ਜਲੰਧਰ : ਰਾਜਾ ਵੜਿੰਗ ਵਲੋਂ ਬਾਦਲਾਂ ਨੂੰ ਵੋਟਾਂ ਵੇਚਣ ਦੇ ਲਗਾਏ ਗਏ ਦੋਸ਼ਾਂ ਤੋਂ ਬਾਅਦ ਬੌਖਲਾਏ ਸੁਖਪਾਲ ਖਹਿਰਾ ਨੇ ਇਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਭੜਾਸ ਕੱਢੀ ਹੈ। ਖਹਿਰਾ ਨੇ ਫੇਸਬੁੱਕ 'ਤੇ ਪੋਸਟ ਪਾ ਕੇ ਰਾਜਾ ਵੜਿੰਗ ਨੂੰ ਲੰਮੇਂ ਹੱਥੀਂ ਲਿਆ ਅਤੇ ਚੁਣੌਤੀ ਦਿੰਦਿਆਂ ਕਿਹਾ ਕਿ ਉਹ ਜਾਂ ਤਾਂ ਇਨ੍ਹਾਂ ਇਲਜ਼ਾਮਾਂ ਨੂੰ ਸਾਬਤ ਕਰਨ ਜਾਂ ਫਿਰ ਮੁਆਫੀ ਮੰਗਣ।
ਇੰਨਾਂ ਹੀ ਨਹੀਂ ਖਹਿਰਾ ਨੇ ਰਾਜਾ ਵੜਿੰਗ ਨੂੰ 2002-12 ਦਾ ਸਮਾਂ ਯਾਦ ਕਰਵਾਇਆ ਤੇ ਲਿਖਿਆ ਕਿ ਜਦੋਂ ਰਾਜਾ ਵੜਿੰਗ ਤੇ ਕੈਪਟਨ ਵਰਗੇ ਕਾਇਰ ਕਾਂਗਰਸੀ ਬਾਦਲਾਂ ਤੋਂ ਡਰਦੇ ਸਨ ਤਾਂ ਉਸ ਸਮੇਂ ਵੀ ਉਨ੍ਹਾਂ ਬਾਦਲਾਂ ਖਿਲਾਫ ਡੱਟ ਕੇ ਲੜਾਈ ਲੜੀ ਸੀ। ਜਿਸ ਕਾਰਨ ਉਨ੍ਹਾਂ ਮੇਰੇ ਖਿਲਾਫ 6 ਝੂਠੇ ਮੁਕੱਦਮੇ ਤਕ ਦਰਜ ਕੀਤੇ ਕਰਵਾਏ ਸਨ। ਖਹਿਰਾ ਨੇ ਰਾਜਾ ਵੜਿੰਗ 'ਤੇ ਕਈ ਇਲਜ਼ਾਮ ਲਾਉਂਦੇ ਹੋਏ ਚੁਣੌਤੀ ਦਿੱਤੀ ਕਿ ਕਾਂਗਰਸ ਨੂੰ ਛੱਡ ਕੇ ਮੇਰਾ ਮੁਕਾਬਲਾ ਕਰ, ਤੈਨੂੰ ਤੇਰੀ ਔਕਾਤ ਪਤਾ ਲੱਗ ਜਾਵੇਗੀ। ਖਹਿਰਾ ਨੇ ਰਾਜਾ ਵੜਿੰਗ ਨੂੰ ਆਪਣੇ ਪਿਤਾ ਦੇ ਅਪਰਾਧਕ ਰਿਕਾਰਡ ਦੱਸਣ ਲਈ ਵੀ ਕਿਹਾ ।
ਖਹਿਰਾ ਨੇ ਕਿਹਾ ਕਿ ਜੇਕਰ ਤੂੰ ਮੇਰੇ ਖਿਲਾਫ ਲਗਾਏ ਇਲਜ਼ਾਮ ਸਾਬਤ ਕਰ ਦੇਵੇ ਤਾਂ ਮੈਂ ਸਿਆਸਤ ਛੱਡ ਦੇਵਾਂਗਾ ਪਰ ਜੇ ਤੂੰ ਸਾਬਤ ਨਹੀਂ ਕਰ ਸਕਿਆ ਤਾਂ ਕੀ ਤੂੰ ਸਿਆਸਤ ਛੱਡੇਂਗਾ। ਸਿਆਸਤ ਵਿਚ ਲੀਡਰਾਂ ਦੇ ਸਿੰਙ ਫਸਣਾ ਕੋਈ ਨਵੀਂ ਗੱਲ ਨਹੀਂ ਪਰ ਖਹਿਰਾ ਤੇ ਰਾਜਾ ਵੜਿੰਗ ਦੀ ਇਹ ਸ਼ਬਦੀ ਜੰਗ ਹੋਰ ਕਿੰਨੀਂ ਦੂਰ ਜਾਵੇਗੀ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
ਗੁਰੂ ਘਰ 'ਚੋਂ ਕਾਰ ਚੋਰੀ ਕਰਨ ਵਾਲਾ ਗਿਰੋਹ ਕਾਬੂ, ਇਕ ਫਰਾਰ
NEXT STORY