ਲੋਹੀਆਂ ਖਾਸ, (ਮਨਜੀਤ)— ਨਵਾਂ ਪਿੰਡ ਦੋਨੇਵਾਲ ਵਿਖੇ ਟਰਾਲੀ 'ਤੇ ਝੂਟੇ ਲੈਣ ਦੀ ਚਾਹਤ 'ਚ ਸੜਕ 'ਤੇ ਖੇਡਦਾ ਇਕ 6 ਕੁ ਸਾਲ ਦਾ ਬੱਚਾ ਆਪਣੀ ਜਾਨ ਗੁਆ ਬੈਠਾ।
ਜਾਣਕਾਰੀ ਅਨੁਸਾਰ ਸੀ. ਸੀ. ਟੀ. ਵੀ. ਕੈਮਰੇ 'ਚ ਕੈਦ ਹੋਏ ਦ੍ਰਿਸ਼ ਤੋਂ ਪਤਾ ਲੱਗਾ ਕਿ ਸ਼ਾਮ 6 ਕੁ ਵਜੇ ਦੇ ਕਰੀਬ 6 ਸਾਲਾ ਵੰਸ਼ਪ੍ਰੀਤ ਪੁੱਤਰ ਵਿੰਦਰ ਸੜਕ ਕਿਨਾਰੇ ਖੜ੍ਹੀ ਇਕ ਟਰਾਲੀ ਪਿੱਛੇ ਝੂਟੇ ਲੈਣ ਵਾਸਤੇ ਦੌੜਿਆ ਪਰ ਟਰਾਲੀ-ਟਰੈਕਟਰ ਤੇਜ਼ ਹੋਣ ਕਰ ਕੇ ਉਸ 'ਤੇ ਨਹੀਂ ਚੜ੍ਹ ਸਕਿਆ ਤੇ ਇਸ ਦੌਰਾਨ ਸਾਹਮਣੇ ਤੋਂ ਆ ਰਹੀ ਇਕ ਸਕੂਲ ਬੱਸ ਹੇਠਾਂ ਆ ਗਿਆ, ਜਿਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਮੌਕੇ 'ਤੇ ਪਹੁੰਚੇ ਥਾਣਾ ਮੁਖੀ ਬਲਬੀਰ ਸਿੰਘ ਨੇ ਦੱਸਿਆ ਕਿ ਬੱਚੇ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਨਕੋਦਰ ਭੇਜ ਦਿੱਤਾ ਗਿਆ ਹੈ। ਪੁਲਸ ਤਫਤੀਸ਼ ਕਰ ਰਹੀ ਹੈ, ਜਿਸ ਉਪਰੰਤ ਬਣਦੀ ਕਾਨੂੰਨੀ ਕਾਰਵਾਈ ਅਮਲ 'ਚ ਲਿਆਂਦੀ ਜਾਵੇਗੀ।
ਕੈਪਟਨ ਅਮਰਿੰਦਰ ਸਿੰਘ ਨੇ ਬਾਰਡਰ ਤੇ ਕੰਡੀ ਏਰੀਏ ਲਈ 125 ਕਰੋੜ ਦੀ ਗਰਾਂਟ ਕੀਤੀ ਮਨਜ਼ੂਰ
NEXT STORY 
