ਰੱਬ ਦੇ ਬੇਜ਼ੁਬਾਨ ਜੀਅ 'ਤੇ ਇੰਨਾ ਤਸ਼ੱਦਦ ! ਦੇਖ ਲੋਕਾਂ ਨੇ ਘੇਰ ਲਿਆ ਬੰਦਾ, ਫ਼ਿਰ ਜੋ ਹੋਇਆ...

Edited By Harpreet Singh,
Updated: 26 Nov, 2024 01:19 AM

ਲੁਧਿਆਣਾ (ਗਣੇਸ਼)- ਲੁਧਿਆਣਾ ਤੋਂ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੋਂ ਦੇ ਹੰਬੜਾ ਰੋਡ 'ਤੇ ਉਸ ਵਕਤ ਭਾਰੀ ਹੰਗਾਮਾ ਹੋ ਗਿਆ, ਜਦੋਂ ਇੱਕ ਵਿਅਕਤੀ ਵੱਲੋਂ ਆਪਣੇ ਘੋੜਾ-ਗੱਡੇ 'ਤੇ ਹੱਦ ਤੋਂ ਜ਼ਿਆਦਾ ਭਾਰਾ ਸਰੀਆ ਲੱਦਿਆ ਹੋਇਆ ਸੀ ਤੇ ਜਦੋਂ ਜ਼ਿਆਦਾ ਭਾਰ ਹੋਣ ਕਾਰਨ ਘੋੜੇ ਤੋਂ ਤੁਰਿਆ ਨਾ ਗਿਆ ਤਾਂ ਉਹ ਉੱਥੇ ਹੀ ਬੈਠ ਗਿਆ।

ਘੋੜਾ ਮਾਲਕ ਨੇ ਕਿਹਾ ਕਿ ਇਹ ਉਨ੍ਹਾਂ ਦਾ ਰੋਜ਼ ਦਾ ਕੰਮ ਹੈ ਤੇ ਇਸੇ ਕੰਮ ਤੋਂ ਉਹ ਆਪਣੀ ਰੋਜ਼ੀ-ਰੋਟੀ ਕਮਾਉਂਦੇ ਹਨ। ਇਸ ਮਗਰੋਂ ਲੋਕਾਂ ਨੇ ਉਸ ਨੂੰ ਕਿਹਾ ਕਿ ਚਾਹੇ ਇਹ ਉਸ ਦਾ ਕੰਮ ਹੈ, ਪਰ ਉਸ ਨੂੰ ਉਸ ਬੇਜ਼ੁਬਾਨ 'ਤੇ ਤਰਸ ਕਰਨਾ ਚਾਹੀਦਾ ਹੈ। ਉਸ 'ਚ ਵੀ ਤਾਂ ਜਾਨ ਹੈ।

ਇਹ ਵੀ ਪੜ੍ਹੋ- ਕਿਸਮਤ ਹੋਵੇ ਤਾਂ ਅਜਿਹੀ ! 6 ਰੁਪਏ ਦੀ ਲਾਟਰੀ ਟਿਕਟ ਤੋਂ ਕਿਸਾਨ ਨੇ ਜਿੱਤ ਲਿਆ 1 ਕਰੋੜ

ਇਸ ਮਗਰੋਂ ਮੌਕੇ 'ਤੇ ਖੜ੍ਹੇ ਲੋਕ ਗੁੱਸੇ ਵਿੱਚ ਆ ਗਏ ਅਤੇ ਮਾਮਲਾ ਗਰਮਾ ਗਿਆ। ਜਦੋਂ ਲੋਕਾਂ ਨੇ ਬੇਜ਼ੁਬਾਨ 'ਤੇ ਹੋ ਰਹੇ ਇਸ ਅੱਤਿਆਚਾਰ ਦਾ ਵਿਰੋਧ ਕੀਤਾ ਤਾਂ ਘੋੜੇ ਦਾ ਮਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਮੌਕਾ ਦੇਖ ਲੋਕਾਂ ਨੇ ਉਸ ਘੋੜੇ ਨੂੰ ਆਜ਼ਾਦ ਕੀਤਾ ਤੇ ਹੋਰਾਂ ਨੂੰ ਵੀ ਅਪੀਲ ਕੀਤੀ ਕਿ ਇਸ ਤਰੀਕੇ ਨਾਲ ਬੇਜ਼ੁਬਾਨਾਂ ਦੇ ਉੱਪਰ ਅੱਤਿਆਚਾਰ ਨਾ ਕੀਤਾ ਜਾਵੇ।

PunjabKesari