ਤਲਵੰਡੀ ਭਾਈ (ਪਾਲ) : ਪਿਛਲੇ ਅਨੇਕਾਂ ਸਾਲਾਂ ਤੋਂ ਪੰਜਾਬ ਸਰਕਾਰ ਤੇ ਕੇਂਦਰ ਸਰਕਾਰ ਵੱਲੋਂ ਵੱਖ-ਵੱਖ ਪਾਲਸੀਆਂ, ਸਕੀਮਾਂ ਤਹਿਤ ਗਰੀਬ ਤੇ ਲੋੜਵੰਦ ਲੋਕਾਂ ਲਈ ਆਇਆ ਸਰਕਾਰੀ ਰਾਸ਼ਨ ਜ਼ਰੂਰਤਮੰਦਾਂ ’ਚ ਵੰਡ ਕੇ ਤੇ ਬਾਕੀ ਦਾ ਕੁਝ ਬਚਿਆ-ਖੁਚਿਆ ਆਪਣੇ ਡਿਪੂਆਂ ਨੂੰ ਪੈਣ ਵਾਲੇ ਖਰਚਿਆਂ ਨੂੰ ਕਵਰ ਕਰਕੇ ਆਪਣੀ ਰੋਜ਼ੀ-ਰੋਟੀ ਕਮਾਉਣ ਵਾਲੇ ਸਰਕਾਰੀ ਰਾਸ਼ਨ ਡਿਪੂ ਹੋਲਡਰ ਅੱਜ ਤਬਾਹੀ ਦੇ ਕੰਢੇ ’ਤੇ ਬੈਠੇ ਹਨ। ਇਸ ਸਬੰਧੀ ਗੱਲਬਾਤ ਕਰਦਿਆਂ ਕੁਝ ਡਿਪੂ ਹੋਲਡਰਾਂ ਨੇ ਦੱਸਿਆ ਕਿ ਕਿਸੇ ਸਮੇਂ ਸਾਡੇ ਸਰਕਾਰੀ ਰਾਸ਼ਨ ਵੰਡਣ ਵਾਲੇ ਡਿਪੂਆਂ ਦੇ ਉਪਰ, ਖੰਡ, ਘਿਓ, ਦਾਲਾ, ਕੱਪੜਾ ਤੇ ਮਿੱਟੀ ਦਾ ਤੇਲ (ਕੈਰੋਸੀਨ) ਸਮੇਤ ਹੋਰ ਵੀ ਅਨੇਕਾਂ ਪ੍ਰਕਾਰ ਦਾ ਘਰੇਲੂ ਸਾਮਾਨ ਲੋੜਵੰਦਾਂ ਨੂੰ ਵੰਡਣ ਲਈ ਹਰ ਮਹੀਨੇ ਆਉਂਦਾ ਹੁੰਦਾ ਸੀ ਤੇ ਉਸ ਨੂੰ ਵੰਡਣ ’ਤੇ ਬਣੇ ਕਮਿਸ਼ਨ ਨਾਲ ਸਾਡਾ ਗੁਜ਼ਾਰਾ ਵੀ ਹੋ ਜਾਂਦਾ ਸੀ ਪਰ ਹੁਣ ਪਿਛਲੇ ਕੁਝ ਸਮੇਂ ਤੋਂ ਸਰਕਾਰ ਨਾ ਤਾਂ ਸਾਨੂੰ ਵੰਡਣ ਲਈ ਪੂਰਾ ਰਾਸ਼ਨ ਦਿੰਦੀ ਹੈ ਤੇ ਨਾ ਹੀ ਕੇਂਦਰ ਜਾਂ ਸੂਬਾ ਸਰਕਾਰ ਵੱਲੋਂ ਭੇਜੇ ਰਾਸ਼ਨ ਨੂੰ ਵੰਡ ਕੇ ਬਣਦੇ ਮੁਨਾਫੇ ਦੇ ਮੁਤਾਬਿਕ ਬਣਦਾ ਕਮਿਸ਼ਨ ਹੀ ਦਿੰਦੀ ਹੈ ਤੇ ਨਾ ਹੀ ਕੋਈ ਤਨਖਾਹ ਵਗੈਰਾ ਦਿੰਦੀ ਹੈ।
ਇਹ ਵੀ ਪੜ੍ਹੋ : ਪੈਨਸ਼ਨ ਨੂੰ ਲੈ ਕੇ ਹਾਈਕੋਰਟ ਨੇ ਸੁਣਾਇਆ ਵੱਡਾ ਫ਼ੈਸਲਾ
