ਜਲੰਧਰ (ਚੋਪੜਾ)– ਡਿਪਟੀ ਕਮਿਸ਼ਨਰ ਦਫਤਰ ਦੀ ਐੱਚ.ਆਰ.ਸੀ. ਬ੍ਰਾਂਚ ਵਿਚ ਉਸ ਸਮੇਂ ਹੰਗਾਮਾ ਹੋ ਗਿਆ, ਜਦੋਂ ਖੁਦ ਨੂੰ ਲੋਹੀਆਂ ਖਾਸ ਦੀ ਮੌਜੂਦਾ ਕੌਂਸਲਰ ਦਾ ਪਤੀ ਅਮਨਦੀਪ ਸਿੰਘ ਨਾਂ ਦਾ ਇਕ ਵਿਅਕਤੀ ਪ੍ਰਸ਼ਾਸਕੀ ਕੰਪਲੈਕਸ ਦੀ ਦੂਜੀ ਮੰਜ਼ਿਲ ’ਤੇ ਸਥਿਤ ਕਮਰਾ ਨੰਬਰ 207 ਵਿਚੋਂ ਸਰਕਾਰੀ ਰਿਕਾਰਡ ਰਜਿਸਟਰ ਵਿਚੋਂ ਦਸਤਾਵੇਜ਼ ਪਾੜ ਕੇ ਫ਼ਰਾਰ ਹੋ ਗਿਆ।
ਪਰ ਇਸ ਦੌਰਾਨ ਉਕਤ ਵਿਅਕਤੀ ਨਾਲ ਆਇਆ ਉਸ ਦਾ ਲਗਭਗ 20 ਸਾਲ ਦਾ ਬੇਟਾ ਹਰਮਨਦੀਪ ਸਿੰਘ ਰਿਕਾਰਡ ਰੂਮ ਵਿਚ ਹੀ ਰਹਿ ਗਿਆ, ਜਿਸ ਨੂੰ ਮੌਕੇ ’ਤੇ ਇਕੱਠੇ ਹੋਏ ਡੀ.ਸੀ. ਆਫਿਸ ਦੇ ਕਰਮਚਾਰੀਆਂ ਨੇ ਉਥੇ ਹੀ ਰੋਕ ਲਿਆ, ਜਿਸ ਕਾਰਨ ਕਾਫੀ ਦੇਰ ਬਾਅਦ ਦੋਸ਼ੀ ਅਮਨਦੀਪ ਸਿੰਘ ਆਪਣੇ ਪੁੱਤ ਨੂੰ ਲੈਣ ਮੁੜਨਾ ਪਿਆ। ਵਾਪਸ ਆ ਕੇ ਉਸ ਨੇ ਰਿਕਾਰਡ ਰਜਿਸਟਰ ਵਿਚੋਂ ਪਾੜੇ ਗਏ ਦਸਤਾਵੇਜ਼ ਦਾ ਕੁਝ ਹਿੱਸਾ ਹੀ ਵਾਪਸ ਕੀਤਾ, ਜਿਸ ਤੋਂ ਬਾਅਦ ਸਬੰਧਤ ਵਿਭਾਗ ਦੇ ਕਰਮਚਾਰੀਆਂ ਨੇ ਥਾਣਾ ਬਾਰਾਦਰੀ ਦੀ ਪੁਲਸ ਨੂੰ ਬੁਲਾ ਕੇ ਸਰਕਾਰੀ ਰਿਕਾਰਡ ਪਾੜਨ/ਛੇੜਛਾੜ ਕਰਨ ਦੀ ਸ਼ਿਕਾਇਤ ਦੇ ਕੇ ਮੁਲਜ਼ਮਾਂ ਨੂੰ ਪੁਲਸ ਦੇ ਹਵਾਲੇ ਕਰ ਦਿੱਤਾ।
ਇਹ ਵੀ ਪੜ੍ਹੋ- ਬਾਬਾ ਸਿੱਦਕੀ ਕਤ.ਲ ਕਾਂ.ਡ ਦਾ ਪੰਜਾਬ ਕੁਨੈਕਸ਼ਨ ਆਇਆ ਸਾਹਮਣੇ, ਪੁਲਸ ਨੇ ਸਹੁਰੇ ਘਰੋਂ ਚੁੱਕ ਲਿਆ 'ਸੁਜੀਤ'
ਇਸ ਸਬੰਧ ਵਿਚ ਐੱਚ.ਆਰ.ਸੀ. ਅਤੇ ਸੀਨੀਅਰ ਸਹਾਇਕ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਦੁਪਹਿਰ ਲੱਗਭਗ 1 ਵਜੇ ਖੁਦ ਨੂੰ ਕੌਂਸਲਰ ਪਤੀ ਕਹਿਣ ਵਾਲਾ ਲੋਹੀਆਂ ਨਿਵਾਸੀ ਅਮਨਦੀਪ ਸਿੰਘ ਆਪਣੇ ਬੇਟੇ ਹਰਮਨਦੀਪ ਸਿੰਘ ਨਾਲ ਜ਼ਿਲ੍ਹਾ ਪ੍ਰਸ਼ਾਸਕੀ ਕੰਪਲੈਕਸ ਦੇ ਕਮਰਾ ਨੰਬਰ 207 ਦੂਜੀ ਮੰਜ਼ਿਲ ’ਤੇ ਆਇਆ ਅਤੇ ਸਾਲ 1977 ਵਿਚ ਹੋਈ ਇਕ ਰਜਿਸਟਰੀ ਨੰਬਰ 963 ਦੀ ਨਕਲ ਮੰਗਣ ਲੱਗਾ। ਪਰ ਜਦੋਂ ਉਸ ਨੂੰ ਨਕਲ ਵਾਸਤੇ ਸੇਵਾ ਕੇਂਦਰ ਵਿਚ ਅਪਲਾਈ ਕਰਨ ਲਈ ਕਿਹਾ ਗਿਆ ਤਾਂ ਉਸ ਨੇ ਖੁਦ ਨੂੰ ਕੌਂਸਲਰ ਪਤੀ ਕਹਿੰਦੇ ਹੋਏ ਬੈਂਕ ਲੋਨ ਅਪਲਾਈ ਕਰਨ ਤੋਂ ਪਹਿਲਾਂ ਇਕ ਵਾਰ ਅਧਿਕਾਰਕ ਰਿਕਾਰਡ ਦਿਖਾਉਣ ਦੀ ਬੇਨਤੀ ਕੀਤੀ।
ਇਹ ਵੀ ਪੜ੍ਹੋ- 'ਕਾਲ਼' ਬਣ ਕੇ ਆਈ ਮਾਰੂਤੀ ਨੇ ਕਈ ਲੋਕਾਂ ਨੂੰ ਕੁਚਲਿਆ, ASI ਸਣੇ 3 ਦੀ ਹੋਈ ਮੌ.ਤ
ਜਦੋਂ ਉਸ ਨੂੰ ਰਿਕਾਰਡ ਰਜਿਸਟਰ ਦਿਖਾਇਆ ਗਿਆ ਤਾਂ ਅਮਨਦੀਪ ਸਿੰਘ ਨੇ ਰਿਕਾਰਡ ਰਜਿਸਟਰ ਦਾ ਇਕ ਪੰਨਾ ਪਾੜ ਲਿਆ ਤੇ ਰਿਕਾਰਡ ਰੂਮ ਵਿਚ ਤਾਇਨਾਤ ਪੀ.ਐੱਲ.ਆਰ.ਐੱਸ. ਸੋਸਾਇਟੀ ਕਰਮਚਾਰੀ ਕਾਬਲ ਸਿੰਘ ਉਰਫ ਪੱਪੂ ਨਾਲ ਝਪਟਮਾਰੀ ਤੇ ਕੁੱਟਮਾਰ ਕਰ ਕੇ ਭੱਜ ਗਏ। ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਘਟਨਾ ਸਬੰਧੀ ਸੂਚਨਾ ਮਿਲਦੇ ਹੀ ਉਹ ਅਤੇ ਹੋਰ ਕਰਮਚਾਰੀ ਤੁਰੰਤ ਮੌਕੇ ’ਤੇ ਪਹੁੰਚ ਗਏ।
ਉਨ੍ਹਾਂ ਦੱਸਿਆ ਕਿ ਜਦੋਂ ਮੁਲਜ਼ਮ ਉਸ ਦੇ ਬੇਟੇ ਜ਼ਰੀਏ ਸੰਪਰਕ ਕਰ ਕੇ ਵਾਪਸ ਬੁਲਾਇਆ ਗਿਆ ਤਾਂ ਅਮਨਦੀਪ ਸਿੰਘ ਨੇ ਦਸਤਾਵੇਜ਼ ਦਾ ਮੂਲ ਹੇਠਲਾ ਅੱਧਾ ਹਿੱਸਾ ਵਾਪਸ ਕਰ ਦਿੱਤਾ ਅਤੇ ਉਪਰਲਾ ਅੱਧਾ ਹਿੱਸਾ ਵਾਪਸ ਨਹੀਂ ਕੀਤਾ। ਉੱਚ ਅਧਿਕਾਰੀਆਂ ਦੇ ਧਿਆਨ ਵਿਚ ਸਾਰਾ ਮਾਮਲਾ ਲਿਆਉਣ ਤੋਂ ਬਾਅਦ ਮੁਲਜ਼ਮਾਂ ਨੂੰ ਬਣਦੀ ਕਾਰਵਾਈ ਸਬੰਧੀ ਪੁਲਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਨਾਬਾਲਿਗਾ ਨਾਲ ਅਸ਼ਲੀਲ ਹਰਕਤਾਂ ਕਰਨ ਦੇ ਮਾਮਲੇ ’ਚ ਹਕੀਮ ਨਾਮਜ਼ਦ
NEXT STORY 
