ 'ਤੇ ਛਾਪੇਮਾਰੀ ਕੀਤੀ ਤਾਂ ਕੈਬਿਨ 'ਚੋਂ ਇਤਰਾਜ਼ਯੋਗ ਹਾਲਤ ਵਿੱਚ ਲੜਕਾ-ਲੜਕੀ ਮਿਲੇ। ਪੁਲਸ ਨੇ ਗਾਹਕ ਹਰਨੇਕ ਸਿੰਘ ਸਮੇਤ ਸੈਂਟਰ ਦੀ ਕਥਿਤ ਮਾਲਕਣ ਪੂਜਾ ਤੇ ਮੈਨੇਜਰ ਰਾਹੁਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਖ਼ਬਰ ਇਹ ਵੀ : ਪੁਲਸ ਮੁਲਾਜ਼ਮਾਂ ’ਤੇ ਫਾਇਰਿੰਗ, ਉਥੇ ਮੂਸੇਵਾਲਾ ਕਤਲ ਮਾਮਲੇ ’ਚ ਗਾਇਕ ਮਨਕੀਰਤ ਨੂੰ ਮਿਲੀ ਕਲੀਨ ਚਿੱਟ, ਪੜ੍ਹੋ TOP 10
ਸਪਾ ਸੈਂਟਰ ਦੇ ਅੰਦਰ 2 ਲੜਕੀਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ 2 ਲੜਕੀਆਂ ਨੇ ਅੱਜ ਛੁੱਟੀ ਕੀਤੀ ਹੋਈ ਸੀ, ਜਿਸ ਕਾਰਨ ਉਹ ਨਹੀਂ ਮਿਲੀਆਂ। ਸੈਂਟਰ ਨੂੰ ਭਾਜਪਾ ਆਗੂ ਦਾ ਨਜ਼ਦੀਕੀ ਚਲਾ ਰਿਹਾ ਸੀ, ਹਾਲਾਂਕਿ ਉਹ ਬੈਕਫੁੱਟ ’ਤੇ ਹੀ ਕੰਮ ਕਰ ਰਿਹਾ ਹੈ ਪਰ ਉਸ ਨੇ ਪਹਿਲਾਂ ਵਾਲੇ ਸਪਾ ਸੈਂਟਰ 'ਚ ਭਾਜਪਾ ਆਗੂ ਨਾਲ ਖਿੱਚੀਆਂ ਤਸਵੀਰਾਂ ਵੀ ਲਾਈਆਂ ਹੋਈਆਂ ਸਨ ਤਾਂ ਕਿ ਜੇਕਰ ਪੁਲਸ ਦੀ ਛਾਪੇਮਾਰੀ ਹੋਵੇ ਤਾਂ ਦਬਾਅ ਅਧੀਨ ਪੁਲਸ ਕਾਰਵਾਈ ਨਾ ਕਰੇ। ਸੀ. ਆਈ. ਏ. ਸਟਾਫ ਦੀ ਟੀਮ ਨੇ ਗ੍ਰਿਫ਼ਤਾਰ ਮੁਲਜ਼ਮਾਂ ਨੂੰ ਥਾਣਾ ਨੰਬਰ 7 ਦੀ ਪੁਲਸ ਦੇ ਹਵਾਲੇ ਕਰ ਦਿੱਤਾ। ਥਾਣਾ-7 ਦੇ ਐਡੀਸ਼ਨਲ ਇੰਚਾਰਜ ਸੰਦੀਪ ਕੌਰ ਨੇ ਕਿਹਾ ਕਿ ਕੰਮ ਕਰਨ ਵਾਲੀਆਂ ਲੜਕੀਆਂ ਨੂੰ ਛੱਡ ਕੇ ਬਾਕੀ 3 ਮੁਲਜ਼ਮਾਂ ਖ਼ਿਲਾਫ਼ ਗੈਰ-ਜ਼ਮਾਨਤੀ ਧਾਰਾਵਾਂ ਅਧੀਨ ਕੇਸ ਦਰਜ ਕਰ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਪੂਜਾ ਕੋਲੋਂ ਪੁੱਛਗਿੱਛ ਕਰਕੇ ਪਤਾ ਲੱਗੇਗਾ ਕਿ ਸਪਾਰਕਲ ਸਪਾ ਸੈਂਟਰ ਦਾ ਅਸਲੀ ਮਾਲਕ ਕੌਣ ਹੈ। ਦੇਰ ਰਾਤ ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਸੀ।
ਇਹ ਵੀ ਪੜ੍ਹੋ : AAP ਦਾ ਪਹਿਲਾ ਬਜਟ: ਆਬਕਾਰੀ ਨੀਤੀ ਤੇ ਲੋਕ ਲੁਭਾਊ ਗਾਰੰਟੀਆਂ ਲਾਗੂ ਕਰਨਾ ਸਰਕਾਰ ਲਈ ਚੁਣੌਤੀ