ਪਹਿਲਾ ਰਾਸ਼ਨ ਕਾਰਡ ਹੋਲਡਰਾਂ ਨੂੰ ਵੰਡਣ ਤੋਂ ਰਾਸ਼ਨ ਬਚ ਜਾਂਦਾ ਸੀ, ਉਸ ਨੂੰ ਮਾਰਕੀਟ ’ਚ ਵੇਚ ਕੇ ਡਿਪੂ ਹੋਲਡਰ ਆਪਣੇ ਸਾਰੇ ਖਰਚੇ ਤੇ ਹੋਰ ਕਮਾਈ ਵੀ ਕਰ ਲੈਂਦੇ ਸਨ ਅਤੇ ਕਈ ਉੱਚ ਅਧਿਕਾਰੀਆਂ ਨੂੰ ਵੀ ਇਸ ਦਾ ਹਿੱਸਾ ਪਹੁੰਚ ਜਾਂਦਾ ਸੀ ਪਰ ਹੁਣ ਜਦੋਂ ਡਿਪੂ ਹੋਲਡਰਾਂ ਨੂੰ ਰਾਸ਼ਨ ਦਾ ਸਾਮਾਨ ਹੀ ਨਹੀਂ ਮਿਲ ਰਿਹਾ ਤਾਂ ਉਹ ਕਾਰਡ ਹੋਲਡਰਾਂ ਨੂੰ ਕੀ ਦੇਣ ਅਤੇ ਬਚਿਆ ਹੋਇਆ ਕੀ ਵੇਚਣ। ਉਨ੍ਹਾਂ ਕਿਹਾ ਕਿ ਹਾਲਾਤ ਇਹ ਹੋ ਗਏ ਹਨ ਕਿ ਪੰਜਾਬ ਸਰਕਾਰ ਵੱਲੋਂ ਡਿਪੂ ਹੋਲਡਰਾਂ ਨੂੰ ਭੇਜੀ ਜਾਣ ਵਾਲੀ ਏ. ਪੀ. ਐੱਲ. ਜਾਂ ਬੀ. ਪੀ. ਐੱਲ. ਸਮੇਂ ’ਤੇ ਰਾਸ਼ਨ ਕਾਰਡਾਂ ਉਪਰ 2 ਰੁਪਏ ਕਿੱਲੋ ਮਿਲਣ ਵਾਲੀ ਕਣਕ ਵੀ ਮੁਫਤ ਕਰ ਕੇ ਆਪਣਾ ਸਿਆਸੀ ਲਾਹਾ ਖੱਟਣ ਦਾ ਪ੍ਰਬੰਧ ਤਾਂ ਕਰ ਲਿਆ ਹੈ ਪਰ ਇਸ ਨੇ ਡਿਪੂ ਹੋਲਡਰਾਂ ਦਾ ਸਮਝੋ ਲੱਕ ਤੋੜ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਕੁਝ ਵਰ੍ਹੇ ਪਹਿਲਾਂ ਪੰਜਾਬ ਦੇ ਸਮੁੱਚੇ ਡਿਪੂ ਹੋਲਡਰਾਂ ਨੇ ਹੜਤਾਲ ਕੀਤੀ ਸੀ, ਜੋ ਕਿ ਤਿੰਨ ਮਹੀਨੇ ਦੇ ਕਰੀਬ ਚੱਲੀ ਸੀ। ਜਿਸ ਨੂੰ ਵੇਖਦੇ ਹੋਏ ਉਸ ਸਮੇਂ ਦੇ ਖੁਰਾਕ ਸਪਲਾਈ ਮੰਤਰੀ ਨੇ ਉਦੋਂ ਚੰਡੀਗੜ੍ਹ ’ਚ ਸਮੂਹ ਜ਼ਿਲਾ ਪ੍ਰਧਾਨਾਂ ਨਾਲ ਗੱਲਬਾਤ ਕਰਕੇ ਇਹ ਮੰਗ ਮੌਕੇ ’ਤੇ ਹੀ ਪ੍ਰਵਾਨ ਕਰ ਲਈ ਸੀ ਕਿ ਡਿਪੂ ਹੋਲਡਰਾਂ ਨੂੰ ਪਨਸਪ ਵੱਲੋਂ ਸਿੱਧਾ ਮਾਲ ਸਪਲਾਈ ਕਰਨ ਦਾ ਕੋਈ ਵੀ ਕਿਰਾਇਆ ਨਹੀਂ ਲਿਆ ਜਾਵੇਗਾ ਅਤੇ ਹਰ ਡਿਪੂ ਹੋਲਡਰ ਨੂੰ ਉਸ ਦੇ ਹਿੱਸੇ ਦੀ ਬਣਦੀ ਸਪਲਾਈ ਭੇਜੀ ਜਾਵੇਗੀ।
ਇਹ ਵੀ ਪੜ੍ਹੋ : ਦਰਬਾਰ ਸਾਹਿਬ ਕੰਪਲੈਕਸ ਵਿਖੇ ਗੁਰਦੁਆਰਾ ਸਾਹਿਬ 'ਚ ਬੇਅਦਬੀ ਦੀ ਕੋਸ਼ਿਸ਼ ਕਰਨ ਦੇ ਮਾਮਲੇ 'ਚ ਵੱਡਾ ਖ਼ੁਲਾਸਾ
ਹੁਣ ਹਾਲਾਤ ਇਹ ਹਨ ਕਿ ਖੰਡ, ਮਿੱਟੀ ਦੇ ਤੇਲ ਤੇ ਹੋਰ ਰਾਸ਼ਨ ਦਾ ਕੋਟਾ ਤਾਂ ਬਿਲਕੁਲ ਖਤਮ ਕਰਨ ਦੀ ਕਗਾਰ ’ਤੇ ਹੀ ਹੈ ਤੇ ਗਰੀਬਾਂ ’ਚ ਵੰਡੀ ਜਾਣ ਵਾਲੀ ਕਣਕ ਦੀ ਸਪਲਾਈ ਵੀ ਕਾਰਡ ਹੋਲਡਰਾਂ ਮੁਤਾਬਿਕ ਰਾਸ਼ਨ ਡਿਪੂਆਂ ’ਤੇ ਪੂਰੀ ਨਹੀਂ ਆ ਰਹੀ ਅਤੇ ਖਪਤਕਾਰ ਆ ਕੇ ਡਿਪੂ ਹੋਲਡਰਾਂ ਨਾਲ ਲੜਦੇ ਹਨ ਕਿ ਤੁਸੀਂ ਕਣਕ ਬਾਹਰੋਂ ਬਾਹਰ ਵੇਚ ਦਿੱਤੀ ਹੈ। ਸਮੂਹ ਡਿਪੂ ਹੋਲਡਰਾਂ ਨੇ ਮੰਗ ਕੀਤੀ ਹੈ ਕਿ ਲੋਕਾਂ ਨੂੰ ਵੰਡਣ ਲਈ ਰਾਸ਼ਨ ਦੀ ਪੂਰੀ ਸਪਲਾਈ ਹਰ ਮਹੀਨੇ ਭੇਜੀ ਜਾਵੇ, ਤਾਂ ਜੋ ਸਰਕਾਰ ਨੂੰ ਮੁਫਤ ’ਚ ਮਿਲੇ ਇਹ ਨੌਕਰ ਡਿਪੂ ਹੋਲਡਰ ਵੀ ਆਪਣੀ ਰੋਜ਼ੀ ਰੋਟੀ ਦਾ ਜੁਗਾੜ ਚਾਲੂ ਰੱਖ ਸਕਣ।
ਇਹ ਵੀ ਪੜ੍ਹੋ : ਖੇਮਕਰਨ ਦੇ ਗੁਰਭੇਜ ਦਾ ਇੰਗਲੈਂਡ 'ਚ ਕਤਲ, ਤਿੰਨ ਭੈਣਾਂ ਦਾ ਸੀ ਇਕਲੌਤਾ ਭਰਾ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਅਬੋਹਰ 'ਚ ਭਾਜਪਾ ਦੀ ਵਿਸ਼ਾਲ ਰੈਲੀ, CM ਨਾਇਬ ਸਿੰਘ ਸੈਣੀ ਨੇ ਦਿੱਤਾ ਵੱਡਾ ਬਿਆਨ (ਵੀਡੀਓ)
NEXT STORY 