ਅੰਮ੍ਰਿਤਸਰ ਦੀ ਚੇਨ ਨੇ ਸਭ ਤੋਂ ਪਹਿਲਾਂ ਸ਼ਹਿਰ 'ਚ ਖੋਲ੍ਹੇ ਸਨ ਸਪਾ ਸੈਂਟਰ
ਜ਼ਿਕਰਯੋਗ ਹੈ ਕਿ ਅੰਮ੍ਰਿਤਸਰ ’ਚ ਸਪਾ ਸੈਂਟਰ ਦਾ ਕੰਮ ਕਰਨ ਵਾਲੇ 4 ਲੋਕਾਂ ਨੇ ਆਪਣੀ ਚੇਨ ਬਣਾਉਂਦਿਆਂ ਜਲੰਧਰ ਵਿੱਚ ਸਪਾ ਸੈਂਟਰ ਦਾ ਕੰਮ ਸ਼ੁਰੂ ਕੀਤਾ ਸੀ। ਇਸ ਤੋਂ ਪਹਿਲਾਂ ਰਾਮਾ ਮੰਡੀ ਇਲਾਕੇ 'ਚ ਇਕ ਸਪਾ ਸੈਂਟਰ ਹੁੰਦਾ ਸੀ। ਇਨ੍ਹਾਂ ਨੇ ਸ਼ਹਿਰ ਦੇ ਹਾਈਵੇ ਨਾਲ ਲੱਗਦੀ ਇਮਾਰਤ ’ਚ ਕੰਮ ਸ਼ੁਰੂ ਕੀਤਾ ਤੇ ਫਿਰ ਹੌਲੀ-ਹੌਲੀ ਮਾਡਲ ਟਾਊਨ ਆਏ ਤੇ ਬਾਅਦ ਵਿੱਚ ਪੀ. ਪੀ. ਆਰ. ਸਮੇਤ ਪਾਸ਼ ਇਲਾਕਿਆਂ 'ਚ ਆਪਣੇ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ। ਮਾਡਲ ਟਾਊਨ, ਅਰਬਨ ਅਸਟੇਟ-1 ਤੇ 2 ਸਮੇਤ ਗੜ੍ਹਾ ਰੋਡ ’ਤੇ ਸਥਿਤ ਤਾਜ ਰੈਸਟੋਰੈਂਟ ਦੇ ਸਾਹਮਣੇ ਸਥਿਤ ਮਾਰਕੀਟ 'ਚ ਸ਼ਰੇਆਮ ਸਪਾ ਸੈਂਟਰਾਂ ਦੀ ਆੜ ਵਿੱਚ ਜਿਸਮਫਰੋਸ਼ੀ ਦਾ ਧੰਦਾ ਚਲਾਇਆ ਜਾ ਰਿਹਾ ਹੈ। ਕੁਝ ਪੁਲਸ ਕਰਮਚਾਰੀਆਂ ਨਾਲ ਸੈਟਿੰਗ ਕਰਕੇ ਸ਼ਹਿਰ ਭਰ 'ਚ 15 ਤੋਂ 20 ਸਪਾ ਸੈਂਟਰ ਹੋਰ ਚੱਲ ਰਹੇ ਹਨ।
ਇਹ ਵੀ ਪੜ੍ਹੋ : ਕਿਸਾਨ ਮੋਰਚਾ ਖ਼ਤਮ ਕਰਵਾਉਣ ਲਈ ਕੇਂਦਰ ਸਰਕਾਰ ਨਾਲ ਹੋਈ 3000 ਕਰੋੜ ਦੀ ਡੀਲ : ਡੱਲੇਵਾਲਾ
‘ਜਗ ਬਾਣੀ’ ਪਹਿਲਾਂ ਵੀ ਉਠਾ ਚੁੱਕੀ ਹੈ ਸਪਾ ਸੈਂਟਰਾਂ ਦਾ ਮੁੱਦਾ
‘ਜਗ ਬਾਣੀ’ ਨੇ ਸ਼ਹਿਰ 'ਚ ਧੜੱਲੇ ਨਾਲ ਚੱਲ ਰਹੇ ਸਪਾ ਸੈਂਟਰਾਂ ਦਾ ਮੁੱਦਾ ਉਠਾਇਆ ਸੀ। ਸਪਾ ਸੈਂਟਰਾਂ ਵਿੱਚ ਚੱਲ ਰਹੇ ਗੰਦੇ ਕੰਮ ਸਬੰਧੀ ਪ੍ਰਮੁੱਖਤਾ ਨਾਲ ਖ਼ਬਰਾਂ ਛਾਪੀਆਂ ਗਈਆਂ ਸਨ, ਹਾਲਾਂਕਿ ਕੁਝ ਸਮਾਂ ਸਪਾ ਸੈਂਟਰ ਬੰਦ ਵੀ ਰਹੇ ਪਰ ਕੁਝ ਸਮੇਂ ਤੋਂ ਹੁਣ ਸ਼ਹਿਰ ਵਿੱਚ ਦੁਬਾਰਾ ਸਪਾ ਸੈਂਟਰਾਂ ਦੀ ਆੜ 'ਚ ਜਿਸਮਫਰੋਸ਼ੀ ਦਾ ਧੰਦਾ ਚੱਲ ਰਿਹਾ ਹੈ। ਕਈ ਸਪਾ ਸੈਂਟਰ ਤਾਂ ਅਜਿਹੇ ਹਨ, ਜਿਨ੍ਹਾਂ 'ਚ ਵਿਦੇਸ਼ੀ ਲੜਕੀਆਂ ਰੱਖੀਆਂ ਹੋਈਆਂ ਹਨ ਅਤੇ ਰਾਤ ਸਮੇਂ ਵੀ ਉਨ੍ਹਾਂ ਨੂੰ ਹੋਟਲਾਂ ਵਿੱਚ ਭੇਜਿਆ ਜਾਂਦਾ ਹੈ। ਅਜਿਹੇ ਸਪਾ ਸੈਂਟਰਾਂ 'ਚ ਕੰਮ ਕਰਨ ਵਾਲੀਆਂ ਲੜਕੀਆਂ ਜ਼ਿਆਦਾਤਰ ਹੋਰਨਾਂ ਸ਼ਹਿਰਾਂ ਤੋਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਰਹਿਣ ਲਈ ਪੀ.ਜੀ. ਵੀ ਦਿਵਾ ਦਿੱਤੇ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਅਕਾਲੀ ਦਲ ਨੇ ਮੁੱਖ ਮੰਤਰੀ ਕੋਲੋਂ ਰਾਜਾ ਵੜਿੰਗ ਵੱਲੋਂ ਕੀਤੇ 60 ਕਰੋੜ ਦੇ ਘੋਟਾਲੇ ਦੀ ਜਾਂਚ CBI ਨੂੰ ਸੌਂਪਣ ਦੀ ਕੀਤੀ ਮੰਗ
ਸੀ.ਪੀ. ਦੇ ਧਿਆਨ ’ਚ ਮਾਮਲਾ ਆਇਆ ਤਾਂ ਤੁਰੰਤ ਲਿਆ ਐਕਸ਼ਨ
ਸੀ.ਪੀ. ਗੁਰਸ਼ਰਨ ਸਿੰਘ ਸੰਧੂ ਕੋਲ ਸਪਾ ਸੈਂਟਰਾਂ ਨੂੰ ਲੈ ਕੇ ਸ਼ਿਕਾਇਤਾਂ ਆਈਆਂ ਸਨ। ਅਜਿਹੇ 'ਚ ਸੀ.ਪੀ. ਨੇ ਤੁਰੰਤ ਐਕਸ਼ਨ ਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਸੀ.ਪੀ. ਜਲਦ ਸ਼ਹਿਰ ਵਿੱਚ ਖੁੱਲ੍ਹੇ ਸਪਾ ਸੈਂਟਰਾਂ ’ਤੇ ਵੀ ਜਲਦ ਕਾਰਵਾਈ ਕਰਕੇ ਇਸ ਗੰਦੇ ਧੰਦੇ ਨੂੰ ਬੰਦ ਕਰਵਾ ਸਕਦੇ ਹਨ। ਉਨ੍ਹਾਂ ਦੀ ਨਜ਼ਰ ’ਚ ਹੋਰ ਸਪਾ ਸੈਂਟਰ ਵੀ ਹਨ, ਜਿਨ੍ਹਾਂ 'ਚ ਗਲਤ ਕੰਮ ਹੁੰਦਾ ਹੈ ਅਤੇ ਉਨ੍ਹਾਂ ’ਤੇ ਵੀ ਜਲਦ ਛਾਪੇਮਾਰੀ ਹੋ ਸਕਦੀ ਹੈ। ਸੀ.ਪੀ. ਸੰਧੂ ਵੱਲੋਂ ਕੀਤੀ ਇਸ ਕਾਰਵਾਈ ਨੇ ਉਨ੍ਹਾਂ ਨੂੰ ਸ਼ਹਿਰ ਵਿੱਚ ਵਾਹ-ਵਾਹ ਦਿਵਾਈ ਹੈ ਕਿਉਂਕਿ ਉਹ ਇਕਲੌਤੇ ਸੀ.ਪੀ. ਹਨ, ਜਿਨ੍ਹਾਂ ਆਉਂਦੇ ਹੀ ਇਸ ਗੰਦੇ ਧੰਦੇ ਨੂੰ ਬੰਦ ਕਰਵਾਉਣ ਲਈ ਕਦਮ ਚੁੱਕਿਆ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ
ਕਿਸਾਨ ਮੋਰਚਾ ਖ਼ਤਮ ਕਰਵਾਉਣ ਲਈ ਕੇਂਦਰ ਸਰਕਾਰ ਨਾਲ ਹੋਈ 3000 ਕਰੋੜ ਦੀ ਡੀਲ : ਡੱਲੇਵਾਲਾ
NEXT STORY 
